►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Gevaarligte flits oor die amnestie tot 31 Mei 2020 vir die inhandiging van vuurwapens waarvan die lisensies verval het en oor die Wysigingswetsontwerp op Vuurwapens wat die regering in die Parlement ter tafel gelê het. Verskeie kenners waarsku dat sowel die amnestie as die wetsontwerp eenvoudig ten doel het om uiteindelik alle wetsgehoorsame burgers wettiglik en vreedsaam van hul vuurwapens te ontneem.

Trouens, Minister van Polisie Bheki Cele het tydens 'n Parlementêre debat oor die wetsontwerp gesê: “Individuals should not have firearms. Allowing citizens to own multiple firearms contributes to security issues. Only police officials and soldiers should be authorised to carry fire arms. ” Op 'n vraag van die DA aan die minister of enige ingelewerde vuurwapen al verbind is aan misdaad, het hy tot op hede nog nie geantwoord nie.

Die hele aangeleentheid is teen die agtergrond van swak beheer deur die SAPD oor ingehandigde vuurwapens sowel as hul eie vuurwapens, met berigte dat ter duisende vuurwapens al uit SAPD-besit gesteel is. Onlangs is ook berig dat tot soveel as 1 miljoen rondtes ammunisie uit Polisie besit gesteel is.

Daarby is die Vuurwapenregister van die SAPD blykbaar in wanorde met die nodige rekenaarprogramme wat nie opgegradeer word nie. Om die kroon te span, is vroeër vandeesmaand berig dat ʼn koeriervoertuig met duisende vuurwapenlisensies tussen die Staatsdrukker in Pretoria en die SAPD provinsiale kantoor in Gauteng gekaap is.

Die kaping het in Dobsonville plaasgevind en hoekom die betrokke voertuig ʼn roete deur daardie gebied gevolg het, is ʼn ope vraag en laat die vermoede ontstaan dat die kaping vooraf met interne samespanning beplan is. Hoe dit ookal is, ontsteltenis heers dat hierdie geroofde lisensies onwettig gebruik kan word om wapens en ammunisie aan te koop.

Intussen beskik die SA Jagters- en Wildbewaringsvereniging (SAJWV) oor ʼn hofuitspraak dat die huidige vuurwapenamnestie nie korrek toegepas word nie en dat sekere eienaars met lisensies wat verval het, nie verplig is om hul wapens in te handig nie. Buitendien, sê die SAJWV, “misdadigers dien nie ongelisensieerde vuurwapens in hul besit in tydens amnestietydperke nie”.

Die kruks van die saak is dat daar in die geskiedenis gevalle in lande was waar regerings wetsgehoorsame burgers gedwing het om hul vuurwapens in te handig en dat dit telkens tot grootskaalse menseslagtings gelei het. Voorbeelde hiervan is die destydse Sowjet-Unie van 1929-53 (20 miljoen afvalliges vermoor); Turkye 1915-17 (1,5 miljoen Christen Armeniërs vermoor); Duitsland 1939-45 (13 miljoen Jode en andere uitgewis); China 1948-52 (20 miljoen politieke afvalliges tereggestel); Guatamala 1981-84 (100 000 Maja Indiane afgemaai); Uganda 1971-79 (300 000 Christene uitgewis); en Kambodja 1975-77 (1 miljoen opgeleide burgers vermoor).

In totaal is gedurende die 20ste eeu 65 miljoen weerlose mense uitgewis onder die dekmantel van vuurwapenbeheer. Hierdie feite laat dus die rooiligte flits en sirenes afgaan wanneer dit by vuurwapenbeheer en ontwapening van wetsgehoorsame en verantwoordelike burgers kom.

Hoe agterstevoor en onderstebo word die politieke narratief in die land nie verdraai nie! Swart politieke aktiviste, met verskeie blanke koorlede, dreunsing dat sg. apartheid inderdaad misdaad teen die mensdom was en dat argumentering daarteen sou grens aan hoogverraad. Indien egter na die feite van die omstandighede gekyk word, dan blyk dit dat die ANC-bewind om basies die volgende redes eerder in die beskuldigdebank hoort:

  • Oor die lyding wat hulle gewone burgers in die land oor die hele bevolking spektrum aangedoen het deur die moordsyfer op te laat skiet na meer as 20 000 per jaar, plus ander geweldsmisdaad wat handuit ruk.
  • Diefstal en korrupsie van miljarde ter miljarde rand in belastingbetalergeld, ongekend in die geskiedenis van SA.
  • Meer rasdiskriminerende wetgewing op die wetboek as wat daar ooit, andersom, in die vorige bedeling was.
  • Toelating van die barbaarse wreedaardigheid teen blankes tydens plaasmoorde en –aanvalle, ongetwyfeld deel van die sg. Nasionale Demokratiese Rewolusie (NDR).
  • Groter werkloosheid en ellende in die land as ooit tevore insluitende swart, blank en bruin.
  • Platval van munisipale dienslewering op feitlik elke dorp en stad met o.a. ontneming van ʼn basiese reg soos drinkwater in krane, ens.
  • Die bekendstelling vir die eerste keer van die konsep van staatskaping in die land, insluitende voormalige staatshoof Jacob Zuma wat sy ampseed verbreek het en met die implikasie van hoogverraad.

Indien aan die anderkant gelet word op die feite van wat in die vorige bedeling vir swart, blank en bruin in die land gedoen is en hoe belasting geld gespandeer is, veral i.t.v. afsonderlike ontwikkeling in die sestigerjare, dan vervaag “apartheid” teen dit wat huidig in die land aangaan. Dit is teen die groter agtergrond van hoe eens die voorste staat op die vasteland die afgelope 26 jaar verval het tot internasionaal-afgegradeerde rommelstatus.

Wie is dan die ANC en meelopers om te praat van misdaad teen die mensdom en van hoogverraad?

Die afgelope week is daar behoorlik gebulder oor of sg. apartheid nou wel ʼn misdaad teen die mensdom was, soos wat die VN in die tagtigerjare verklaar het. Dit het alles begin met uitlatinge van oud-pres FW de Klerk oor die kwessie en die vuur wat uit swart politieke geledere daaroor gespuug is en word.

Lustig saam in die koor sing die liberale hoofstroommedia en hul meelopers. So bv. het Volksblad die afgelope week gepleit dat “Afrikaners ʼn eed moet aflê teen apartheid” en dat “alle onregte van die verlede en hede in die land nóú uitgewis moet word”. Terselfdertyd sê prof. Anton van Niekerk van Universiteit van Stellenbosch in ʼn artikel dat “apartheid wás ʼn sistematiese misdaad teen apartheidslagoffers”.

In die Parlement sê pres. Ramaphosa dat “die goedpraat van apartheid grens aan hoogverraad”, terwyl swart politieke aktiviste daarop aandring dat De Klerk in die openbaar verskoning vra dat hy ooit apologeties was oor “apartheid”. Dus word ʼn hele georkestreerde narratief van stapel gestuur om apartheid te verdoem tot misdaad teen die mensdom en daarmee eintlik te verklaar dat die geskiedenis en nalatenskap van die Afrikaner ʼn misdaad teen die mensdom was.

Ons het kwalik woorde om die leuenagtigheid en belaglikheid van hierdie narratief te beskryf. In werklikheid het geen volk nog soveel gedoen vir ander volke en soveel gespandeer op ontwikkeling van ander volke as wat die Afrikaner vir die Xhosas, Sotho’s, Zoeloes, Tswanas, Pedi’s en andere gedoen het nie. Wat die Nasionale regering onder dr. HF Verwoerd vir swartmense i.t.v. die beleid van afsonderlike ontwikkeling gedoen het, verdwerg sg. apartheid en diskriminasie wat plek-plek daarmee gepaard gegaan het.

Ons wil weer verwys na die artikel in Ditsem Nuus verlede jaar getiteld Verhale van drie vlae wat by hierdie skakel gelees kan word. Die feite hierin vervat repudieer die huidige leuenagtige narratief en dit is daarom noodsaaklik dat regsinnige Afrikaners nou vir die waarheid en hul trotse erfenis opstaan.

In hierdie aflewering wil ek aandag gee aan Tibor Péchy, 'n kleurryke Hongaarse karakter in die Anglo-Boere-oorlog. Tibor het vanaf Mei 1896 in die destydse ZA Republiek gewoon en het met die uitbreek van die oorlog by die Boeremagte aangesluit.

Die Péchy-familie was adellike afkoms en van Transylvaniese oorsprong. Gebore op 12 Mei 1868 in die dorpie Nyírbéltek in die graafskap Szabolcs, het Tibor later die Militêre Akademie in Wene bygewoon, voordat hy op 19 Augustus 1889 die rang van luitenant in die Hongaarse 12de Hussar Regiment ontvang.

In hierdie tyd verneem hy van kamerade van verwikkelinge in suidelike Afrika, bedank uit die leër en pak die lang reis aan na die ZA Republiek, waar hy in 1896 in Pretoria eers 'n kroeg bedryf, voordat hy 'n werk kry in Modderfontein, Johannesburg, by die dinamietfabriek van Ferenc Hőnig, 'n Duitser van Hamburg.

Péchy werk daar tot November 1899 en raak bekend vir sy pro-Boeregesindheid. In Januarie 1900 sluit hy by die Boeremagte aan en haal die trein na die Colesbergfront, midde in die oorlog. Hy raak aktief betrokke in kommando’s en begin Februarie 1900 veg in twee groot veldslae naby Colesberg.

Hy ervaar in die aanvanklike suksesse van die Boeremagte, maar vanaf Junie 1900 word hy deel van die nuwe guerrillataktiek in die Vrystaat. By Dalmanutha is hy in ‘n mag van sowat 3 000 Boere wat heldhaftig veg teen sowat 70 000 Engelse.

Daarna wyk Péchy saam met ander Hongaarse vrywilligers uit na die Transvaal, steek die Mosambiekgrens oor en besluit om hul wapens voor die Portugese neer te lê. Hulle haal die Duitse skip, Styria, wat op 1 November 1900 in die hawe van Triëst aankom. Dit het Tibor Péchy se nege maande as soldaat in die Boere-oorlog en vier jaar in Suid-Afrika beëindig.

Hy keer terug na Hongarye en vestig hom uiteindelik in Szombathely. In 1905 is hy getroud met Emma en hulle het drie kinders gehad. Op 12 Julie 1924 is Péchy in die betreklike jeugdige ouderdom van 56 oorlede.

Hy het heelwat geskryf oor sy wedervaringe in SA en sê dat die belangrikste kenmerk van die Boere is hul liefde vir godsdiens en vryheid. Péchy het veel bygedra dat die Hongare groot respek en bewondering vir die onafhanklikheidstrewe van die Boere ontwikkel het, wat dikwels vergelyk is met die Hongaarse rewolusie en onafhanklikheidsoorlog van 1848-49 – wat vandag nog jaarliks op 15 Maart herdenk word.

  • Nogal insiggewend dat pres. Donald Trump twee Amerikaners met SA-verbintenisse benoem het in sleutelpote in sy administrasie: As nuwe veiligheidsraadgewer Robert O’Brien, wat in die tagtigerjare as Amerikaanse uitruilstudent nagraads aan die Universiteit van die Vrystaat studeer het en met ʼn boeremeisie van Burgersdorp getroud is en as nuwe Amerikaanse ambassadeur in SA Lana Marks (65), 'n Amerikaanse vrou wat in Oos-Londen gebore is.
  • Terwyl die Nuwe Wêreldorde (NWO) soos ook verteenwoordig deur die Europese Unie (EU) alles moontlk doen om Brexit te verhoed en te keer dat Britanje 'n selfstandige koers inslaan, het Britse premier Boris Johnson tot dusver nog alle teenslae oorkom en lyk dit steeds asof hy 'n haas uit 'n hoed gaan trek en Brexit laat realiseer op 31 Oktober 2019, moontlik selfs met 'n ooreenkoms.
  • In Hongkong gaan burgerlike betogings teen die diktatoriale Chinese Kommunistiese bewind vir twee maande hardnekkig voort, met geweldpleging wat al sterker afmetinge aanneem – dit tenspyte van die kwalik bedekte waarskuwing van Chinese president Xi Jiping dat “enige poging tot afskeiding van China gemaal sal word tot stof van die beendere van diegene wat dit probeer.”
  • In Barcelona, Spanje, bars geweldadige betogings los teen die tronkstraf opgelê vir nege leiers van die beweging wat onafhanklikheid vir Katalonië, as rykste Spaanse provinsie, twee jaar gelede wou verklaar; daar word steeds gepoog om uitlewering te bewerkstellig van die uitgeweke leier van die beweging, Carles Puidgemont.
  • Terwyl groot gewag gemaak word van die afsterwe van oud-pres. Robert Mugabe, word berig oor die fabelagtige fortuin van meer as $2 miljard wat hy agtergelaat het, asook hoe huidige pres. Emmerson Mnangagwa en ander Zanu-PF voorbokke hulself enorm verryk het uit Zimbabwe, vandag ʼn gebroke en bankrot land.
  • Die nuwe ultramoderne internasionale lughawe by Beijing, genaamd Starfish, is pasgeopen @ $63 miljard en ontwerp om 72 miljoen passasiers per jaar te kan hanteer.

Ek wil hierdie maand die soeklig laat val op die volgende vyf glorieryke hoogtepunte in die sportwêreld van Hongarye:

  1. Manspolo: Drie Olimpiese goues

Die Hongaarse manspolospan het in 2008 met die Olimpiese Spele in Beijing gewen vir die derde keer agtereenvolgens die goue medalje gebuit – ongetwyfeld dié hoogtepunt in Hongaarse sport. Vir 12 jaar lank was Hongarye top in die wêreld in hierdie sportsoort.

Dénes Kemény en sy Hongaarse span het in 2000 die Russe in die eindstryd op die Olimpiese Spele in Sydney geklop, in 2004 was Hongarye onoorwonne in 7 wedstryde gewen en toe in 2008 in Beijing word die Hongaarse waterpolospan weer4eens gekroon as die beste ter wêreld.

Ja, die Hongaarse waterpolospan het 4 Wêreldkampioenskaptitels, 2 Wêreldligatitels en 12 Europese kampioenskaptitels op hul kerfstok, maar niks bied die 9 Olimpiese goue medaljes nie.

  1. Goue era van Hongaarse sokker

Die Goue Span, soos die Magi Hongare in die buiteland genoem is, was die beste in die wêreld tussen 1950 en 1954. Bewyse hiervan is die nommer een plek op die wêreldranglys wat niemand van ons kon wegneem nie, die Olimpiese goue medalje en die wêreldkampioenskap silwermedalje.

Daar is die legendariese ses of drie, toe ons die Engelse met 6-3 in Londen eklop het. Almal weet van legendes soos Puskás, Kocsis, Hidegkuti en Czibor, maar min weet dat die taktiese orde van die Hongaarse nasionale span, destyds Gusztáv Sebes as kaptein, Strukture in sokker fundadamenteel verander het.

Die Brasiliërs, wat as die grootste nasie in sokker beskou word, het hul eerste wêreldkampioenskapstitel in 1958 verower met soortgelyke taktieke as dié van die Hongare. Elemente van die Golden Team-taktiek word ook deur Ajax, Milaan en Barcelona gebruik.

  1. Krisztina Egerszegi en swemsport

Hongaarse swemsport het legendes soos Tamás Darnyi, Krisztina Egerszegi, Attila Czene, László Cseh, Katinka Hosszú, Boglárka Kapás en Éva Risztov opgelewer. Tussen 1988 en 1996 was Krisztina Egerszegi egter die koningin van Hongaarse swem.

Met die bynaam Muis was sy tot dusver die enigste atleet wat individueel 5 Olimpiese goues kon huistoe neem en daarmee ook die suksesvolste individuele atleet in die Hongaarse sportgeskiedenis. Sy het 12 jaar lank op die 200-meter-rugstring troon gesit. Muis het in 1992 drie Olimpiese goues ingoes by Olimpiese Spele in Barcelona.

  1. Aladár Gerevich en swaardspel

Swaardspel, waarin iets waarin Hongare net so goed is as in swem, het in die vroeë 1900's begin toe genieë soos die viermalige Olimpiese kampioen Jeno Fuchs die toneel oorheers het. Dit is opgevolg in 1928, 1932 en 1936 toe die Hongaarse nasionale span met die ikoniese Aladár Gerevich koning gekraai het.

Hier is 'n paar dinge wat u van hom moet weet: Die suksesvolste swaardvegter in die wêreld; het tussen 1932 en 1960 aan 6 Olimpiese Speles deelgeneem, elk met minstens een goue medalje.

  1. Kajak-kanovaart

Nog ’n watersport waarin die Hongare uitblink, is kajak-kanovaart - ons het met 25 goue, 29 silwer en 26 bronsmedaljes veel meer as wat enige volk kan wys. Dei rede hiervoor word toegeskryf aan die bykans perfekte geleenthede wat die natuurlike waters van die land bied.

Go to top