► Volgens SA in Instituut vir Rasseverhoudinge (SAIRV) toon jongste misdaadstatistiek vir SAPD tesame met vorige statistiek dat sedert 1994 in SA sowat 500 000 moorde gepleeg is en 1 miljoen verkragtings ► Prof. Rudolph Zinn van Unisa sê uit navorsing blyk dit dat van die misdadigers voer tot 107 misdrywe uit voordat hulle gearresteer word ► Solidariteit Netwerk loods nuwe Sol-Tech kampus in Pretoria teen koste van R300 miljoen, sal huidige kampus vir 1 200 studente verdubbel en sal na verwagting deure open in Januarie 2021 ► Kyk by hierdie video hoe top bevelvoerders van SA Vloot en Lugmag in Parlement getuig hoe vloot en lugmag op rand van ineenstorting is ► Vrou (55) in Oos-Vrystaat gisteraand terwyl sy gebad op ‘n plaas aangeval en verkrag, aanvaller vlug en niks gesteel nie ► Op die Economic Freedom of the World (EFW) 2019 verslag val Suid-Afrika 54 plekke na nr. 101 uit 162 lande, vanaf plek 47 in 2000 – volg hierdie skakel vir meer inligting ►Dit lyk of Britse premier Boris Johnson ‘n deurbraak met Brexit kan maak na ooreenkoms oor grensbeheer met Ierse Democratic Unionist Party (DUP) ► Voormalige Bok-afrigter Peter de Villiers sê hy gaan nie Springbokke vanjaar by Wêreldbeker ondersteun nie, omrede vroeëre betrokkenheid van Eben Etzebeth by onderonsie met twee bruin mense in Langebaan ►
×

Waarskuwing

JUser: :_load: Kan nie gebruiker laai met id: 42

Ander misdaad (68)

Die totale wanbestuur van die Mangaung Metro Munisipaliteit, wat uitstaande diensteskuld van sowat R4 miljard het en wat Bloem Water minstens R341 miljoen skuld, het daarop uitgeloop dat stakende SAMWU-werkers gister die sierlike en gedenkwaardige Bloemfonteinse stadsaal tot die grond toe afgebrand het. SAMWU staak al vir maande, wat o.a. tot gevolg het dat vullisverwydering in Bloemfontein nie gedoen word nie en die stad grootliks in 'n reuse rommelhoop laat ontaard het. Infrastruktuur in die stad is vervalle en talle dienste word nie gelewer nie, terwyl burgemeester Olly Mlamleli sê blankes is verneukers. SAMWU het die stadsaal afgebrand uit protes teen beweerde ernstige korrupsie by Mlamleli en haar munisipale topbestuur, asook hul beweerde skakeling in slegte gesindheid. Die stadsaal was 'n simbool van die hoë vlak van beskawing waarop Bloemfontein as stad gedurende die vorige eeu ontwikkel het.
In antwoord op 'n Parlementêre vraag blyk dit daar meer as 8 000 Polisievoertuie landswyd is wat nie in werkende toestand is nie. Die meeste is in Gauteng met meer as 2 000 voertuie en in die Oos-Kaap met sowat 1 500. In totaal is daar 48 247 Polisievoertuie in die land, wat beteken dat meer as 16% uit orde is en dat daar slegs een Polisievoertuig beskikbaar is vir elke 5 Polisiebeamptes. Inmiddels is die huidige moordsyfer vir die land 50 moorde per dag, terwyl bereken word dat elke 7 sekondes 'n verkragting plaasvind.

Die DA ondersoek beweringe dat voormalige Eskom HUB Matshela Koko ‘n tender van R1 miljard goedgekeur het vir ‘n maatskappy waarvan sy stiefdogter ‘n direkteur is. Hierdie geval is onder die aandag van Minister van Openbare Ondernemings Lynne Brown gebring en sal dit waarskynlik ingesluit word by die forensiese ondersoek wat Brown gelas het na die toekenning van alle tenders deur Eskom die afgelope jare.

Dit blyk uit inligting in die Gauteng Wetgewer dat die ANC-burgemeester van die Emfuleni Plaaslike Munisipaliteit te Vanderbijlpark, Simon Mofokeng, 'n bedrag van meer as R1,7 miljoen spandeer het op KFC, Nando’s en die Shakespeare Inn Hotel. Voorts het hy buitensporige brandstofeise ingehandig vir sy private motor, alhoewel hy 'n amptelike voertuig tot sy beskikking het. Mofokeng was voorheen burgemeester van Sedibeng Distriksmunisipaliteit waar 'n bedrag van R1,1 miljoen teen sy naam gestaan het vir persoonlike uitgawes.

Hordes het haar huis omsingel en aangedring dat sy na buite kom. Daar het hulle haar rondgestamp en -gepluk en met messe gedreig. Hulle het haar gedwing om hulle toegang tot haar bakkie te gee sodat hulle daaruit petrol kon tap om haar huis aan die brand te steek, d.w.s. petrol uit haar voertuig om haar huis af te brand. Uit vrees kon sy nie petrol uit haar bakkie kry nie, maar hulle het nogtans haar huis aan die brand gesteek en dit het tot op die grond afgebrand. Haar twee honde, budgies en voëls wat in die huis was, het ook doodgebrand. Sy het net met die klere aan haar lyf ontkom. Kyk 'n videogreep hier. Sover bekend, is nog niemand oor die voorval in hegtenis geneem nie, het geen ANC-regeringsleier haar besoek nie en word geen woord van rassehaat oor die voorval gerep nie. Die vraag is hoe lank gaan blankes / Afrikaners hierdie ergste rassediskriminasie in die wêreld en eintlik onverklaarde burgeroorlog teen hulle stilswyend en met gevoude hande betrag?

Die gewelddadige betogings op die N12 Goue Hoofweg wes van Johannesburg by Freedom Park, Eldoradopark en Ennerdale het ontaard in plundering van verskeie winkels en die bestoking van motors met petrolbomme. Grootskaalse skade is en word aangerig, feitlik almal deur swartmense afkomstig uit die plakkerskampe te Freedom Park en omgewing. Die Polisie dryf die geweldenaars met rubberkoeëls terug, maar die situasie bly gespanne en plofbaar. Die rede vir die opstand word gegee as ANC-behuisingsbeloftes wat nie nagekom is nie en nou word geëis dat die DA-burgemeester van Johannesburg Herman Mashaba die opstandelinge moet kom toespreek.

Dit blyk dat misdaad in die gegoede noordelike buurte Dan Pienaar, Heuwelsig en Waverley in Bloemfontein oorhand toeneem met o.a. vyf inbrake oor die Paasnaweek net in Kmdt. Senekalstraat, by 'n huis in Gilles van de Wallstraat, Heuwelsig is platskermtelevisies en 'n kluis wat so swaar is dat 10 persone dit moet dra met juweliersware, 'n belangrike testament en 100 geheuestokkies geroof. Daar is ook by 'n huis op die hoek van York- en Milnerweg tydens die Paasnaweek ingebreek, asook by die Gratias Aftree-oord, terwyl die wassery by Emily Hobhouse Plein en 'n vulstasie in Dan Pienaar beroof is. Daarby is leerlinge gedurende die eksamen aan die einde van die eerste kwartaal in Morganstraat van hul selfone beroof, met dwelmhandelaars wat ook in die gebied toenemend 'n verskynsel is. In reaksie o die misdaadvlaag het twee plaaslike vroue die voortou geneem om op 7 Mei 2017 die buurtwag Northern Neighbourhood Watch Association (NNWA) te gestig het.

Die SAA (South African Airways) wat die afgelope jare al R14,5 miljard belastingbetalergeld van die regering moes ontvang ten einde finansieel kop bo water te hou, veral in die laaste paar jaar onder die omstrede raadsvoorsitter Dudu Myeni, het 'n verdere terugslag gekry toe die Gautengse Hooggeregshof ten gunste van Comair beslis het dat die SAA jeens hulle “onmededingend” opgetree het en 'n boete van R1,16 miljard moet betaal.
Dit volg op die onlangse berig dat Myeni namens SAA aan konsultante R21 miljoen betaal het om na korrupsie in SAA te “kyk”, maar waaruit geen aksie nog voortgevloei het nie.

Volgens die 2015/16 jaarverslag van die Passenger Rail Agency of SA (Prasa) was daar in die organisasie ‘n verbysterende R4,1 miljard in onreëlmatige uitgawes en ‘n verdere R9,8 miljard gedurende vorige jare. Dit toon ook dat die Valke tans 39 gerapporteerde sake van korrupsie ondersoek en die Nasionale Tesourie ‘n totaal van 100 bedenklike kontrakte.

Met sy ontslag is die vorige HUB van Prasa Lucky Montana ‘n goue handdruk van R3,9 miljoen gegee, terwyl hy vergoeding ontvang het van R458 000 vir addisionele werk oor 3½ maande wat hy gedoen het. By dit alles het die aantal passasiers deur Prasa vervoer op hul hoofdienste geval van 1 538 000 in 2010/11 tot 660 000 in 2015/16. ‘n Ellelange lys van diefstal, korrupsie, wanbestuur en onreëlmatighede word verskaf, soos dat o.m. “professionele fooie” gestyg het vanaf R53 miljoen tot R192 miljoen.   

Creamer Media berig dat die WNNR (CSIR in Engels) ‘n nuwe vingerdruk-skanderingstelsel vir gebruik op misdaadtonele ontwikkel het en wat funksioneer deur sg. hoëspoed, grootvolume optiese koherente tomografie (OKT). Dit vervang die omslagtige poeierkwasmetode wat tans deur die SAPD en ander wetstoepassers gebruik word. Die nuwe stelsel skandeer vingerafdrukke sonder dat fisies kontak gemaak word en dan korreleer dit onmiddellik digitaal met vingerafdruk-inligting op ‘n databasis. Die nuwe stelsel, wat drie-dimensioneel opereer, kan ook in talle ander toepassings gebruik word, bv. deur die Dept van Binnelandse Sake, in private sekuriteitsbeheer, ens. Die stelsel pas in ‘n groterige kartondoos in en is maklik vervoerbaar. Vir meer besonderhede, volg hierdie skakel.

Bladsy 5 van 5
Go to top