►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Besoekers aan Wes-Kaap gewaarsku

Op sosiale media word binnelandse besoekers aan die Wes-Kaap gewaarsku dat misdaad ook daar gedy en dat hulle nie hul waaksaamheid moet verslap nie. Voorvalle van misdaad word aangehaal wat nie in die gewone media gerapporteer word nie, soos ‘n bende swart vroue met messe wat verlede week in die damestoilette van die Tygervallei Sentrum op inkopiegangers toegeslaan het en hulle van hul beursies, selfone, horlosies en juweliersware beroof het.

Voorts word vertel van 'n bejaarde Switserse egpaar wat verlede maand in die Kaap vakansie gehou het en op hul laaste dag op Noordhoekstrand deur 'n swart rower met 'n mes aangeval en beroof is. Albei het in die intensiewe sorgeenheid met ernstige meswonde beland. Mense wat dit gesien gebeur het en hulle te hulp gesnel het, het die Polisie en ambulans gebel, maar slegs laasgenoemde het reageer. Later het die Polisie ontken dat hulle ooit ontbied is.

Wat wel in die media gerapporteer is, is van die 87-jarige Mett Smuts wat deur ‘n halfoop motorvensterruit van haar hangertjie beroof is en wat daarna skynbaar van skok en trauma gesterf het. Dit is duidelik dat geweldsmisdaad ook in die Wes-Kaap so die norm geword het dat slegs die oortjies van die seekoei die media haal.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top