► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Die KragDag Ekspo wat jaarliks in Augustus op die plaas Diamantvallei oos van Pretoria gehou word, met die datum vir vanjaar 8-10 Augustus, bied ’n vertoonvenster vir energie- en ander selfstandigheidsoplossings oor die samelewingspektrum. Dit sluit in entrepreneurskap in veelvuldige skakerings, ʼn opvoedkunde sub-ekspo en ’n volwaardige landbou-ekspo.


Dit alles word saamgevat onder die leuse Doen Jou Eie Ding! en staan in die teken van 'n vryword-lewe deur volhoubare en selfstandigheidsoplossings gekoppel aan doen-dit-self planne - alles wat jou terselfdertyd minder uitgelewer en afhanklik van ’n staatsbepaalde lewe maak. Hierin speel dinge soos hernubare en alternatiewe energie ʼn sentrale rol, maar daar word ook voorsiening gemaak vir ander aspekte wat ʼn lewe van selfbehoud en selfbeskik moontlik maak.


By KragDag word oplossings gevind vir die uitdagings van energie, water, veiligheid, gesondheid, voedselproduksie, opvoedkunde, verve, konstruksie en veel meer. Terselfdertyd word ʼn platform verskaf waar ondernemers en die publiek kan sinergiseer ten einde by nog beter konsepte uit te kom.


Die atmosfeer by KragDag is getooi in ‘n karnavalatmosfeer waarin lekker kuier deuretyd hoog op die agenda is.Tydens die ekspo is daar in die KragDag Raadsaal ook gratis lesings en paneelbesprekings deur bekendes en kenners, terwyl op die landbou-ekspoterrein o.l.v. TLU SA indringend aandag gegee word aan die velerlei aspekte van die boerderbedryf. Dit sluit 'n slaglamkompetisie en die Toyota Afslaers streekskampioenskappe in.


Aktiwiteite in die arena sluit in vertonings met perde en berede oorlogvoering, veerastentoonstellings, hommeltuigdemonstrasies en ’n grassnyerresies.


Samevattend kan by die KragDag Ekspo o.m. die volgende te wagte wees: 330 selfstandigheidstema uitstallers / 165 landbou-uitstallers / 30 opvoedkunde-uitstallers / 20 makerbeweging uitstallings / 50 junior entrepreneurs / ’n snuffelmark / massiewe verskeidenheid verversings / pretpark en vermaak wat enige iets insluit tussen ossewa- en helikopterritte.


KragDag is gebore uit ʼn beskeie private inisiatief en deur die jare het dit, gekenmerk deur Afrikaanse en Afrikanerkultuur, van krag tot krag gegroei tot ʼn gebeurtenis wat nie misgeloop moet word deur elkeen wat met geloof en persoonlike dryfkrag vorentoe wil gaan nie. Veral vir die Afrikaner wat toenemend uit die hoofstroom ekonomie gemarginaliseer word, bied KragDag ʼn uitmuntende geleentheid om hom- of haarself ten volle uit te leef.

Go to top