►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Dodelike aanval op Ngcobo Polisiestasie

SA is geruk deur die onverwagse gewapende aanval op die Ngcobo Polisiestasie naby Queenstown waarin vyf Polisielede en ʼn oud-soldaat doodgeskiet is 'n aantal vuurwapens is wel tydens die voorval gebuit, maar dit op sigself verskaf nog nie aanduiding van motief nie.

In kommentaar op die voorval sê die VF Plus in 'n mediaverklaring: “Dit is ‘n bewys dat misdadigers nie meer bang is vir die Polisie nie en dat georganiseerde misdaad besig is om handuit te ruk. Dit is ook ʼn bewys dat die land nou die prys betaal vir die verbrokkeling van misdaadintelligensie-strukture wat veronderstel is om georganiseerde misdaad en sindikate te ontbloot.

“Dit is ook kommerwekkend dat misdadigers so gespesialiseerd kan optree dat hulle sonder vrees ʼn Polisiekantoor aanval, Polisielede vermoor, al die wapens en ʼn Polisievoertuig roof en boonop twee lede ontvoer wat later tereggestel is. Hierdie moet ʼn wekroep wees vir die regering en vir die Polisie.”

Die jongste is dat ‘n gesaamlike taakmag Vrydag 22 Feb. 2018 op ‘n bende van sowat 20 verdagtes toegeslaan het en sewe doodgeskiet het en 10 inhegtenis geneem het, terwyl skynbaar sowat 10 ontsnap het en voortvlugtig is.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top