► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Moord en Verkragting (46)

Die feitlik daaglikse gevalle van moorde deur swart op wit duur voort met die jongste Boet Smal (78) wat afgelope Saterdagmiddag op sy hoewe by Heidelberg doodgesteek en sy kop teen ‘n fontein gekap is. Sy vriendin Esther Jooste, wat ernstig aangerand is en bebloed in die straat afgestrompel het vir hulp, is tans kritiek in die hospitaal.

In Reitz is Marie Venter (74) vermoor, wreed aangerand en verkrag in haar huis aangetref, terwyl in die Reitz-distrik Kobus (44) en Marelise (40) van Niekerk Sondagoggend om 04:00 deur vyf mans oorval, vasgebind en beroof is.

Die afgelope Vrydagaand is Christo du Plooy in sy huis in Parys doodgeskiet deur drie gewapende rowers terwyl hy en sy kinders gesit en televisie kyk het. ‘n Stoeiery het tussen Du Plooy en die rowers ontstaan toe hulle die gesin probeer vasbind het, waartydens hy noodlottig in die bolyf gewond is.

Die rowers het o.m. met ‘n skootrekenaar, drie selfone, juweliersware en ‘n bedrag geld ontvlug.

Die syfers wat stuksgewys oor verkragtings in SA na vore kom, is ontstellend, veral dié oor kinders in die berig hierbo in die nuusbrief. Daarby moet kennis geneem word dat na berig word, het 37% van mans in die land wat nie in die tronk is nie, in 'n opname erken dat hulle al iemand verkrag het. Voorts is daar 'n goeie kans dat 1 uit elke 4 vroue in die land verkrag gaan word.

Nog 'n syfer is dat beraam word dat daar tans in SA minstens 300 reeksverkragters is, verreweg die meeste waarvan buite die tronk is. Getuienis is dat die SAPD nie oor die forensiese kapasiteit beskik om behoorlike vervolging in verkragtingsake in te stel nie.

Verkragtings is natuurlik die simptome van 'n uiters siek gemeenskap. Word egter gelet op die vrye beskikbaarheid van pornografie in die land, veral op TV en op die Internet, dan kom die ontstellende toename en werklikheid van verkragtings nie as 'n verrassing nie.

Voorts moet die fout – en remedie – ook gesoek word by 'n toenemende gesekulariseerde samelewing wat al meer ankerloos wegdryf van Christelike waardes. Tesame daarmee loop gesinsverbrokkeling, sedeloosheid, vaderlose gesinne, dwelms, ens.

Ons sê, terug na die Woord van God en Sy beginsels is die enigste oplossing vir 'n beskaafde, vrye en vooruitstrewende samelewing.

Volgens 'n skrifftelike antwoord van die SAPD op 'n Parlementêre vraag van die DA blyk dit dat in die laaste drie finansiële jare van 124 526 verkragtingsake wat aangemeld is, was 41% van die slagoffers kinders. Voorts blyk dit dat gedurende dieselfde tydperk is meer 2 600 kinders vermoor, oftewel 5% van alle aangemelde moorde.

Dit beteken dat elke dag in SA 46 kinders verkrag word en 2 kinders vermoor word. Die syfers toon ook dat slegs 21% van inderverkragtingsake eindig in skuldigbevindings en slegs 1 uit elke 3 kindermoorde.

Vir meer besonderhede oor die Parlementêre antwoord, kliek hier.

Die duisende blanke Suid-Afrikaners wat die afgelope 24 jaar vermoor is sedert die ANC-bedeling in 1994 in werking getree het, neig om 'n mens afgestomp te maak, maar jy kry perspektief indien die volgende harde feite in ag geneem word:

  • In meer as 95% van die gevalle is die moorde deur swartes gepleeg.
  • In vergelyking was daar bitter min moorde van blank op swart.
  • Die moorde was nie net op plase nie – wat die meeste aandag trek – maar meer blankes is op dorpe en in stede vermoor as op plase. Die totale syfer kan na raming sowat 6 000 beloop, d.w.s. bykans 1 per dag oor 24 jaar.
  • Meer as 90% van hierdie mense is in hul huise of op hul persele vermoor, d.w.s. onskuldige burgerlikes wat òf besig was met hul huishoudelike lewe, of geslaap het, of gewerk het.
  • Meer as 90% van die moorde was blatante en onverhoedse aanvalle en in feitlik geen gevalle het die moordenaars uit noodweer opgetree of was hulle enigsins onder dwang om te moor nie, soos bv. uit honger vir kos, of wat ookal, nie.
  • Die grusaamheid van die moorde verstom 'n mens – gepaard met marteling, verkragting, lykskending, barbaarse geweld, te erg om in woorde te beskryf.

Om 'n idee te kry van wat slagoffers al moes deurmaak en die trauma wat dit vir hul naasbestaandes tot gevolg moes gehad het, sien hierdie videogreep – maar wees gewaarsku, dit is nie vir sensitiewe kykers nie.

Wat is die oplossing? Daarop kan met baie woorde geantwoord word, maar een ding is seker, dit moet stop. Die bloed roep om bloed en die tyd vir verrekening het al lankal aangebreek.

Derhalwe is effektiewe aksie nou noodsaaklik. Na ons mening lê die sleutel daarin dat die Afrikaner dringend moet saamstaan en selfbeskikking daadwerklik opeis en opneem en in hierdie proses só met die ANC-bewind skakel, dat die Afrikaner self verantwoordelikheid vir sy lot neem. Dit kan nie meer by die regering of by enige iemand anders gelaat word nie.

Na volgehoue druk oor bykans 11 jaar deur die VF Plus, het die SAPD in antwoord op die soveelste Parlementêre vraag statistiek oor plaasaanvalle in die land sedert 2007 bekendgemaak. Uit die antwoord blyk dit dat daar 2012-18 ‘'n totaal van 3 059 plasaanvalle was, oftewel gemiddeld 509 per jaar en waartydens 338 mense vermoor is, oftewel gemiddeld 56 per jaar, d.w.s. minstens 1 per week

Wat die provinsies betref was die meeste aanvalle in die tydperk in Noordwes met 722 aanvalle en dan Gauteng met 644 aanvalle. Die meeste moorde in hierdie tydperk was egter in Gauteng met 69 moorde en Noordwes en KZN elk met 61 moorde.

In kommentaar sê die VF Plus: “Indien die syfers vergelyk word met ander beskikbare bronne, blyk dit redelik betroubaar. Dit is jammer dat daar onder die administrasie van oud-president Jacob Zuma ʼn sluier hieroor getrek is.”

Japie en Emma van den Berg en Jan Snyman2

In wat nie anders beskryf kan word as terreur nie, omdat daar geen provokasie, selfverdediging of betekenisvolle roof by betrokke is nie, was daar die afgelope paar dae nog twee terreurgevalle van swartes teen blankes. In die eerste geval is die afgelope Saterdagoggend Japie van den Berg (75) en sy vrou Emma (74) op hul plaas Noord-Langeveld in die distrik Hertzogville deur ses aanvallers oorval en erg aangerand. A.g.v. die blitsige optrede van die boereveiligheidstruktuur in samewerking met die SAPD is vyf van die aanvallers spoedig aangekeer.

In die tweede geval is die 28-jarige Jan Snyman van Hluhluwe in KZN deur 'n swart kollega sewe keer met 'n mes noodlottig gesteek omdat laasgenoemde ontevrede was oor sy salaris by hul gesamentlike werkgewer. Snyman was twee maande getroud.

Volgens 'n verslag van die Onafhanklike Polisie Ondersoekdirektoraat (OPOD) aan die Parlement blyk dit dat talle lede van die SAPD wat in interne verhore skuldig bevind is aan verkragting en moord, slegs geskrewe of mondelinge waarskuwings of boetes ontvang het. Vir direkte insae in hierdie verslag, volg hierdie skakel.

Dit blyk dat 'n total van 150 SAPD-lede in hierdie verband in dissiplinêre verhore skuldig bevind is, maar slegs vermanings of ligte strawwe opgelê is. In 'n mediaverklaring sê die DA dat dit geskok is oor hierdie onaanvaarbare toedrag van sake en dat Minister van Bheki Cele aangesê sal word om voor 'n Parlementêre Portefeuljekomitee te verskyn en te kom verduidelik.

Inmiddels het die organisasie Corruption Watch in 'n voorlegging aan die Parlement aangedui dat dit sedert 2012 'n totaal van 1 165 klagtes oor korrupsie in die SAPD ontvang het, wisselende van mindere misdaad tot halsmisdade. Om hierdie verslag te sien, kliek hier.

Nog 'n terroriste-aanval op 'n plaas het op 19 Maart 2018 plaasgevind toe 'n plaasbestuurder (40) op die plaas Brandenburg sowat 5km vanaf Ladybrand aangeval en met messe doodgesteek is en sy vrou (39) verkrag is. Die aanvallers het met die motor en selfone van die egpaar gevlug, maar na 'n ongeluk met die motor te voet verder gevlug, vermoedelik na Lesotho toe.

Die vrou, wat vasgebind was, het daarin geslaag om los te kom en 4 km deur sonneblomlande gehardloop om hulp te ontbied. Die egpaar het drie kinders, ʼn dogter van 14 en twee seuns van 11 en 7 onderskeidelik.

Die name van die egpaar word weerhou hangende die ondersoek na die seksuele misdaad wat gepleeg is.

Volgens statistiek van die Transvaalse Landbou Unie (TLU) was daar einde Februarie 2018, 42 aanvalle en ses moorde op plase. Op 14 Februarie is Athol Harvey (80) en sy vrou Colleen (78) op hul plaas Weltevrede naby Spitskopdam in die Noord-Kaap aangeval, aangerand en beroof. Drie weke later het Athol aan sy beserings beswyk.

Net in die laaste week van Februarie is twee bejaardes wreed vermoor - die 72-jarige me. Hentie van der Vyver wat in haar plaashuis naby Ermelo oorval en verwurg is en die 68-jarige Hannes Christie van Coligny wat met vermoedelik ʼn byl doodgekap is.

Tot dusver in Maart is die land geruk deur die teregstelling van die 72-jarige Dirk Steenkamp net buite sy plaashuis by Vredefort op Sondagoggend 4 Maart. Steenkamp was 'n gerekende leierboer en gemeenskapsleier.

Verlede jaar was daar 423 plaasaanvalle in SA waarin 82 mense vermoor is en talle in aanvalle ernstig beseer is en 'n aantal vroue verkrag is. Dit kom neer op 35,25 aanvalle per maand – meer as een per dag oftewel elke 4,3 dae 'n plaasmoord.

Bladsy 2 van 4
Go to top