Aletheim 1

►►► Solidariteit Jeug gaan regstappe neem namens een van sy lede, Danie van der Merwe, wat werkloos is en uitgeluit is uit die presidensiële program YES4Youth ► Eskom skuldlas kan binne afsienbare tyd eskaleer vanaf R400 miljard na R550 miljard – HUB Phakamani Hadebe ► AfriForum verklaar dispuut met Parlement oor grondonteiening sonder vergoeding, Parlement sê dit sal dit opponeer ► Volgens Ouditeur-generaal wys jaarverslae van staatsdepartemente en staatsondernemings vir 2017/18 korrupsie van R51 miljard, uitgesluit Eskom en Transnet, wat gesamentlik sowat R28 miljard korrupsie kan oplewer ► Voormalige kantore van The New Age koerant van Guptas in Johannesburg word op 28 November 2018 deur Park Village Auctioneers opgeveil ► Minister Pravin Gordhan getuig voor Zondo-kommissie dat oud-pres. Jacob Zuma destyds aanhoudend vir kabinet gelieg het oor staatskaping en Guptas en “hom sodoende aan grofste vorm van korrupsie skuldig gemaak het” ► Elektrisiteit van perseel van Vrystaatse Wetgewer vir tweede agtereenvolgende dag afgesny weens wanbetaling deur verhuurder aan Centlec elektrisiteitsverskaffer ► Verwagting dat pres. Cyril Ramaphosa vanmiddag kabinetsskommeling gaan aankondig ná afsterwe van Edna Molewa en bedanking van Malusi Gigaba ► Gewapende rowers skiet drie vrouedokters by Letaba Hospitaal, Tzaneen, een kritiek in waakeenheid ►►►

China al groter gryp na SA

Dit lyk of China, wat allerweë beskou word as die grootste hedendaagse imperiale moondheid, veral poog om soveel as moontlik van Afrika met sy natuurlike hulpbronne in te palm. Die patroon is dat die Chinese lenings verskaf vir die ontwikkeling van infrastruktuur wat hulle self dan onderneem en as Afrikalande dan nie kan terug betaal nie, dan neem die Chinese natuurlike hulpbronne en onbehoorlike politieke invloed in ruil.

In hierdie opsig is Suid-Afrika ooglopend vir die Chinese die kroonjuweel en is daar al meer getuienis hoe China vir homself voordeel trek uit die finansiële penarie waarin die ANC-regering hulself laat beland het. Van die gevalle van die uitbreiding van die Chinese invloedsfeer in SA, is die volgende:

  • Reeds in 2014 is aangekondig dat die maatskappy Shanghai Zendai die 1 600 ha terrein van AECI in Modderfontein, Johannesburg, naby Sandton, aangekoop het vir die ontwikkeling van ʼn volledige Chinese stad teen ʼn projek bedrag van sowat R1,2 triljard. Hoewel sedertdien min bekend is in die media omtrent hierdie projek word aanvaar dat dit steeds voortgaan met uiteraard enorme implikasies.
  • Vanjaar het die nuus gekom dat ʼn Chinese maatskappy grond van sowat 60 km2 in Musina-Makhado ekonomiese sone naby Musina in Limpopo gekoop het vir die oprigting van hul eie onafhanklike kragstasie om grootskaalse ontginning van hoërgraad steenkool, mangaan, ystererts en chroom te bedien. Daar is voorts sprake van ontwikkeling op dieselfde terrein van ʼn Chinese stad groter as Nelspruit, en dat dit vir China moet dien as een van sy hoofstede op die vasteland van Afrika.
  • Die tydskrif Mining Weekly berig dat ʼn afvaardiging van die Mineral Resources Reserves Evaluation Centre van die Ministry of Land and Natural Resources (MRREC) in Beijing, in Oktober vanjaar in SA was vir ʼn drie wekelange navorsingsbesoek oor die minerale opset van die land en hoe dit geadministreer word. Die afvaardiging het ook navorsing kom doen oor die registrasiestelsel van boorgate in SA, iets waarop die SA regering baie trots is.
  • Daar is aangekondig dat die Ontwikkelingsbank van China R33 miljard aan Eskom geleen het vir ontwikkelings- en bedryfskapitaal, maar tot op hede weier nóg Eskom nog pres. Ramaphosa om vrae oor die voorwaardes van hierdie lening te beantwoord.
  • Die totale handel tussen SA en China het die einde van 2017 R318 miljard beloop, met ʼn negatiewe balans met R87 miljard in die guns van China.
  • Verbasend is dat China tans besig om in samewerking met die SA

Polisiediens aantal gemeenskaplike polisiëringsentra in die land te vestig – die 13de een is pas te Port Elizabeth amptelik geopen deur die Oos-Kaapse kommissaris lt.genl. Liziwe Mtshinga en Yu Yuan van die Chinese ambassade in Pretoria.

  • 16 – 18 November 2018 word die 2018 Africa/China Expo in Roodepoort, Gauteng, aangebied, ʼn massiewe handelskou wat feitlik alle ekonomiese sektore dek.
Gradeer die artikel
(0 stemme)

Lewer kommentaar

Vul al die vereiste velde in (*)

VVK2 banier