►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Misdaad kos Vrystaat R1,4 miljard per jaar

Volgens Vrystaat Landbou (VL) kos misdaad in die landelike gebiede van die provinsie die provinsie jaarliks minstens sowat R1,4 miljard. Volgens ‘n opname in die Virginia-distrik, staan hulle jaarliks beraamde verliese ten opsigte van voertuig-, vee- en algemene diefstal asook huisbrake/inbrake op tussen R3,83 miljoen en R6,863 miljoen. Nie hierby ingereken nie, is die nie-rapporteringsyfer van tussen 20%-50%, en kan die waarde eksponensieël vermeerder tot nagenoeg R10 miljoen. Die tipe diefstal wat kommersiële boere van Virginia die meeste ervaar, is skroot (wat diefstal van ysterpale, sonpanele en sinkplate insluit) gevolg deur koperkabel diefstal, diefstal van mielies en diesel.

Die Virginia distrik word verder geraak deur zama-zamas wat oor landbougrond pendel veral langs spoorlyne en dit bring diefstal van skroot/sonpanele en selfs deure, venters, ens. mee.  Die Virginia-area word voorts omring deur myne waarop daar verbode immigrante woonagtig is en wat hulself skuldig maak aan allerlei diefstal en wanpraktyke. VL het die statistiek en feite m.b.t. Virginia-boere na die res van die provinsie se 81 dorpe uitgebrei en tot die slotsom gekom van verliese van sowat R1,4 miljard vir die provinsie as geheel. Die volledige opname oor Virginia is hier beskikbaar. 

Gradeer die artikel
(0 stemme)

Lewer kommentaar

Vul al die vereiste velde in (*)

Go to top