► Navorsing van Solidariteit toon dat die blanke bevolking van die land van 0-14 jaar met sowat 17 000 toegeneem het en dat totale blanke bevolking sedert verlede jaar met 130 000 mense gegroei het; dus groot behoefte aan werkskepping vir blankes ► Ditsem Nuus skep opwindende digitale markplein, DitsemMarkplein, vir Afrikaanssprekende- en Afrikaner-besighede op Telegram-program vir selfone – om te besoek en in te skakel, volg hierdie skakel ► Solidariteit kondig omvattende wettige belastingprotesveldtog aan, insluitende minstens ses regsaksies, teen staatsondernemings en belastingplunderaars, sê staat kan nie belasting gebruik om te steel nie ► Met ʼn skuld van R441 miljard toon Eskom bedryfsverlies vir 2018/19 finansiële jaar van R20,7 miljard in vergelyking van R2,3 miljard in 2017/18 finansiële jaar, dus styging van 800% in verlies; munisipale skuld by Eskom styg van R13,6 miljard na R19,9 miljard ► Minister van Openbare Ondernemings Pravin Gordhan kondig aan dat huidige voorsitter van raad van Eskom Jabu Mabuza ook aangestel is as waarnemende uitvoerende hoof ► Verslag van Stats SA toon dat werkloosheidskoers in SA van 27,6% in eerste kwartaal gestyg het na 29% in tweede kwartaal, na raming 17 miljoen werkloses in Suid-Afrika; vermoede dat werklike werkloosheid minstens 60% kan wees ► Diensbetogers te Petrus-Steyn brand uit frustrasie huis van ANC burgermeester Mamiki Mokoena van Nketoana Munisipaliteit af; geen drinkwater in die dorp nie ► In Pretoria staak munisipale werkers van SAMWU met looneis van 18% verhoging, terwyl inflasiekoers ongeveer 5% is; staking gepaard met vandalisme van infrastruktuur en intimidasie van publiek – kyk hierdie videogreep ► AfriForum beraadslaag met Marloth Park Belastingbetalersvereniging ten einde vestiging van steenkoolmyn van 18 000 ha op drumpel van Kruger Nasionale wildtuin by Krokodilbrughek teen te staan ► Groot verdeeldheid in ANC oor ʼn voormalige minister Derek Hanekom met Ace Magashule en Jacob Zuma wat sê hy was “apartheidspioen”, terwyl ANC-veterane en andere hom verdedig as gerespekteerde lid van ANC ► Kyk by hierdie videogreep hoe gemeenskapslede te Burgersfort volgens sosiale media SAPD-beamptes behandel ► Volgens Parlementêre antwoord van Minister van Maatskaplike Ontwikkeling Lindiwe Zulu, is pensioentrekkers en ander begunstigdes afgelope jaar uit maatskaplike toelaes van gesamentlik meer as R21 miljoen bedrieg, terwyl staatsamptenare op bedrieglike wyse R5,4 miljoen in sak gesteek het vir onbehoorlike siekte verlof ► Gereelde georganiseerde betogings en nagwake voor SA Hoë Kommissariaat in Ottawa, Kanada, teen geweldsmisdaad in SA insluitende teen boere, asook teen etniese suiwering, rassisme en korrupsie ► Op Vrouedag 9 Augustus Antieke & Versamelaarsmark by Voortrekkersmonument, Pretoria, 09:00 tot 15:00, alle stalletjie volbespreek, toegang R30 per voertuig, geen troeteldiere ►

Tydens die mondelinge voorleggings voor die Parlementêre Hersieningskomitee oor moontlike wysigings aan die Grondwet vir doeleindes van grondonteiening 4 – 7 September 2018, het die volgende instansie en persone teen wysiging van die Grondwet gepraat:

  1. Agri Business
  2. Graan SA
  3. Alliance for Rural Development
  4. Prof Elmien du Plessis - Regsfakulteit NWU
  5. Land Accountability and Research Centre – Dr   Aninka Claassens – UCT
  6. Department of Public Law – University Stellenbosch – Prof B.V. Slade
  7. Phuhlisani NPC – Dr Richard Satge
  8. PLAAS – Poverty, Land and Agrarian Studies – University Western Cape –
    Prof Ruth Hall
  9. COSATU
  10. Hope of Glory Tabernacle Church
  11. AgriSA – Dr Annelize Crosby
  12. In Transformation Initiative – Dr Mohammed Babha (Roelf Meyer)
  13. SA Institute of Race Relations
  14. SA Institute of Black Property Practioners (SAIBPP)
  15. Apostolic Faith Mission (AFM) – Dr Weideman
  16. Orania Beweging – Carel Boshoff
  17. Afrikanerbond – Jaco Schoeman – Pieter Vorster – Jan Bosman
  18. Indigenous First Nation Advocacy SA (IFNASA) – Anthony Williams
  19. Every Nation Churches –Denis Neville
  20. Chidi Attorneys –Matome Chidi
  21. SA Human Rights Commission – (SAHRC)
  22. Helen Suzman Foundation
  23. National House of Traditional Leaders
  24. SA Catholic Bishops Conference – Adv Mike Pothier
  25. AfriForum – Ernst Roets
  26. Witzenberg PALS
  27. Banking Association SA (BASA) – Cas Coovadia
  28. Business Unity SA (BUSA) - Tanya Cohen
  29. NEDBANK – Mike Brown CEO
  30. John Langalibalele Dube Institute (JLD) – Dr T Ngcobo
  31. Sake Liga – Piet le Roux – Prof Koos Malan
  32. Vumelana Advisary – Peter Setou
  33. Legal Resource Centre – Sheldon Magardie

Die volgende persone en instansie was ten gunste van wysiging:

  1. National African Farmers UNION (NAFU) - Motsepe Matlala
  2. Black Lawyers Association – Bayethe Maswazi
  3. National Association of Democratic Lawyers (NADEL)
  4. Black First Land First (BLF) – Andile Mngxitama
  5. Dr Marc Wegerif (Human Economy Programme) - University Pretoria
  6. Foundation of Human Rights (Funded by Dept of Justice)
  7. Limpopo Communal Institute – LB Mabuela

Totaal: 40; teen = 33 of 82%; vir = 7 of 12%

Bron: Dr. Corné Mulder, VF Plus

Pres. Donald Trump het 'n hoogs betekenisvolle stap geneem deur bekende konserwatiewe regter Brett Kavanaugh te genomineer het om die plek van uittredende regter Anthony Kennedy in die Amerikaanse hooggeregshof in te neem. Evangeliese Christene is hieroor opgewonde omdat Trump 'n verkiesingsbelofte gestand gedoen het om meer behoudende regspraak t.o.v. maatskaplike kwessies terug te bring.

Die nominasie van Kavanaugh dien tans voor die Senaat, met Demokrate en liberale politici wat die nominasie hewiglik teenstaan.

Gebaseer op ‘n baanrekord van 22 jaar is Nova Refrigeration van OR Tambostraat 186 (voorheen Kerkstraat), Oranjesig, Bloemfontein, vandag ‘n markleier in kommersiële verkoeling en verskaffing van spysenierstoerusting in sentraal-Suid-Afrika en selfs wyer. Die besigheid is in 1996 deur Pieter le Roux gestig en sedertdien het dit stelselmatig gegroei tot waar dit tans die volgende lewer:

  • Verskaffing en installering van nuwe kommersiële verkoelingstoerusting
  • Verskaffing en installering van kommersiële vrieskaste, glydeur-yskaste en eiland- en jumbovrieskaste
  • Verskaffing en installering van koel- en vrieskamers
  • Opgradering van toerusting vir winkelsentrums
  • Onderhoud en diens van alle kommersiële verkoeling
  • Verskaffing van verskeidenheid van spysenierstoerusting

Volgens Le Roux spesialiseer Nova in koste- en energiedoeltreffende toerusting, terwyl hulle ook 'n hoë premie plaas op omgewingsvriendelikheid. By die vertoonlokaal van Nova Refrigeration te OR Tambostraat 186 kan van hul produkte eerstehands besigtig word, terwyl hul uitstekende webwerf by www.nova-refrigeration.co.za ook volle besonderhede met foto’s verskaf. Die telefoonnommer is 051 030 0072 (ure) of 082 553 7072 (alle ure).  

Planne is in 'n gevorderde stadium om die bestaande Karoosig Huis vir Bejaardes in Orania op te gradeer en dan met 'n splinternuwe ontwikkeling oorkant die straat uit te brei na die Karoosig Aftree-oord met kapasiteit vir sowat 350 bejaardes. Die terrein vir die nuwe ontwikkeling aangrensend aan Smaragstraat is reeds geoormerk en opgemeet.

Die nuwe ontwikkeling word beplan om te bestaan uit 68 meenthuise, 36 woonstelle, 66 enkelkamers en 25 dubbelkamers, almal waarvan te koop aangebied sal word. Elke wooneenheid word ook beplan met sy eie uitgang en toegang tot grasperk en tuine.  

Ingesluit by die beplanning van die kompleks, is 'n versorgingseenheid met 34 kamers, 'n eetsaal met industriële kombuis, sentrumsaal, biblioteek, kapel, lapa met braaiplek, wandellaan, rolbalbaan, voëlparkie en voldoende onderdak parkering vir inwoners sowel as parkering vir besoekers.

Die oord sal bedien word deur opgeleide mediese en versorgingspersoneel, terwyl interne sowel as eksterne veiligheid van die oord topprioriteit is. Die terrein van die oord is ook aangrensend aan die perseel van die moderne veiligheidsentrum van AfriForum wat tans in aanbou is.

Vir meer besonderhede insake, kan Bianca Beyers gekontak word by 084 815 5051 of Hierdie e-posadres word van Spambotte beskerm. Jy moet JavaScript ontsper om dit te lees..

Panyaza Lesufi, die omstrede Gautengse LUR vir onderwys, het sy veldtog teen skole met effektiewe beheerliggame voortgesit nadat hy 'n hofloesing in die Overvaal-saak op die lyf geloop het. Sy voorgestelde wysigings aan die toelatingsregulasies van leerlinge by Gautengse skole is op 30 Julie 2018 in die Staatskoerant gepubliseer en word gesien as bloot ‘n manier om die Overvaal-uitspraak te omseil en sy transformasieagenda verder te voer.

In reaksie hierop beywer die Skoleondersteuningsentrum (SOS), Solidariteit en AfriForum hulle om duisende bekommerde ouers, onderwysers en lede van die publiek teen die regulasies te mobiliseer. Indien dié regulasies ingestel word, sal ouers nie meer kan kies in watter skool hulle hul kinders wil plaas nie. Ná die aanlyn-aansoekproses sal die LUR vir onderwys (Lesufi) alleen kan besluit watter kind in watter skool sal wees.


Skole sal dus nie meer kan aandui hoeveel kinders hulle kan akkommodeer nie en sal die funksie na die LUR vir onderwys oorgaan. Beheerliggame kon voorheen die kapasiteit bepaal en daarvolgens werk, maar die nuwe regulasies stel Lesufi in staat om skole te dwing om leerlinge in te neem, ongeag of daar kapasiteit is of nie. Voorts sal in praktyk alle skole dan uiteindelik enkelmediumskole met Engels as onderrigtaal word. Beheerliggame se besluitnemingsmag oor skole se taalbeleid word hierdeur effektiewelik weggeneem.

Inmiddels het die VF Plus ‘n klag rakende minagting van die Grondwet ingedien by die Integriteitskommissaris van die Gautengse Wetgewer teen LUR vir Onderwys Lesufi. Die klag, wat 389 bladsye beslaan, dui aan hoe Lesufi in die tydperk van 2014 tot 2018, Artikel 29 van die Grondwet verbreek en geminag het. Hy is ook aangekla in terme van Artikel 135 van die Grondwet, gelees saam met Bylae 2, Artikel 5. 

Die privaatwetsontwerp van die leier van die VF Plus dr. Pieter Groenewald, wat sekere wysigings voorstel aan die bestaande Wet op Vuurwapenbeheer wat die hernuwing van vuurwapenlisensies sal reguleer, is gister in die Staatskoerant gepubliseer. Die wetsontwerp is ingedien om oplossings te bring ná die omstredenheid en onsekerheid wat geskep is met die uitspraak van die Grondwethof oor die geldigheid van die  hernuwing van vuurwapenlisensies.

Volgens Groenewald is daar net een uitweg om die probleem op te los en dit is om die wet só te wysig dat vuurwapeneienaars ‘n billike geleentheid gebied word om hul lisensies te hernu selfs nadat die lisensie verval het en dit sonder om die eiendomsreg op hul vuurwapens te verloor. Hy sê dit is onaanvaarbaar dat eienaars hul vuurwapens verloor bloot weens ‘n administratiewe oorsig wat reggestel kan word deur ʼn boete te betaal en die lisensies te hernu - die doel van die wetsontwerp is om dit reg te stel.

Die topbestuur van Agri SA o.l.v. president Dan Kriek en uitvoerende hoof Omri van Zyl vergader vanoggend met die topses van die ANC oor “beste oplossing vir grondhervorming” in die Riverside lokaal, Leriba Lodge, Centurion. Dit is te midde van fel kritiek uit behoudende landbougeledere dat gegee die reeds verklaarde voorneme van die ANC en wat hul korrupte baanrekord is, daar niks konstruktief uit 'n sg. gesamentlike oplossing kan kom nie en dat die hele geval inderwaarheid na 'n nuwe “kodesa-uitverkoop” ruik.

Dit volg op die skerp kritiek wat Agri SA gehad het op die veldtog van AfriForum teen plaasmoorde en grondonteiening sonder vergoeding en AfriForum van destabilisering beskuldig het. Agri SA het gevolglik self met ambassadeurs van Westerse lande in SA gesprek gevoer en klaarblyklik 'n repudiërende boodskap t.o.v. AfriForum oorgedra, sonder om name te noem.

Wat dink jy is die hoofrede dat die Bokke Saterdag teen die Wallabies in die hek geduik het?

Wat is jou mening oor wat Ersnt Roets van AfriForum in die Parlement voor die Hersieningskomitee gesê het?

Ditsem Nuus vra eenvoudig vraag: Ge vir ons die bewyse dat blankes grond in SA gesteel het?

Komende Sondag is algemene verkiesing in Swede, met die verwagting dat die anti-immigrante en anti-EU Sweedse Demokrate (SD) onder leiding van Jimmie Akesson hul steun van 13% na 20% gaan vergroot, ten koste van die regerende Christen Demokrate van premier Stefan Löfven. Die ander prominente partye soos die Senter Party en die Liberale Party sal na verwagting nie genoeg steun trek om 'n sterk koalisieregering te kan vorm nie.

Die uitslag van die verkiesing word gesien as 'n belangrike barometer van hoe sterk die nasionalistiese winde in Europa waai.

Die Orania Beweging het namens Orania op 5 September 2018 ook mondelinge getuienis voor die Parlementêre Hersieningskomitee gelewer oor moontlike wysigings m.b.t. onteiening sonder vergoeding. Dit volg op 'n vroeëre skriftelike voorlegging.

Volgens die mondelingse getuienis, wat deur die president van die Orania Beweging Carel Boshoff gelewer is, kom standpunte ten gunste van onteiening sonder vergoeding “neer op die drastiese miskenning van ’n volk wat in die loop van meer as drie eeue in Suider Afrika ontstaan het en baan dit die weg vir vyandige optrede en haatmisdaad deur bevolkingsdele wat hulself as die ‘ware Afrikane’ beskou.”

Die getuienis van Boshoff lui verder o.m.: “Hierdie spiraal van onverdraagsaamheid en konflik kan egter gebreek word deur te aanvaar dat Afrikaners ’n permanente deel van die breër samelewing is en dus billike toegang tot grond verdien. Nie net artikel 25 van die SA Grondwet nie, maar ook artikel 235 wat vir selfbeskikking voorsiening maak, sowel as die destydse Minister van Staatkundige Ontwikkeling Mohammed Vali Moosa se verklaring dat ’n landstreek tussen die Oranjerivier en die Weskus as Heimat vir die Afrikaner kan dien, kan die huidige skaakmatsituasie help ontknoop.”

Met die feitlike en op die man af voorlegging van Ernst Roets van AfriForum in die Parlement gister 6 September en die reaksie daarop – presies 52 jaar nadat dr. HF Verwoerd in dieselfde lokaal vermoor is en die geskiedenis van Suid-Afrika verander is soos nog nooit nie - is die teerling vir die Afrikaner gewerp. Die lyn is getrek: Die Afrikaner het nie grond gesteel nie, glo in eiendomsreg en is bereid om te veg vir sy eiendom.

Ons sluk nie die groot leuen nie en as teen ons opgestel word al die politieke partye in die Parlement plus al die Afrikaner-oorlopers en meelopers, dan is ons reg vir julle. Ons soek nie baklei nie, maar as julle ons dwing, gaan ons ons verdedig – tot oorwinning toe

Die vonke het gister behoorlik gespat in die Parlement toe verdere mondelinge voorleggings deur instansies gemaak is voor die Hersieningskomitee oor moontlike wysiging van die Grondwet vir onteiening van grond sonder vergoeding. Dit was toe Ernst Roets van AfriForum sy inset gelewer het, met die reaksie van politieke partye daarop ‘n absolute openbaring’


Wat gebeur het, is uitstekend verwoord in ‘n mediaverklaring deur Front Nasionaal, wat vervolgens in verkorte vorm aangehaal word:


“In dieselfde ou Volksraadsaal waar dr. Verwoerd gister 52 jaar gelede vermoor is, het Ernst Roets van AfriForum ʼn sterk bewoorde, met bewyse voorlegging gedoen. Hy het die Kommunistiese agenda van die ANC/EFF uitgewys, beklemtoon dat grond nooit deur wittes gesteel is nie, maar deur ooreenkomste en verdrae en besetting van onbenutte grond bekom is en uiteindelik heeltemal korrek daarop gewys dat Parlementslede dronk is van ideologie wat geskoei is op rassehaat.

“Die ANC het onmiddellik reageer deur Roets daarvan te beskuldig dat hy swartes haat en dat sy haat vir die ANC en EFF sy denke oorheers. Dis maar die geykte ou retoriek van 25 jaar – “Julle haat ons omdat ons swart is, sies, julle rassiste!” Roets is verder van arrogansie beskuldig.

“ Die UDM het gesê dat AfriForum die land na ‘n staat van oorlog wil neem en dat blankes die harte van swartes verhard. Hulle sê dat hulle na die voorlegging oorweeg om die ANC en EFF te steun in die onteieningsplan.

“Die IVP het heftig op Ernst Roets se voorlegging reageer en gesê dat dit berus op woede eerder as feite. Daarna het die IVP uitgestap.

“Die EFF het, tipies, teruggeval op geykte retoriek oor gesteelde grond en vermoorde swartes en gesê dat hulle gereed is vir oorlog as Afrikanerrassiste uit Pretoria dit wil hê.

Van Cope wat die afgelope maande na blanke stemme vry in ʼn pragmatiese politieke foefie, sou steun vir Roets se voorlegging verwag kon word. Die beste waarmee hulle egter kon kom, was: ‘Het jy enige ander oplossing om aan die hand te doen as onteiening?’


“ Die DA het gewoon gesê dat hulle hulself van die voorlegging distansieer, wat nie verbasend is nie, want dit is mos nie in pas met hulle nuwe beleid om ‘wit bevoorregting’ te beveg nie.


“Die ACDP was die mees uitgesproke teen Roets se voorlegging. Hulle sê wat Roets daar gesê het, is nie ’n positiewe bydrae tot nasiebou nie en getuig van arrogansie.


“ Die VF Plus het aangedui dat hulle niks wil sê nie. Wat ʼn skitterende geleentheid is daardeur verpas om Roets te steun, die feite wat hy genoem het te bekragtig en te sê: Ons staan hier vir ons witmense se belange.

“Dit laat ʼn mens skaam kry! Ernst Roets en die Afrikanerdom is gister openlik verraai deur dieselfde mense wat voorgee om hulle politieke beskermers te wees

“Front Nasionaal sê: Roets het kaalkop die waarheid gepraat en ons stem saam met hom.: Gister het vir ons opnuut gewys dat die Parlement vol nuttelose partye is en dat niks gaan verander so lank as wat hulle daar sit nie.

“Stem vir selfbeskikking sodat ons by daardie Parlement kan instap, die onaangename deel kan afhandel en daar uitstap vir altyd. Dis al wat vir ons kan werk.”

Op die algemene jaarvergadering van die Afrikaanse Taalraad (ATR) gehou op 25 Augustus 2018 in die Paarl het die klem sterk geval op inklusiwiteit en relevansie. Sterk voorbrand vir Afrikaans oor alle grense heen is gemaak en vir die bevordering van Afrikaans in ’n meertalige verband.

Japie Gouws, voorsitter van die ATR, beskou die ATR as die mees verteenwoordigende Afrikaanse taalorganisasie in terme van ras, geslag, geografie en die variëteite van die taal. “Maar ons wil nog beter doen en sal ons diversiteit en die uiteenlopende spektrum van idees wat reeds in die ATR uitgebou word in die loop van die jaar aansienlik uitbrei,” sê hy.

“Die ATR loods dus ʼn werwingsveldtog wat veral kunstefeeste en gemeenskapsorganisasies se betrokkenheid by die organisasie wil verhoog. Ons het selfs ʼn meganisme geskep waarvolgens veral gemeenskapsorganisasies wat om finansiële redes sukkel om deel te neem, gehelp kan word,” sê Gouws.

Vir meer besonderhede, besoek www.afrikaansetaalraad.co.za.

Die beplande EFF-ANC mosie van wantroue in DA-burgemeester Solly Msimanga gister het weens botsende strategiebenaderings platgeval en is geen sodanige mosie ter tafel geneem nie. Die verteenwoordigers van beide die EFF en ANC het daarop die raadsitting verlaat.

Dat dit gaan om bloot politieke gewin en geensins oor die inwoners van die Tshwane Metro nie, blyk uit die feit dat onder DA-geleide bestuur van die metro is ‘n begrotingstekort van R2 miljard die afgelope twee jaar omskep in ‘n oorskot van R704 miljoen. Die huidige koalisieregering van die metro bestaan uit die DA, VF Plus, ACDP en Cope.

Die Ad Hoc Groep vir die Beskerming van Eiendomsreg het aangekondig dat 'n “Beraad oor onteiening sonder vergoeding, die motief, die ekonomiese realiteite en die alternatiewe” aangebied word op Donderdag, 6 September 2018 by TLU, Silverton, vanaf 09:00-13:30. Hierdie Ad Hoc Groep bestaan uit  ʼn aantal burgerlike organisasies en politieke partye wat oor die laaste paar jaar kragte saamgesmee het teen grondonteiening.

In 'n mediaverklaring wys die Groep daarop dat vanjaar die 80ste herdenking is van die VN Universele Verklaring van Menseregte. Onteiening sonder vergoeding is in stryd met die gevestigde internasionale beginsel van die Verklaring in artikel 17(1 en 2): (1) Everyone has the right to own property alone as well as in association with others. (2) No one shall be arbitrarily deprived of his property.

Temas vir die program van die beraad op 6 September is: Die NDR agenda en toepassing in Suid-Afrika ./  ʼn Historiese perspektief op grondbesit in SA / Die regmatige besit van grond deur produsente / Die huidige toepassing en die realiteit vir die ekonomie / Staatkundige verval en die gevolge / Ekonomiese en juridiese realiteite. Vir meer besonderhede, skakel Jan Bosman 083 630 6187 of Hierdie e-posadres word van Spambotte beskerm. Jy moet JavaScript ontsper om dit te lees..

Die volgehoue bewusmaking in die buiteland van die feite omtrent plaasmoorde en dreigende grondonteiening sonder vergoeding het daartoe gelei dat die ANC-regering en Agri SA tesame met ander landbou-organisasies opnuut gesprekvoering begin het oor die verklaarde voorneme van grondonteiening sonder vergoeding. Vandeesweek het Agri SA, Afasa, Nafu en TLU SA verenig onder die banier van Agrisektor Eenheidsforum (Asuf) ten einde in oorleg met die regering 'n sg. nasionale grondstrategie op te stel.

Inmiddels word AfriForum terselfdertyd ironies genoeg uitgesonder vir hewige kritiek omdat dit steeds bewusmaking doen van die voorneme van grondonteiening sonder vergoeding, gekoppel aan die voortdurende voorkoms van plaasmoorde. Pres. Donald Trump van die VSA word ook steeds gestriem oor sy twiet dat hy sy minister van buitelandse sake Mike Pompeo opdrag gegee het om moontlike grondonteiening en ook plaasmoorde in SA te ondersoek.

Daar word op sosiale media gewys op die ironie dat waar 'n Amerikaanse president vir die eerste keer in die geskiedenis uitgesproke simpatiek is teenoor die lot van blanke boere in SA, kritiseer plaaslike landbouleiers hom daarvoor. Verdere ironie is die nuus dat die uitstekende dokumentêr Farmlands van jong Kanadese TV-joernalis Lauren Southern nou uit Engels vertaal is in Duits, Nederlands, Frans, Fins, Hebreeus, Hongaars, Italiaans, Pools, Portugees, Russies, Slowaaks en Spaans.

Intussen het die ANC in die Parlementêre Portefeuljekomitee vir Openbare Werke pas in die Parlement die Wysingswetsontwerp op Onteiening onttrek. Hieroor sê die VF Plus in 'n mediaverklaring: “Die rede vir die onttrekking is om die proses van onteiening sonder vergoeding te bespoedig deurdat die proses vereis dat wanneer die Grondwet gewysig word, die wysiging deur gewone wetgewing moet geskied.

“Dit is dus duidelik dat die ANC hom nie van stryk laat bring deur berade en voorstelle van die landbousektor oor hoe om grondhervorming te versnel nie, en dat hy eensydig voortgaan om die Grondwet te wysig om voorsiening te maak vir onteiening sonder vergoeding. Die ANC mislei die publiek en landbou-organisasies deur voor te gee dat hy planne en voorstelle om grondhervorming te versnel verwelkom en sodoende wek hy die indruk dat hy nie sal voortgaan met onteiening sonder vergoeding nie.”

Bladsy 14 van 96
Go to top