► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Ander misdaad (69)

Die tragiese verval van SA onder die patetiese ANC-bewind word grafies weerspieël in die gevallestudie van Newcastle Munisipaliteit, soos soos volg verwoord in ‘n mediaverklaring van die VF Plus:

“Die ANC het Newcastle in 2009 oorgeneem met geen korttermyn-skuld nie en met kontantreserwes van R270 miljoen. Teen Junie 2013 was die kontantreserwes uitgewis en die geld is hoofsaaklik gebruik vir bedryfsuitgawes.

“Tussen 2012 en 2015 het die munisipaliteit R544 miljoen by ABSA en die Ontwikkelingsbank van Suid-Afrika (OBSA) geleen ten spyte van teenkanting van die opposisie en waarskuwings dat die munisipaliteit die lening nie sou kon terugbetaal nie. Teen Junie vanjaar (2019) het onbefondsde bedryfslaste R876 miljoen beloop, skuld aan Eskom R195 miljoen en aan Uthukela-Water R95 miljoen.

“Die oorbesteding van die begroting oor die afgelope vyf jaar het gelei tot 'n kontanttekort van R849 miljoen vir 2018/19 vanaf ʼn tekort van R422 miljoen in 2015/16. Oor die afgelope twee jaar het vrugtelose en verkwiste uitgawes tot so ʼn mate buite beheer gestyg dat net die rente op die agterstallige rekening van die inkomstediens (SARS) vir 2018/19, R25 miljoen beloop het.

“Die bate/laste-verhouding vir die huidige jaar het vir die eerste keer onder ʼn faktor een gedaal wat beteken die munisipaliteit is tegnies bankrot. Die VF Plus  is veral besorg oor die kontantposisie van die munisipaliteit aangesien dit jaar na jaar verswak. Op 31 Desember 2018 het sy totale skuld reeds R1,295 miljard beloop. Skuld aan Eskom was in Februarie 2018 R71.332 miljoen en het teen 31 Januarie vanjaar toegeneem tot R192.048 miljoen. Die munisipaliteit moet nou ingevolge ʼn hofbevel R30 miljoen per maand aan Eskom terugbetaal om sy skuld te delg.”

Met verwysing na die tragiese insident van n jong boer wat doodgeskiet is in die omgewing van Hoopstad en die teenwoordigheid van SAPD uniforms op die toneel vat dit my na n insident op 18 Oktober 2018.

Ek ontvang 'n oproep wat sê ek moet gaan kyk daar is pensmis langs die kamp waar beeste van ons loop. Op die toneel aangekom vind ek dat die heining deur 'n vragmotor platgery is. Die identifikasie plaatjie van die voertuig wat moontlik die heining plat gery het, het ek op die toneel opgetel.

Ek merk toe dat daar 4 hope pensmis langs die pad lê en besef dat hier minstens 4 beeste betrokke moes gewees het. By verdere ondersoek is gevind dat daar ongeveer 23:00 die nag tevore 'n ongeluk was waar die voertuig soos op foto 'n bees gestamp het.

Dit was maklik om die voertuig en die eienaar van die voertuig op te spoor deurdat ek gewoon kontak gemaak het met die insleepdienste. Die foto van die voertuig is dan ook op hulle werf geneem.

Tydens ondervraging van die eienaar en die insleepdienste het dit aan die lig gekom dat daar 'n ambulans en verskeie SAPD voertuie op die toneel was terwyl beide die insleepdiens en die eienaar van die voertuig wat in die ongeluk betrokke was nog op die toneel was.

Ek is toe na die SAPD kantoor op Hennenman en het gevra of hulle bewus was van 'n ongeluk op die bepaalde pad. Almal in uniform was bewus van die voorval. Aangesien my pad in diens van my land ook deur die aanklagkantore gegaan het is ek nog effe op hoogte van wat daar behoort te gebeur. Daarom neem ek toe die Ongelukverslagboek af daardie foto spreek vanself.

Dit word toe duidelik dat hier groot fout is. Die aanklag kantoor weier of versuim om die voertuie wat op die toneel was aan my bekend te maak asook wie die drywers was. Ek besef toe dat hier 'n doodloopstraat is en skakel direk met Veediefstal op Odendaalsrus. Die reaksie nadat ek die persoon wie die telefoon geantwoord het ingelig het dat ek vermoed dat lede van die SAPD 4 beeste gesteel het was "Mnr gaan maak 'n saak by jou polisiekantoor, ek is gatvol vir almal wat altyd die polisie beskuldig van alles". So gesê so gemaak en saak nommer 76/10/2018 word geopen. Ek skryf my verklaring in Afrikaans en teken dit in die teenwoordigheid van 'n baie hulpvaardige lid.

Later die aand ontvang ek 'n oproep wat meedeel dat ek na die aanklag kantoor moet gaan. Daar gekom toe moet my verklaring wat nou in Engels geskryf is deur die lid aan diens onderteken word en die Afrikaanse weergawe word aan my teruggegee. Dit is die nag van 18 Oktober 2018.

Intussen loop ek op 'n walglike spoor ten einde die eienaar van die voertuig wat nou die identifikasie plaatjie ontbreek op te spoor. Dit bring my in die kantoor van 'n vervoer onderneming in 'n ander dorp en die opvolg eienaar in 'n ander provinsie. Die diensbestuurder van VOLVO te Bloemfontein verloor sy humeur vir my oor die ellendige plaatjie wat aan een voertuig behoort wat nie naby die toneel kon wees nie terwyl die wat wel naby die toneel kon gewees het wat moontlik die plaatjie gedra het nou deur VOLVO beskerm word aangesien hulle kwansuis kliente se inligting vertroulik hanteer.

Daar gebeur niks met die saak nie en ek word ingelig om met Generaal Modise oor die saak te praat, sy is glo die "cluster" bestuurder (wat dit ookal mag beteken}. Na die eerste oproep begin daar iets gebeur en ek word soos 'n skoolkind opgeroep na die kantoor van die Veediefstaleenheid se kantoor. Daar geland word die leviete my voorgelees oor die feit dat hulp elders gesoek word. Steeds talm die saak en skielik weier die insleepdiens man om 'n verklaring af te lê uit vrees dat hy nie weer werk sou kry wanneer daar ongelukke is nie. Die ambulansman swyg soos die graf.

Daar kom 'n anonieme aanbeveling dat ek die Vrystaatse bevel van Veediefstal moet kontak en wohalla daar begin goed gebeur. Die man wat die saak ondersoek het kry bevordering en die saak word oorgeneem deur die volgende ondersoek beampte wat redelik gereeld met my kontak maak. Die saak vorder tot waar daar oog getuies was wat gesien het hoe die ambulans een kalf (sonder sy pensmis) in laai en die ander in "vangwaens" gelaai is.

Toe skielik op 15 Maart 2019 kry ek 'n "whatsapp" boodskap wat sê. " Hi dr. Prosecuter declined prosecution ...."

Wat opmerklik was op die toneel was. 1. daar was net 3 druppels bloed op die pad niks verder nie. 2. Geen doppies op die toneel. 3. die Voertuie wat gelaai het is deur ervare mense bestuur aangesien die bande op elke foto getol het wat bevestiging van die spore onmoontlik gemaak het. 4. Die Tracker sisteem is volgens inligting nie betaal deur SAPD dus kon die voertuie nie positief met die toneel verbind word nie. 5. Die bevelstruktuue van die nooddienste te Winburg weier samewerking. 6. Ongeag die feit dat elke dier wat vermis is onmiddellik geidentifiseer is en 'n DNA profiel beskikbaar is is die verdagtes nooit ondersoek ten einde 'n stukkie weefsel te bekom wat die dier en die verdagtes kan verbind nie. 7. Die veediefstal eenheid het nooit die eienaar van die voertuig wat die heining vernietig het ondersoek nie aangesien dit nie hulle werk is nie.

Ek is in my hart jammer vir die jongman wat in koelen bloed moes sterf aan die hand van die wie hy vertrou het. Ek is soos Boetman de bliksem in oor elke insident waar burgers van hierdie land versaak word in lewe en in huis en haard deur hulle wat ons moet veilig hou. Deur hulle wat ons eiendom moet beskerm.

Ek sou graag die regering blatant wou uitdaag om Boedelbelasting van vermoorde mense af te skryf, om alle vervanging agv diefstal se BTW af te skryf om hulle rekeninge te betaal sodat monitering behoorlik gedoen kan word. Om die mediese kostes te dra van die burgers wat beseer en verwond word tydens aanvalle of rooftogte. Ek wil die regering daag om ons as belastingbetalende burgers te beskerm teen die korruptes binne die organe van die staat.

Miskien moet ons meer sê oor DIE LAND

‘n Tragedie van die landswye tragedie wat sigself tans in Suid-Afrika afspeel, is dat die eintlike rampokkers, die gewetenlose plunderaars, los rondloop. Jacob Zuma het in sy pos as staatspresident, onder die eed van getrouheid, die land op ‘n skinkbord weggegee aan buitelandse Indiër rampokkers en sodoende sy land verraai.

Steeds loop hy egter los rond en word eenvoudig nie aangekla nie, wat nog te sê van vervolg en gestraf te word. Erger nog, die gewoonteregtelike straf vir landsverraad is die dood – hoe kan geargumenteer word Zuma verdien dit nie?

Die groot tromslaner van die ANC, Ace Magashule as sekretaris-generaal, het met ongeëwenaarde korrupsie in nege jaar die Vrystaat as provinsie tot op die grond afgetakel. Ook hy word nie eens aangekla nie.

So kan aangegaan en aangegaan word oor die tragedie der tragedie ……

Die tweede groot nuusstorie was die onthulling deur Volksblad dat die totale bedrag van R334 202 652 van Julie 2014 tot April 2016 aan die Gupta-maatskappy Estina oorbetaal is vir “bedryf” van die suiwelplaas in die Vrede-distrik. Verreweg die meeste van hierdie geld is direk oorgeplaas in ʼn Gupta-rekening by die Bank van Baroda in Indië.

Verlede jaar is senior amptenare van die Vrystaatse Dept. van Landbou, sommige van die Gupta-broers en Duduzane Zuma aangekla vir hierdie korrupsie en geldwassery, maar alle klagtes is later teruggetrek, sodat niemand tans tereg staan nie – en wat moontlik wys hoe diep die tentakels van korrupsie tot selfs in die regterlike gesag strek.

Nou word vanuit opposisiegeledere en die hoofstroommedia daarop aangedring dat die Estina-saak opnuut ondersoek word met die oog op vervolging van almal verantwoordelik en dat intussen veral voormalige Vrystaatse premier en huidige sekretaris-generaal van die ANC Ace Magashule en voormalige LUR vir Landbou Mosebenzi Zwane voor Zondo-kommissie kom getuig. Hier is beslis nog ʼn katnes wat wag om oopgesteek te word – met waarskynlike gevolge dat hooggeplaastes in die oranje klere van die DKD gaan opeindig.

In ʼn sekere sin is van ʼn regeringsadministrasie in die Vrystaat net ʼn dop oor nadat voormalige Ace Magashule en sy trawante 2009 tot 2017 daarmee klaar is. Die lys van korrupsie en diefstal van staatsgeld kan ʼn paar boeke vul. Enkele van hierdie “monumente” is die volgende:

  • Die omstrede Estina suiwelplaas waarin die Vrystaatse regering sowat R220 miljoen belê het, is pas verbeurd verklaar aan die staat omdat daar niks op die plaas aangaan en daar feitlik geen bates op is nie.
  • Die omstrede visteelprojek by Gariepdam tussen die VS-regering en Chinese en waarin meer as R1 miljard belê is, het nog nie ʼn enkele vis opgelewer nie.
  • Te Trompsburg is die Albert Nzula Distrikshospitaal teen sowat R380 miljoen gebou, maar na sowat agt jaar word tans met uiters beperkte fasiliteite slegs 30 pasiënte daar behandel.

Tans is Magashule sekretaris-generaal van die ANC en spreek dit boekdele van wat verwag kan word van die organisasie en van vervolging vir die massiewe korrupsie.

Op 'n daaglikse basis word in sowel die hoofstroom media as op sosiale media berig van blankes wat as onskuldige burgerlikes in hul wonings – dorp, stad en plaas – oorval word deur gewapende swartes en óf vermoor word of gruwelik aangerand en gemartel word, met roof ooglopend as slegs 'n bysaak.  Derhalwe dui die patroon onteenseglik op terrorisme en kan daar lank nie meer gepraat word van bloot misdaad nie.

Slegs enkele voorbeelde die afgelope week is o.m. ‘n middeljarige egpaar deur twee swart aanvallers in ‘n kampeerterrein by Fochville oorval, die man met klippe doodgeslaan en die vrou met ‘n hamer erg beseer; Robert Veldman en sy vrou Hester op ‘n plaas by De Wildt, Gauteng, deur vier gewapende aanvallers in die nag oorval, ernstig aangerand en van baie besittings beroof; Hans Goosen en sy gesin oorval op hul plaas by Westonaria deur vyf gewapende aanvallers en vir drie ure erg gemartel, voordat die aanvallers gevlug het met gesteelde goedere; ens.

Inmiddels het AfriForum tydens hul huidige bewusmakingsveldtog in Wes-Australië aangedui dat  tot op hede in SA daar 346 plaasaanvalle en 46 plaasmoorde was. 

Ewe opspraakwekkend is die getuienis wat voor die Nugent-kommissie van ondersoek na die SA Inkomstediens (SAID) tydens die bestuurskap van geskorste kommissaris Tom Monyane.  Daaruit blyk dit dat Zuma op gedwonge wyse in September 2014 vir Monyane, 'n voormalige hoof van die SA Korrektiewe Dienste en met geen ouditeurservaring nie, plek gemaak het by die SAID as kommissaris. 

Dit is gedoen met die uitsluitlike doel dat Monyane die SAID moes korrupteer en omskep in 'n misdaadnet ten einde om ongemagtigde transaksies te kanaliseer en belastingontduiking vir bepaalde begunstigdes te bewerkstellig.  In die proses het Monyane ontslae geraak van spesialiseenhede in die SAID wat ongerymdhede ondersoek en aan die kaak stel.   Dit het meegebring dat die SAID ongelooflik geërodeer is en wanfunksioneel gemaak is, met bv een van die gevolge dat die stelsel van e-Filing in die SAID binne twee jaar ineen kan stort indien dit nie dringend opgegradeer word teen sowat  R1 miljard nie.

Inmiddels het regter Nugent in ‘n voorlopige verslag aan pres. Ramaphosa gesê dit was ‘n ramp om Monyane aan te gestel het en dat aanbeveel word dat hy so spoedig moontlik afgedank word. Samevattend wil dit voorkom op hierdie stadium uit die verskillende prima facie getuienisse voor die Zondo- en  Nugent-kommissies dat Jacob Zuma i.t.v. omvang van misdaad waarskynlik die grootste krimineel in die SA geskiedenis is.

Die plundery van die VBS Mutual Bank wat pas briljant oopgevlek is deur adv. Terry Motau in sy verslag getiteld “The Great Bank Heist” waaruit blyk dat sowat R2 miljard  deur sowat 30 “begunstigdes” geplunder is, kom loshande neer op die grootste bankroof in die geskiedenis van die land.  Wat dit in kort op neerkom, is dat die bank geskep is as 100% vir swartes en dat vooraf gereël is dat munisipaliteite en staatsondernemings soveel as moontlk geld in die bank sal inbetaal as sg. beleggings, maar dat dit aan die ander kant op misdadige wyse deur die uitvoerende hoof van die bank Andile Ramavhunga na die begunstigdes gekanaliseer sal word.

In die verslag van Motau, opgestel op versoek van die Reserwe Bank Omsigtigheidsowerheid, word die korrupte transaksies in detail aangedui, terwyl die name van al die skurke ook uitgespel word.  Onder diegene is o.a. Brian Shivambu, broer van die adjunk-leier van die EFF Floyd, wat ‘n uitbetaling van R16 miljoen van die bank ontvang het; daarvan het hy aan Floyd R10 miljoen oorbetaal, waarvan Floyd weer R1,3 miljoen in die rekening van die EEF oorbetaal het.

Wie ook nog prominent in die verslag figureer, is oud-pres. Jacob Zuma en sy Nkandla-landgoed, asook die Vhembe-koning, Toni Mphephu Ramabulana, om slegs enkeles te noem.

Dus is die hele VBS-sage een massiewe misdaadprojek t.b.v. sg. swart bemagtiging. 

In verslag wat adv. Terry Motau SC in opdrag van die SA Reserwebank na die VBS Mutual Bank gedoen het nadat die bank ineengestort het, blyk dit duidelik dat die instansie bloot ʼn geleentheid was om te plunder op mega skaal – 53 “begunstigdes” het “fooie” van R2 miljard uit die fondse van die bank ontvang. Van die verstommende gevalle is dat VBS Mutual Bank R16 miljoen betaal het aan Brian Shivambu, wat maar verlede jaar gegradueer het.

Hy het op sy beurt R10 miljoen betaal aan sy ouboet Floyd, adjunk-leier van die EFF, wat weer R1,3 miljoen oorbetaal het in die rekening van die EFF self.

Voortdurende berigte het dit dat Christiana, die eens rustige landboudorp op die oewer van die Vaalrivier in Noordwes, blykbaar ontaard het in ʼn dwelmnes. Volgens inwoners strek die spoor van dwelmmisbruik regdeur die plaaslike gemeenskap van alle velkleure en vanaf armes en rykes tot sakemanne, winkeleienaars en selfs boere.

Christiana het ʼn bevolking van sowat 20 000 inwoners en volgens van hulle is alle dwelms, vanaf dagga tot pille, vanaf Mandrax tot tik, nyope en cat vryelik en goedkoop beskikbaar. Dit is veral blykbaar Nigeriese dwelmsmouse wat hoogty vier en ook talle vroue in prostitusie netwerke ingetrek het.

Hoekom juis Christiana so verval het, is nie duidelik nie en ook of dit die lot is van ander plattelandse dorpe.

Bladsy 1 van 5
Go to top