► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Luukse veilingskraal by Frankfort

Een van die modernste en mees doelontwerpte veilingskrale in die land, die Royal Auction Centre, is pas by Frankfort in die Noord-Vrystaat in gebruik gestel. Dit beslaan sowat 5 500 m2 onderdak en is toegerus met ‘n paviljoen met luukse sitplekke, private losies vir kopers, afslaersgeriewe en die ring van 1 000 m2 waar die diere opgeveil word. Die veilingskraal het kapasiteit om 1 700 beeste en 300 skape tegelyk te hanteer, terwyl 350 mense ‘n veiling kan bywoon waar 15 lugversorgers die binnenshuise temperatuur reguleer. Die luukse afslaerslokaal beskik oor ‘n klankstelsel en kringtelevisie. Voorts is daar ‘n groot goedtoegeruste kombuis, ‘n gerieflike eetsaal met balkon en uitsig oor die Vaalrivier, asook ‘n lapa en braaiplek. Die entrepreneurs vir die beplanning, oprigting en bedryf van die Royal Auction Centre is twee plaaslike boere Michael de Klerk en Louwrens Bibbey, wat vooraf deeglike navorsing gedoen het en talle veilingskrale besoek het. Vir die nabye toekoms beplan hulle om die veilingskraal verder op te gradeer vir wildveilings.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top