► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Diefstal behels die opsetlike en wederregtelike toe-eiening van iets wat aan iemand anders behoort. So kan ook enige misdaad gedefinieer word, bv. moord, ens.

Die woord “onteiening” beliggaam die dilemma: Jy kan slegs iets onteien indien dit rééds iemand se wettige eiendom is. Om dit egter te onteien sonder vergoeding, verg die wettiging van ʼn misdaad – naamlik diefstal.

Op voetspoor hiervan loop die mosie wat gister in die Parlement aanvaar is dat art. 25 van die Grondwet gewysig moet word ten einde onteiening sonder vergoeding “moontlik” te maak. Sodoende betree die ANC en hul meelopers die teater van die absurde en maak ʼn bespotting van SA as klugregstaat voor die oë van al die egte demokrasieë in die wêreld.

By hierdie kommentaar van ons moet ons die volgende uittreksel voeg uit ‘n mediaverklaring van die VF Plus: “Die mosie moet na regte lui: ʼn Mosie oor hoe om Suid-Afrika se ekonomie en sy toekoms te vernietig.

“Daar is steeds mense wat dink slegs landbougrond is ter sprake by onteiening sonder vergoeding. Artikel 25 van die Grondwet maak dit duidelik dat eiendom nie beperk is tot grond nie, maar sluit roerende en intellektuele eiendom in.”

Ons wil graag, sonder om die beuel van enige politieke party te blaas, enkele sprekende mediaverklarings die afgelope week aanhaal, soos hierdie een van die VF Plus oor die vermoë van die ANC-bewind m.b.t. die toekoms van die land:

 
“Dit is goed dat die ANC kennis neem van die Vierde Industriële Revolusie wat werkgewers in die afsienbare toekoms nie so weerloos gaan laat teen arbeidswette en die weerbarstigheid van sy vakbond-vennote nie. Die vraag is of Suid-Afrika die elektrisiteit sal hê om dié uitdagings na die volgende vlak die toekoms in te neem. Verlede week het Eskom aangedui dat hy sukkel om in die aanvraag na elektrisiteit te voorsien.
 
“Intussen wil dit voorkom of Nedlac se lank verwagte energieplan steeds in die koue lê en wag op ideologiese verskille om uit die weg geruim te word aangesien nuwe metodes van kragopwekking wat minder op fossielbrandstof leun, werksverliese tot gevolg kan hê. Terwyl vakbonde en ander rolspelers stry oor die ideologiese feite van die energieplan, kyk maatskappye wat alternatiewe energie vervaardig, reeds elders om hul geld te belê aangesien daar meer sekerheid is. Daardie selfde maatskappye het verlede jaar R200 miljard in Suid-Afrika belê.
 
“Sommige lande beplan reeds vir die Vyfde Industriële Revolusie waar kunsmatige intelligensie se rol bepalend gaan word. Die ANC sukkel nog homself in rat te kry vir die vierde.
 
“Boonop moet die regering eers toesien dat Suid-Afrika se munisipaliteite weer begin funksioneer aangesien myne se oorlewing direk gekoppel is aan basiese munisipale dienste. ʼn Sprekende voorbeeld is Matjhabeng in die Vrystaat, moontlik die swakste munisipaliteit in die land. Die gebied rondom Welkom, Theunissen, Virginia, Odendaalsrus en Hennenman was eens welvarend in dié goudryke gebied. Die vlakke van dienslewering het egter só agteruitgegaan dat onmiddellike ingryping nodig is.
 
“Die voortbestaan van die myne word direk hierdeur geraak. Dit is moeilik om te sien hoe enige plan wat deur die ANC uitgevoer moet word, hierdie krisis gaan oplos. Of om Suid-Afrika op tegnologiese gebied die toekoms in te neem.”

Indien gelet word op die talle skokkende onthullings van massiewe korrupsie in die land al bykans die afgelope 25-jaar – die wapenskandaal, Zuma-Gupta-staatskaping, Bosasa, Eskom, VBS Bank, OBK, munisipaliteite as poorte tot plundering, ens. – dan kan daar nie tot ‘n ander slotsom gekom word as dat die ANC een reuse misdaadsindikaat is met sy tentakels op feitlik lewensterrein in die land. Pas is voor die Zondo-kommissie getuig dat sowat R12 miljoen in omkoopgeld deur Bosasa aan die ANC Top 6 – Jacob Zuma, Cyril Ramaphosa, Gwede Mantashe, Jessie Duarte, Baleka Mbete en Zweli Mkhize – betaal is. Vroeër is getuig dat Bosasa begin is deur ʼn maatskappy wat aan die nasionale leiers van die ANC Vroueliga behoort het.

Insiggewend is veral op die volgende drie punte die besprekingsdokument wat die ANC die afgelope naweek aanvaar het vir sy beleidskonferensie wat einde Junie 2017 plaasvind: Eerstens dat “'n rewolusionêre verkiesingskommissie gestig word wat as hekwagters moet dien en moet keer dat verkiesingsprosesse in die party gemanipuleer word. Hierdie kommissie moet alle kandidate eers goedkeur voordat hulle vir verkiesings as partyverteenwoordigers benoem word.”
Die ooglopende doelwit hiermee is om slegs kandidate van bo af vooraf goedgekeur, as verteenwoordigers te kry. Tweedens, moet die presidensie versterk word as die “strategiese sentrum van mag in die staat.” Derdens, moet die ANC 'n ten volle outomatiese, elektroniese werwing- en lidmaatskapbestuurstelsel kry. Dit sal uit die ANC-hoofkantoor bestuur word en strukture laer af sal slegs toegang hê tot die dele wat op hulle betrekking het.

In 'n opsienbare verwikkeling het die SA Kommunistiese Party by monde van sy leier dr. Blade Nzimande, wat ook Minister van Hoër Onderwys is en 'n uitgesproke Zuma-kritikus, die afgelope naweek die volgende ultimatum aan die ANC gestel vir voortgesette alliansievorming en samewerking:
Pres. Jacob Zuma moet uittree as regeringshoof / Die SA burgerskap van die Guptas moet herroep word / Brian Molefe moet uit die Parlement bedank / SASSA moet strafregtelik ondersoek word / Die sg. Premierliga binne die ANC moet ontbind word. Hierdie word beskou as 'n stewige ultimatum wat tot 'n skeuring in die ANC en tot 'n waterskeiding in swart politieke geledere kan lei.

In 'n opsienbare verwikkeling het die SA Kommunistiese Party by monde van sy leier dr. Blade Nzimande, wat ook Minister van Hoër Onderwys is en 'n uitgesproke Zuma-kritikus, die afgelope naweek die volgende ultimatum aan die ANC gestel vir voortgesette alliansievorming en samewerking:
Pres. Jacob Zuma moet uittree as regeringshoof / Die SA burgerskap van die Guptas moet herroep word / Brian Molefe moet uit die Parlement bedank / SASSA moet strafregtelik ondersoek word / Die sg. Premierliga binne die ANC moet ontbind word. Hierdie word beskou as 'n stewige ultimatum wat tot 'n skeuring in die ANC en tot 'n waterskeiding in swart politieke geledere kan lei.

Go to top