►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

MRK bevestig SA regstellende aksie is onwettig

Nadat Solidariteit ʼn verslag oor die SA regstellende aksieprogram by die VN Komitee vir die Uitskakeling van Rassediskriminasie (Committee on the Elimination of Racial Discrimination – CERD) asook ʼn petisie by die SA Menseregtekommissie (MRK) ingedien het, het laasgenoemde uitspraak gelewer dat die Wet op Diensbillikheid onwettig is en gewysig moet word. In kommentaar hierop sê Solidariteit “dat hierdie verslag en aanbevelings van kardinale belang is en dat dit die gesig van regstellende aksie vir altyd gaan verander.”


Die MRK het o.a. bevind dat die Wet op Diensbillikheid nie aan die vereistes van CERD sowel as dié van die SA Grondwet voldoen nie.

Volgens die MRK-verslag moet regstellende aksie sensitief vir konteks wees en moet streeksdemografie in ag geneem word. Die huidige rasseklassifikasie is nie aanvaarbaar nie en maatstawwe moet meer genuanseerd wees. Die verslag het ook bevind dat behoefte in ag geneem moet word, dat daar ʼn einde moet wees aan regstellende aksiemaatstawwe, wat in SA neerkom op ʼn kwotastelsel.

Gedeeltes vanuit die MRK-verslag wat betrekking hou kan hier beskou word.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top