►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Moontlik miljoene weg by Mangaung Metro

Volgens vrae wat die DA in die Mangaung Metro Munisipaliteit gevra het, wil dit voorkom of miljoene rand by die munisipaliteit verduister kon gewees het. Hoewel presiese syfers moeilik verkrygbaar is, lyk dit asof die Metro vir Bloemwater ongeveer R560 miljoen skuld – geld wat deur belastingbetalers betaal is, maar nie deur die Metro oorbetaal is vir die doel waarvoor dit ontvang is nie. Intussen sukkel die Metro met kontantvloei soveel so dat talle dienste nie gelewer kan word nie, leweransiers nie betaal kan word nie en instandhouding nie gedoen word nie.

Dit laat weer die vraag opkom: Waar is die watergeld? Intussen rantsoeneer Bloemwater die Metro weens die agterstallige betalings, met die gevolg dat inwoners nie die water of al die water kry waarvoor hulle betaal het nie.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top