► Gister 16 Junie is Jeugdag amptelik in SA gevier ter herdenking van die Sharpville-opstand in 1960, maar dit is ook die herdenking van 16 Junie 1900 toe Lord Roberts proklamasie onderteken het vir inwerkingstelling van beleid van verskroeide aarde wat tot die lyding en dood van sowat 30 000 Boervroue, -kinders en bejaarde mans gelei het – kyk hierdie video ► Vir presies hoe die Anglo-Boere-oorlog 1899 – 1902 verloop het en hoe die Britse oormag die lyding van vroue en kinders misbruik het om die Boerekrygers tot oorgawe te dwing, volg hierdie skakel ► Ambassadeur vir SA in Denemarke Zindzi Mandela skel SA blanke burgers op Twitter uit vir “cowards” en “land thieves” en sê dr. Chris Barnard “learned the basics of heart surgery from his black gardener” ► AfriForum vra Minister van Internasionale Betrekkinge en Samewerkinge Naledi Pandor om Zindzi Mandela onmiddellik terug te roep en af te dank ► Furore oor Twitter-geskel van Zindzi Mandela omdat sy veronderstel is om alle Suid-Afrikaners te dien en sy betaal word met belastinggeld van alle Suid-Afrikaners ► Volgens konsepwetgewing tans voor Parlement Broad Based Black Economic Empowerment Amendment Bill word begunstiging van blanke vroue uitgehaal omdat hulle in die praktyk van die sg. benadeelde groepe die vinnigste in die SA ekonomie vorder – volg hierdie skakel vir meer besonderhede ► Met spanning in Midde-Ooste rondom Iran skiet goudprys op na $1 350/ons, hoogste in 14 maande ► Vakunie Association of Mineworkers and Construction Union (AMCU) kondig aan dat dit met onderhandelinge vir lone in platinumbedryf later vandeesmaand gaan vra vir basiese salaris van R17 000; AMCU verteenwoordig sowat 60 000 lede ► Berig dat SABC slegs salarisse betaal en nie meer enige diensteheffings aan Stad van Johannesburg en City Power betaal nie, vraag of SAUK volgende maand nog in bedryf sal wees ► Vragmotorbestuurder Bernard Groenewald wat by Touwsrivier so deur aanvallers met brandbomme bestook is, is in hospitaal aan sy wonde oorlede ► Die Voortrekkers o.l.v. dr. Danie Langner onthul op plaas naby Parys nuwe standbeeld van Die Penkop tesame met twee borde met name van 2 466 seuns tussen ses en 16 jaar wat dié oorlog oorleef het ► EPR veiligheidsbeampte, Christo Myburgh, te Krugersdorp oorval op perseel deur drie gewapende aanvallers vermoedelik zamas zamas en drie keer geskiet ► Vind by hierdie skakel passievolle pleidooi vir moedertaalonderrig, ook in Afrikaans, deur Johnell Pelser op sosiale media ►

LUR Lesufi steeds groot probleem in Gauteng-onderwys

In ʼn mediaverklaring sê die VF Plus Gauteng: “Die LUR vir onderwys in Gauteng, Panyaza Lesufi, is die oorsaak dat 23 000 leerlinge in Gauteng nog nie vir 2019 by skole geplaas is nie. Weens die versuim van die LUR om genoegsame skole in Gauteng te bou, sit die provinsie se onderwysdepartement nou in hierdie krisis.

“In 2015 het Lesufi ʼn verslag ter tafel gelê wat aangedui het dat die provinsie toe slegs 2 922 skole gehad het wat 2 433 342 leerlinge moes bedien. Buiten die 23 000 leerlinge wat nog nie vir 2019 geplaas is nie, is daar ook nog 21 094 leerlinge wat uit die onderwysdepartement se stelsel verwyder is aangesien hulle nie die ‘tersaaklike dokumentasie ingedien het nie’. Daar sal in ʼn latere stadium oorweeg word of hierdie leerlinge wel geakkommodeer kan word of nie.

“In stede daarvan dat Lesufi sy taak as LUR doeltreffend verrig en die belange van kinders eerste stel, het hy sy persoonlike belange voorop gestel en sy politieke agenda op skole probeer afdwing om sy eie loopbaan te bevorder. Nou moet 44 294 leerlinge in die provinsie daaronder ly.”

Gradeer die artikel
(0 stemme)

Lewer kommentaar

Vul al die vereiste velde in (*)

Go to top