► Navorsing van Solidariteit toon dat die blanke bevolking van die land van 0-14 jaar met sowat 17 000 toegeneem het en dat totale blanke bevolking sedert verlede jaar met 130 000 mense gegroei het; dus groot behoefte aan werkskepping vir blankes ► Ditsem Nuus skep opwindende digitale markplein, DitsemMarkplein, vir Afrikaanssprekende- en Afrikaner-besighede op Telegram-program vir selfone – om te besoek en in te skakel, volg hierdie skakel ► Solidariteit kondig omvattende wettige belastingprotesveldtog aan, insluitende minstens ses regsaksies, teen staatsondernemings en belastingplunderaars, sê staat kan nie belasting gebruik om te steel nie ► Met ʼn skuld van R441 miljard toon Eskom bedryfsverlies vir 2018/19 finansiële jaar van R20,7 miljard in vergelyking van R2,3 miljard in 2017/18 finansiële jaar, dus styging van 800% in verlies; munisipale skuld by Eskom styg van R13,6 miljard na R19,9 miljard ► Minister van Openbare Ondernemings Pravin Gordhan kondig aan dat huidige voorsitter van raad van Eskom Jabu Mabuza ook aangestel is as waarnemende uitvoerende hoof ► Verslag van Stats SA toon dat werkloosheidskoers in SA van 27,6% in eerste kwartaal gestyg het na 29% in tweede kwartaal, na raming 17 miljoen werkloses in Suid-Afrika; vermoede dat werklike werkloosheid minstens 60% kan wees ► Diensbetogers te Petrus-Steyn brand uit frustrasie huis van ANC burgermeester Mamiki Mokoena van Nketoana Munisipaliteit af; geen drinkwater in die dorp nie ► In Pretoria staak munisipale werkers van SAMWU met looneis van 18% verhoging, terwyl inflasiekoers ongeveer 5% is; staking gepaard met vandalisme van infrastruktuur en intimidasie van publiek – kyk hierdie videogreep ► AfriForum beraadslaag met Marloth Park Belastingbetalersvereniging ten einde vestiging van steenkoolmyn van 18 000 ha op drumpel van Kruger Nasionale wildtuin by Krokodilbrughek teen te staan ► Groot verdeeldheid in ANC oor ʼn voormalige minister Derek Hanekom met Ace Magashule en Jacob Zuma wat sê hy was “apartheidspioen”, terwyl ANC-veterane en andere hom verdedig as gerespekteerde lid van ANC ► Kyk by hierdie videogreep hoe gemeenskapslede te Burgersfort volgens sosiale media SAPD-beamptes behandel ► Volgens Parlementêre antwoord van Minister van Maatskaplike Ontwikkeling Lindiwe Zulu, is pensioentrekkers en ander begunstigdes afgelope jaar uit maatskaplike toelaes van gesamentlik meer as R21 miljoen bedrieg, terwyl staatsamptenare op bedrieglike wyse R5,4 miljoen in sak gesteek het vir onbehoorlike siekte verlof ► Gereelde georganiseerde betogings en nagwake voor SA Hoë Kommissariaat in Ottawa, Kanada, teen geweldsmisdaad in SA insluitende teen boere, asook teen etniese suiwering, rassisme en korrupsie ► Op Vrouedag 9 Augustus Antieke & Versamelaarsmark by Voortrekkersmonument, Pretoria, 09:00 tot 15:00, alle stalletjie volbespreek, toegang R30 per voertuig, geen troeteldiere ►

Openbare Beskermer, Busisiwe Mkhwebane is Maandag geroskam in Pretoria se Hooggeregshof nadat daar bevind is dat sy haar plig versuim het om die Guptas se Estina-suiwelprojek by Vrede in Vrystaat behoorlik te ondersoek. Daar is onder meer bevind dat haar verslag oor die projek ongrondwetlik en ongeldig is. Die DA glo dat Mkhwebane se ondersoekende verslag ʼn toesmeerdery is, omdat politici wat daarby betrek is nooit uitgevra is oor hulle betrokkenheid en dus meer noukeurige ondersoek vrygespring het.

Mkhwebane het geen bevindings in haar verslag gemaak oor die rol van die vorige Vrystaatse premier, Ace Magashule, en die destydse LUR vir landbou, Mosebenzi Zwane, omrede dit nie deel van haar ondersoek uitgemaak het nie. Minstens R200 miljoen se staatsgeld, wat geoormerk was vir die ontwikkeling van opkomende swart boere in die Vrede-omgewing, is na Estina gekanaliseer, wat verbind word met die omstrede Gupta-familie. Van dié geld is glo selfs gebruik om in 2013 vir ʼn weelderige Gupta-troue van ongeveer R30 miljoen by Sun City te betaal.

Dit is die tweede keer dat ’n verslag van Mkhwebane verwerp word ná haar ondersoek na die reddingsboei vir die destydse Bankorp, wat later deur Absa gekoop is, ook nie aanvaar is nie. Dit is egter haar bedenklike Estina-verslag wat opposisiepartye laat aandring op die bedanking van Mkhwebane as Openbare Beskermer.

Te midde van 'n landbousektor in die land in krisis vanweë plaasmoorde, droogtes, vyandige regering, dreigende grondgryp en swak algemene ekonomiese groeikoers, het die 2019 Nampo Oesdag bewys hoe innoverend, veerkragtig en toegewyd die SA boerderysektor is. ’n Rekordgetal van sowat 85 000 besoekers het gedurende die vier dae 14-17 Mei deur die reuse ekspo beweeg, terwyl net op die eerste dag 48 helikopters en 192 vliegtuie op die aanloopbaan neergestryk het.

Die ekspo, wat jaarliks ​in Mei naby Bothaville in die Vrystaat gehou word, word beskou as een van die grootste privaatgeorganiseerde uitstallings in die wêreld en is die grootste landbou-, masjinerie- en veeskou in die Suidelike Halfrond. Die tema vanjaar was Platform vir jou landboutoekoms, met die fokus op samewerking, gesprekvoering en die gebruik van die beste toerusting.

Op hierdie massiewe uitstalgeleentheid word alles aangetref wat enigsins “plaas” is – vanaf monstertrekkers tot stoetvee en vanaf melktert tot boerepatente en nog veel meer. Die getal uitstallers het vanjaar toegeneem tot 775 teenoor verlede jaar se 746.

Vanjaar is Nampo se bywoning van mense wat per vliegtuig en helikopter besoek gebring het is meer as vorige jare en grondpersoneel moes bontstaan om lugverkeer te reël, daar het letterlik ’n gemiddeld van een vliegtuig of helikopter elke minuut op die aanloopbaan geland.

Volgens Danie Minnaar, voorsitter van Nampo Ooesdag, groei die ekspo jaarliks in gewildheid en bied dit 'n vertoonvenster waarop alle Suid-Afrikaners met reg trots kan wees.

Volgens die Vrystaatse provinsiale begroting wat vroeër vandeesmaand deur LUR vir Finansies Elzabe Rockman ter tafel gelê is, sluit die voorgestelde herstelwerk- en konstruksieprojekte van paaie in die Vrystaat die volgende in:
• R56 (Kroonstad - Vredefort), 12km, Fase 3, R40 miljoen
• P79 / 1 en S85 (Bothaville - Kroonstad), 49km, R58,5 miljoen
• P21 / 3 (Hoopstad - Bultfontein), 62km, R58,5 miljoen
• S44 (Deneysville - Heilbron), 36 km, R58,5 miljoen
• P40 / 2 (Senekal - Marquard), 43km, R36 miljoen
• P9 / 4 (Sasolburg - Heilbron), 50km, R45 miljoen
• P33 / 3 (Vredefort - Viljoenskroon), 51km, R30 miljoen
• P39 / 1 (Bultfontein - Welkom), 69km, R45 miljoen
• P42 / 1 (Bethlehem - Reitz), 48km, R45 miljoen
• P33 / 2 (Bothaville - Viljoenskroon), 38km, R36 miljoen
• P14 / 2 (Wesselsbron - Hoopstad), 49km, R36 miljoen
• p44 / 2 (Jim Fouche - Deneysville), 39km, R45 miljoen
• P6 / 1 (Dewetsdorp - Wepener), 39km, R45 miljoen
• P23 / 1 (Kroonstad - Steynsrus), 45km, R31,5 miljoen
• P62 / 1 (Bultfontein - Wesselsbron), 51,9km, R31,5 miljoen

Benewens hierdie projekte, is daar ook 'n bedrag van R75 miljoen begroot vir hergruis van ongeteerde paaie in die provinsie.
Hoe beter die kwaliteit van padinfrastruktuur, hoe makliker is dit om goedere en dienste te vervoer, wat die ekonomie van die provinsie merkwaardig verbeter, veral m.b.t. werkskepping. Goeie paaie maak dit ook moontlik vir die SAPD en ander nooddienste om vinniger te kan reageer.

Volgens die Vrystaatse provinsiale begroting wat vroeër vandeesmaand deur LUR vir Finansies Elzabe Rockman ter tafel gelê is, sluit die voorgestelde herstelwerk- en konstruksieprojekte van paaie in die Vrystaat die volgende in:
• R56 (Kroonstad - Vredefort), 12km, Fase 3, R40 miljoen
• P79 / 1 en S85 (Bothaville - Kroonstad), 49km, R58,5 miljoen
• P21 / 3 (Hoopstad - Bultfontein), 62km, R58,5 miljoen
• S44 (Deneysville - Heilbron), 36 km, R58,5 miljoen
• P40 / 2 (Senekal - Marquard), 43km, R36 miljoen
• P9 / 4 (Sasolburg - Heilbron), 50km, R45 miljoen
• P33 / 3 (Vredefort - Viljoenskroon), 51km, R30 miljoen
• P39 / 1 (Bultfontein - Welkom), 69km, R45 miljoen
• P42 / 1 (Bethlehem - Reitz), 48km, R45 miljoen
• P33 / 2 (Bothaville - Viljoenskroon), 38km, R36 miljoen
• P14 / 2 (Wesselsbron - Hoopstad), 49km, R36 miljoen
• p44 / 2 (Jim Fouche - Deneysville), 39km, R45 miljoen
• P6 / 1 (Dewetsdorp - Wepener), 39km, R45 miljoen
• P23 / 1 (Kroonstad - Steynsrus), 45km, R31,5 miljoen
• P62 / 1 (Bultfontein - Wesselsbron), 51,9km, R31,5 miljoen

Benewens hierdie projekte, is daar ook 'n bedrag van R75 miljoen begroot vir hergruis van ongeteerde paaie in die provinsie.
Hoe beter die kwaliteit van padinfrastruktuur, hoe makliker is dit om goedere en dienste te vervoer, wat die ekonomie van die provinsie merkwaardig verbeter, veral m.b.t. werkskepping. Goeie paaie maak dit ook moontlik vir die SAPD en ander nooddienste om vinniger te kan reageer.

Go to top