►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

R30 miljoen belastinggeld vir Gupta-troue

Die land steier onder die skokkende ontbloting dat R30 miljoen uit staatsfondse van die Vrystaatse regering deur geldwassery bewimpel is vir die uitspattige en omstrede Gupta-troue in 2013 by Sun City. Uit geopenbaarde eposse blyk dit dat die Vrystaatse regering o.l.v. premier Ace Magashule en voormalige LUR’e vir Landbou Mosebenzi Zwane en Mamiki Qabathe in totaal sowat R114 miljoen betaal het aan Gupta-frontmaatskappye vir die hoogsomstrede suiwelprojek by Vrede. Vandaar is die geld gesmokkel deur 'n ingewikkelde geldwasproses reguit na die sakke van die Guptas en is o.a. R30 miljoen daarvan gebruik om die vierdaelange troue van Vega Gupta en Aakash Jahajgarhia by Sun City te betaal. Vir die troue is o.m. R2,3 miljoen vir serpe, “geleentheidsdienste” van R13,9 miljoen en R13 000 vir sjokoladetruffels betaal. Die DA het nou oor die aangeleentheid kriminele klagte by die SAPD ingedien ingevolge die Wet op Voorkoming en Bekamping van Korrupte Aktiwiteite.
Gradeer die artikel
(0 stemme)

Lewer kommentaar

Vul al die vereiste velde in (*)

Go to top