► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Kaapstad kan in volgende 6 jaar tot meer as 4,5 miljoen groei

'n Studie deur die Kaapstadse Metro toon dat die stad oor ses jaar weens verstedeliking ongeveer 500 000 nuwe inwoners kan bykry. Die ontwikkelingsplan van die Kaapstadse metroraad neem in ag dat die aantal inwoners, wat in 2017 op 4,17 miljoen geraam is, teen 2021 tot meer as 4,5 miljoen kan groei.

Dit is veral die arm mense wat sonder kennis van stedelike leefwyses, stadwaarts migreer opsoek na beter werksgeleenthede, maar nie altyd die toepaslike vaardighede beskik om werk te kry nie.

Daar moet in ag geneem word dat verstedeliking ’n tekort aan behuising, gebrek aan basisse dienslewering, werkloosheid, maatskaplike probleme en natuurlik spanning onder die verskillende kultuurgroepe kan veroorsaak. ʼn Waterskaarste, soos wat in die onlangse droogte ondervind is in die Wes-Kaap, kan ook ’n krisis word met duisende meer mense wat na Kaapstad trek en afhanklik is van water.

Die Kaapstadse Metro staan op die rand van grootskaalse probleme indien hulle volgens verwagtinge 500 000 nuwe inwoners gaan bykry. Daar word gehoop dat hul ontwikkelingsplan vir die metropoolgebied in plek is en doeltreffend bestuur sal word.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top