►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

2017 bloedigste nog vir plaasmoorde

Met die vlaag van landswye plaasmoorde en -aanvalle, veral die afgelope paar weke, wys die statistiek dat vanjaar die bloedigste nog vir plaasmoorde is. Luidens statistiek van TLU SA was daar vandeesmaand al 23 aanvalle waarin ses mense gesterf het, terwyl in 277 aanvalle tot dusver vanjaar 55 mense vermoor is. Binne 48 uur is Piet en Tilla van Zyl naby Immerpan in Limpopo vermoor, Arno Niehaus naby Maanhaarrand in Noordwes en Anton Smuts by Kinross in Mpumalanga. Sedertdien is verdere berigte ontvang van plaasaanvalle soos Richard Lemmer van Bergville in KZN wat in die rug geskiet is en per helikopter na 'n hospitaal in Pietermaritzburg afgevoer is. In reaksie het die uitvoerende hoof van Agri Limpopo Willem van Jaarsveld o.m. gesê: “'n Nuwe strategie is te bespeur onder die aanvallers. Is dit moordbendes wat aan die werk is? Ons sien deesdae dat aanvallers bestaan uit sowel plaaslike mense as sg. gehuurde mense wat van elders kom, soos uit die stede.”
Gradeer die artikel
(0 stemme)

Lewer kommentaar

Vul al die vereiste velde in (*)

Go to top