► Volgens SA in Instituut vir Rasseverhoudinge (SAIRV) toon jongste misdaadstatistiek vir SAPD tesame met vorige statistiek dat sedert 1994 in SA sowat 500 000 moorde gepleeg is en 1 miljoen verkragtings ► Prof. Rudolph Zinn van Unisa sê uit navorsing blyk dit dat van die misdadigers voer tot 107 misdrywe uit voordat hulle gearresteer word ► Solidariteit Netwerk loods nuwe Sol-Tech kampus in Pretoria teen koste van R300 miljoen, sal huidige kampus vir 1 200 studente verdubbel en sal na verwagting deure open in Januarie 2021 ► Kyk by hierdie video hoe top bevelvoerders van SA Vloot en Lugmag in Parlement getuig hoe vloot en lugmag op rand van ineenstorting is ► Vrou (55) in Oos-Vrystaat gisteraand terwyl sy gebad op ‘n plaas aangeval en verkrag, aanvaller vlug en niks gesteel nie ► Op die Economic Freedom of the World (EFW) 2019 verslag val Suid-Afrika 54 plekke na nr. 101 uit 162 lande, vanaf plek 47 in 2000 – volg hierdie skakel vir meer inligting ►Dit lyk of Britse premier Boris Johnson ‘n deurbraak met Brexit kan maak na ooreenkoms oor grensbeheer met Ierse Democratic Unionist Party (DUP) ► Voormalige Bok-afrigter Peter de Villiers sê hy gaan nie Springbokke vanjaar by Wêreldbeker ondersteun nie, omrede vroeëre betrokkenheid van Eben Etzebeth by onderonsie met twee bruin mense in Langebaan ►

Dit blyk dat verskeie voornemende ontginningsmaatskappye inklim in groot dele van sentraal-SA en bykans 2 miljoen ha al onder sg. ontginningsreg geplaas is.

Reeds in 2015 het Rhino Oil & Gas die omgewingskonsultante SLR Consulting aangestel om ondersoek te doen na die ontginning van aardgas in die Noordoos-Vrystaat en Noord-KZN. Die betrokke gebied in die Vrystaat sluit in plase in die distrikte van Kroonstad, Heilbron, Frankfort, Edenville en Oranjeville, asook ‘n groot opvangsgebied van water vir verskeie riviere. Die soektog na aardgasse in die Vrystaat en KZN word met teenkanting begroet omdat inwoners hidrobreking vermoed.

Tans het Motuoane Energy die konsultante Environmental Impact Management Services aangestel om bepaalde ontginningspotensiaal te ondersoek in dele van die Noordoos-Vrystaat, plus plase in die distrikte van Kroonstad, Hennenman, Theunissen en Ventersburg. Volgens Vrystaat Landbou word minstens 1,2 miljoen ha deur hierdie ondersoeke geraak. In reaksie word monstervergaderings tans deur Vrystaat Landbou met boere op verskillende plekke gehou.

Voorts soek Sungu Sungu Gas, ‘n ontginningsmaatskappy, tans na olie en gas op sowat 565 000 ha oftewel ongeveer 1,3 miljoen rugbyvelde aan die voet van die Drakensberge vanaf Memel en Swinburne in die Vrystaat tot by Winterton en Watersmeet in KZN. Dit blyk dat die totale gebied in die visier van Sungu Sungu Gas beslaan sowat 100 000 km2.

Inmiddels word berig van voorgenome planne van ’n Australiese mynmaatskappy, Lukisa, wat deur ’n Russiese maatskappy befonds word om uraan in die Karoo te ontgin. Die maatskappy het 750 000 ha grond in die Wes-, Noord- en Oos-Kaap bekom en beplan ook om ’n reuse- sentrale prosesseringsaanleg buite Beaufort-Wes op te rig. Blykbaar is die eksplorasieproses en omgewingimpakstudie afgehandel en kan Lukisa nou vir ’n mynlisensie aansoek doen. In reaksie hierop het AfriForum in ’n petisie aan die Minister van Minerale Hulpbronne verklaar dat die projek tot die vernietiging van ’n groot deel van die Karoo-ekostelsel kan lei.

Vir meer besonderhede kan o.m. www.frackfreesa.org.za besoek word.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top