► Gister 16 Junie is Jeugdag amptelik in SA gevier ter herdenking van die Sharpville-opstand in 1960, maar dit is ook die herdenking van 16 Junie 1900 toe Lord Roberts proklamasie onderteken het vir inwerkingstelling van beleid van verskroeide aarde wat tot die lyding en dood van sowat 30 000 Boervroue, -kinders en bejaarde mans gelei het – kyk hierdie video ► Vir presies hoe die Anglo-Boere-oorlog 1899 – 1902 verloop het en hoe die Britse oormag die lyding van vroue en kinders misbruik het om die Boerekrygers tot oorgawe te dwing, volg hierdie skakel ► Ambassadeur vir SA in Denemarke Zindzi Mandela skel SA blanke burgers op Twitter uit vir “cowards” en “land thieves” en sê dr. Chris Barnard “learned the basics of heart surgery from his black gardener” ► AfriForum vra Minister van Internasionale Betrekkinge en Samewerkinge Naledi Pandor om Zindzi Mandela onmiddellik terug te roep en af te dank ► Furore oor Twitter-geskel van Zindzi Mandela omdat sy veronderstel is om alle Suid-Afrikaners te dien en sy betaal word met belastinggeld van alle Suid-Afrikaners ► Volgens konsepwetgewing tans voor Parlement Broad Based Black Economic Empowerment Amendment Bill word begunstiging van blanke vroue uitgehaal omdat hulle in die praktyk van die sg. benadeelde groepe die vinnigste in die SA ekonomie vorder – volg hierdie skakel vir meer besonderhede ► Met spanning in Midde-Ooste rondom Iran skiet goudprys op na $1 350/ons, hoogste in 14 maande ► Vakunie Association of Mineworkers and Construction Union (AMCU) kondig aan dat dit met onderhandelinge vir lone in platinumbedryf later vandeesmaand gaan vra vir basiese salaris van R17 000; AMCU verteenwoordig sowat 60 000 lede ► Berig dat SABC slegs salarisse betaal en nie meer enige diensteheffings aan Stad van Johannesburg en City Power betaal nie, vraag of SAUK volgende maand nog in bedryf sal wees ► Vragmotorbestuurder Bernard Groenewald wat by Touwsrivier so deur aanvallers met brandbomme bestook is, is in hospitaal aan sy wonde oorlede ► Die Voortrekkers o.l.v. dr. Danie Langner onthul op plaas naby Parys nuwe standbeeld van Die Penkop tesame met twee borde met name van 2 466 seuns tussen ses en 16 jaar wat dié oorlog oorleef het ► EPR veiligheidsbeampte, Christo Myburgh, te Krugersdorp oorval op perseel deur drie gewapende aanvallers vermoedelik zamas zamas en drie keer geskiet ► Vind by hierdie skakel passievolle pleidooi vir moedertaalonderrig, ook in Afrikaans, deur Johnell Pelser op sosiale media ►

Die volgende is ʼn selfverduidelikende twiet van nuut aangestelde Min. van Finansies Tito Mboweni gedateer 27 April 2018: “Three urgent tasks for the National Democratic Revolution in South Africa: 1. The state must own 40% of all mining companies this is easy to do. 2. The state must create a Sovereign Wealth Fund for future generations from mining dividends. 3. A state bank must be created urgently.”

Die tydskrif Mining Weekly berig dat ʼn hoëvlak afvaardiging van China komende Maandag in SA aankom vir ʼn drieweke lange navorsingsbesoek oor die minerale opset van die land en hoe dit geadministreer word. Die afvaardiging kom ook navorsing doen oor die registrasiestelsel van boorgate in SA, iets waarop die SA regering baie trots is.

Die afvaardiging van die Mineral Resources Reserves Evaluation Centre van die Ministry of Land and Natural Resources (MRREC) in Beijing gaan plaaslik opgelei word in die praktiese toepassing en bestuur van die nougesette verslagdoening van eksplorasieresultate en minerale neerslae, asook die toegang tot ontwikkelingskapitaal op aandelemarkte.

ʼn Storm van kritiek en negatiwiteit het los gebars oor die die kop van pres. Cyril Ramaphosa en sy afvaardiging tydens hul besoek aan New York by geleentheid van die 73ste Sitting van die Algemene Vergadering van die VN. Dit was ʼn besondere geleentheid met staats- en regeringshoofde vanoor die wêreld wat saam getrek het en elkeen ʼn geleentheid gekry het om op die podium hul saak te stel.

Pres. Ramaphosa het ook sy kans gehad en hy het die haglike situasie in SA so rooskleurig moontlik gestel, maar na die tyd het hy ʼn storm ontketen toe hy op ʼn vraag van ʼn joernalis gese het: “There is no killing of white farmers in SA. There is no land grabs in SA. Pres. Trump is misinformed.” In SA was die vloed van kritiek op hierdie uitlating eenparig met selfs Dan Kriek van Agri SA wat saamgestem het dat Ramaphosa dat Ramaphosa blatant lieg oor moorde op blanke plaasboere. Kyk die videogreep hier

Die Ironie is dat ook die Amerikaanse regering en ander buitelanders deeglik ingelig is oor die ware feite in SA. Reeds op 23 Augustus 2018 het pres. Trump het in ʼn Twitter boodskap laat weet dat hy sy minister van buitelandse sake Mike Pompeo gevra het om plaasbesettings en onteiening, asook die grootskaalse moord op boere, noukeurig te bestudeer.

Voorts het die organisasie ToekomsVonk op 14 September 2018 ʼn volledige verslag met statistieke rondom aanvalle en moord op plaasboere aan die Amerikaanse ambassade in Pretoria oorhandig. Daarin o.m. aangetoon dat ʼn plaasaanval elke 1.4 dae gemiddeld voorkom en ʼn boer vermoor word elke 5 dae gemiddeld.

Op hul beurt het AfriForum aangekondig dat hulle slagoffers wie se geliefdes tydens plaasaanvalle vermoor is, na die VSA gaan stuur tydens die volgende fase van AfriForum se bewusmakingsveldtog. Die organisasie is ook van voorneme om ’n bekendstelling van die boek Kill the Boer deur Ernst Roets, in Washington D.C. te reël. AfriForum wil aan plaasaanvalslagoffers en hul geliefdes die geleentheid gee om hul verhale aan meningsvormers, politici, regeringsverteenwoordigers en die media in Washington te vertel.

Roets wys daarop dat daar in die afgelope twee dekades volgens die SAPD se eie syfers gemiddeld byna twee plaasaanvalle per dag en twee plaasmoorde per week voorgekom het. “Net sedert Januarie vanjaar was daar 320 plaasaanvalle en 43 plaasmoorde op plase wat deur AfriForum bevestig kon word,” sê Roets.

Die tweede storm om die kop van Ramaphosa en die regering kom van die feit dat Trump het tydens sy VN toespraak aangekondig het dat minister van buitelandse sake Mike Pompeo opdrag gegee is om ondersoek in te stel of lande wat geldelike hulp ontvang, ook die belange van die VSA op die hart dra. In hierdie verband is Suid-Afrika is reeds vroeër die jaar gelys as een van die top 10 lande wat anti-VSA sentimente toon as dit by stemming kom rondom VSA resolusies by die VN.

Dit is dus duidelik die VSA besig is om SA na die kantlyn te skuif en dat die Trump-administrasie die ANC bewind polities, ekonomies en diplomatiek die koue skouer gee. In SA self is dit duidelik dat Ramaphosa met sy terugkeer gaan sukkel om al die vure doodgeslaan te kry.

Met Erfenisdag 24 September 2018 het die VF Plus Jeug landswyd onbekende en verwaarloosde erfenisterreine, -gebiede en -monumente in elke provinsie besoek en skoongemaak. O.a. is die Kroonstad Konsentrasiekampkerkhof besoek en skoongemaak. Aldaar het tydens Anglo-Boere-oorlog 1899-1902 ongeveer 2 000 vroue en kinders gedurende die tydperk gesterf. 

Verder is die Burgershoop konsentrasiekamp-begraafplaas by Krugersdorp ook skoongemaak en so ook die Moorddrift Monument in by Potgietersrus en die Magersfontein Slagveldterrein naby Kimberley. Vir meer besonderhede kontak Tammy Wessels by 082 490 6663.

Met die ondersoek na die SA Inkomstediens deur die Nugent-kommissie word ʼn behoorlike katnes oopgevlek met wat aangegaan het onder die bestuurskap van die geskorste kommissaris Tom Moyane. Wat dit op neerkom, is dat Moyane deur voormalige pres. Jacob Zuma en die Guptas gebruik is om korrupsie en misdaad op massiewe skaal te fasiliteer.

Moyane het nie net kanale vir grootskaalse ongerymdhede geskep nie, maar ook spesialiseenhede binne die SAID wat spesifieke misdadige bedrywighede moes ondersoek, gestop of hokgeslaan. Senior amptenare wat nie met hom wou saamwerk nie is geskors, selfs soms met 24-uur kennisgewing.

Dit is dus duidelik uit getuienis voor die kommissie dat in dien Moyane nie sowat drie maande gelede deur Ramaphosa geskors sou gewes het nie die staatsfinansies en in besonder die staatskas onberekenbare skade sou gely het.

Terwyl die waterkrane in die munisipale gebied van Mogale City met hoofkantoor te Krugersdorp droog bly, steier inwoners elke maand onder die druk van astronomiese waterrekeninge. Wat opvallend is, is dat die rekeninge met dieselfde bedrae, gewoonlik òf R17 000 òf R18 000, bokant die normale bedrag is.

Wat verswarend in die situasie is, is dat die munisipaliteit heelwat ontwikkelingsprojekte goedkeur waarvoor daar nie voldoende grootmaatdienste soos vir watervoorsiening is nie. Daarby beskik die munisipaliteit nie oor die dienste van 'n gekwalifiseerde wateringenieur nie. Vir meer besonderhede besoek www.gemeenskappe.co.za/red-mogale-city.

Volgens die SA Vuurwapen- en Ammunisie Handelaarsvereniging is die Vuurwapenafdeling van die SAPD tans in chaos, hoofsaaklik omdat die lisensies vir rekenaarprogrammatuur nie instand gehou word nie en toegelaat word om te verval. Intussen duur die verwarring voort omtrent die hernuwing van vuurwapenlisensies van eienaars wat verval het.

Reaksie op die bewering wou die woordvoerder van die SAPD brig. Vishnu Naidoo geen kommentaar lewer nie en het bloot gesê dat nuwe wetgewing op pad is.

 

Radio Rosestad as Afrikaanse gemeenskapsradiostasie gestig in 1994 en wat op 100.6 FM in Bloemfontein en omgewing uitsaai, het tans ʼn vakature vir Stasiebestuurder. Volgens spesifikasies vir die pos moet die suksesvolle kandidaat bydrae om d.m.v. die stasie die Afrikaanse taal sowel as die kultuur, tradisies, belange en gemeenskapsbehoeftes van die Christen-Afrikaner uit te dra.

Voorts word as vereistes vir die pos gestel die nodige kwalifikasies, kundigheid en ervaring ten einde leiding te gee met programme, musiek, advertensies, bemarking, promosies en tegniese aspekte. Vir meer besonderhede kontak dr. Jann Schlebusch by Hierdie e-posadres word van Spambotte beskerm. Jy moet JavaScript ontsper om dit te lees. of 072 959 3214.

Die koalisie regering wat tans in beheer is van die Johannesburgse Metro Munisipaliteit o.l.v. die DA span saam op innoverende wyse om 14 geleentheidsentrums oor die volgende drie jaar in die stad op te rig. Die projek het reeds suksesvol afgeskop te Marshallstraat, Johannesburg, by die Roodepoort Burgersentrum en te Diepsloot-Noord Sosiale Sentrum. By die sentrums kry voornemende entrepreneurs die geleentheid kry om hul klein- en medium-besighede  te ontwikkel.

Private en regeringsorganisasies is ook by die projek betrokke, soos Absa en die Dept. van Handel en Nywerheid, asook die SAID en CIPC (Maatskappye en Intellektuele Eiendomsregistrasiekantoor). Johannesburg is ingedeel in sewe substreke en elke streek sal teen 2021 twee geleentheidsentrums huisves. ʼn Program is ook begin om jong ambagsmanne en -vroue by die sentrums op te lei. Hulle sal ook ʼn diensleweringsonderrig- en opleidingsgesag-akkreditasie ontvang.

Vir meer besonderhede skakel 082 358 3882.

 

In die orkaan van woorde wat in en oor Suid-Afrika woed oor die grond wat blankes kwansuis van swart mense sou gesteel het, wil ons net een eenvoudige vraag vra – dit eintlik vir die soveelste keer herhaal: waar is die bewyse dat blankes grond in SA van swartes gesteel het? Dit is een ding om te beweer, maar dit is ʼn heel ander ding om die konkrete bewys op die tafel te plaas.

Ons sê die geskiedenis kan dag vir dag sedert 1652 nagegaan word ten einde te kan probeer uit wys waar grond betekenis vol van swart mense gesteel is. Daarom sê ons hierdie infame leuen moet nooit geglo word nie en daar moet nooit daaraan toegegee word nie.

Soos die geval met alle ander mense en bevolkings ter wêreld, is die blankes van SA nie sonder foute nie, maar grond geroof van andere – aikôna! Enige grondgryp in SA as sg. restitusie moet met alle reg en mag teen gestaan en beveg word.

Skep moed ook uit die kort liedjie by hierdie videogreep!

Groot belangstelling heers vir die 2018 Laver Tennisbeker spankompetisie tussen Europa en die res van die wêreld wat vandag in Chicago begin en Sondag eindig wat. Van die wêreld se beste mansspelers en legendariese oud-spelers is betrokke.

Span Europa bestaan uit Roger Federer, Alexander Zverev, Grigor Dimitrov, Novak Djokovic, David Goffin, Kyle Edmund en Jérémy Chardy, terwyl die Wêreldspan opgemaak word uit Kevin Anderson, John Isner, Diego Schwartzman, Jack Sock, Nick Kyrgios, Frances Tiafoe en Nicolás Jarry. Die kaptein van die Europeërs is Björn Borg en die van die Wêreldspan John McEnroe.

Die maatskappy AVBOB wat in 1918 gestig is as ʼn Afrikaner-onderneming in die begrafnis bedryf, vier vanjaar sy eeufees, maar as ʼn gediversifiseerde maatskappy met verspreide belange in die huidige SA. Die motivering vir die stigting van AVBOB 100 jaar gelede was die dodelike Spaanse griep ná die Eerste Wêreldoorlog wat gemaai het onder soldate en ook mense in SA.

Vandag is AVBOB ook in die besigheid van doodskisvervaardiging, ander begrafnisgoedere soos handgeverfde kranse en in begrafnisversekering. Voorts is AVBOB betrokke in verskeie maatskaplike opheffingsprojekte hoofsaaklik in sg. agtergeblewe gebiede.

Vir die 2017/2018 boekjaar het Transnet ‘n neto wins getoon van R4,9 miljard. Dit is in skerpe kontras met ander staatsondernemings soos die SAL, Eskom, PRASA, en Denel met hul konstante verliese van miljarde rand.

Transnet het egter desondanks slegs ʼn gekwalifiseerde ouditmening van sy eksterne ouditeure ontvang weens gevalle van onreëlmatige besteding, terwyl van die topamptenare van die maatskappy geskors is op aanklagte van korrupsie. Transnet maak sy geld uit die vervoer van steenkool, ystererts en ander grondstowwe vanaf myne na hawens vir verskeping na lande soos China en Japan.

Nadat Louis Siemens (54), besturende direkteur van CityMed daghospitaal, in die Preller Plein parkeergarage trompop doodgeskiet is, sloer die ondersoek na die saak steeds. Hoewel dieselfde dag ʼn bekende tussenganger in sakekringe, Kibi Stanley Bakili (36), dieselfde dag in hegtenis geneem is vir die moord, het dit lank gevat voordat in September ʼn speurder van die SAPD en hofordonnans ook in hegtenis geneem is.

Dit is bekend dat Siemens vir ongeveer vier jaar gesukkel het om ʼn lisensie vir uitbreiding aan die CityMed daghospitaal te bekom by die Vrystaatse Dept. van Gesondheid en dat hy klaarblyklik ten einde laaste in totaal sowat R6 miljoen aan omkoopgeld aan Bakili oorbetaal het. Blykbaar het dit nog steeds nie die gewenste resultate gelewer nie en moes Siemens skynbaar in die proses met sy lewe boet.

Daar word berig dat die moord slegs die oortjies van die seekoei is van ʼn massiewe omkoperynetwerk in die Vrystaat en wat strek tot op die hoogste regeringsvlak in die provinsie. Skynbaar moet miljoene rand in omkoopgeld van hande verwissel voordat sekere staatstenders toegeken word en is vrees vir die oopvlek hiervan die rede waarom die ondersoek na die Siemens-moord so sloer.

Nadat Kallie Kriel en ander senior lede van AfriForum en Solidariteit ongeveer twee maande gelede met koning Goodwill Zwelithini van die Zoeloes by sy paleis te Ulundi oor grondbesit en die moontlikheid van onteiening vergader het en klaarblyklik ooreengekom het om dieselfde standpunt te huldig, het Kriel en Ernst Roets onlangs op uitnodiging van Zwelithini die jaarlikse rietdansseremonie te Ulundi bygewoon.

Die samewerking is veral betekenisvol in die lig van die onverbiddelike standpunt van Zwelithini oor eienaarskap van die Zoeloes oor die 3 miljoen ha grond van die Ingonyama Trust en die botsing wat Zwelithini met pres. Cyril Ramaphosa oor die kwessie gehad het. Dit het die hele saak van tradisionele stamgronde in SA te berde gebring en die moontlike dubbele standaarde wat daaruit mag spruit indien die regering hierdie gronde uitlos, terwyl grond in blanke besit egter onteien word.

Die Vryemarkstigting, gereken as een van die gesaghebbende instansies in die land, is uitgesluit uit die Parlementêre proses oor voorgestelde onteiening van grond sonder vergoeding. Terwyl bykans elke ander instansie oor die spektrum van die samelewing toegelaat is om insette in die proses te maak en nou weer mondelinge vertoë voor die Parlementêre komitee te kon maak, is die aansoek van die Stigting om te getuig van die hand gewys.

Die rede vir hierdie weiering is nie duidelik nie. Die Stigting is bekend vir hul uitgesproke teenstand teen onteiening sonder vergoeding en dat so ʼn maatreël katastrofiese gevolge vir die ekonomie en vir die maatskaplike situasie in die land kan hê.

Vir meer inligting besoek www.freemarketfoundation.com of kontak Joan Evans by 011 884 0270 of Hierdie e-posadres word van Spambotte beskerm. Jy moet JavaScript ontsper om dit te lees.

Bladsy 12 van 96
Go to top