►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Kimberley as stad bekend vir sy kleurryke diamantverlede, word tans byna verswelg onder onbeheerde riool in talle strate. Die rioolaanleg funksioneer slegs op 50% kapasiteit en die watersuiweringsaanleg funksioneer met rukke en stote – probleme wat ooglopend geleidelik oor jare ontwikkel het.

Tydens ’n onlangse besoek van die DA is bevind dat die rioolaanleg van die ANC-beheerde Sol Plaatje Munisipaliteit haglik is en dat damme wat veronderstel is om gesuiwerde water te bevat, met riool besoedel is. ʼn Gebrek aan kundigheid, omgewingsgevare vir personeel en ʼn tekort aan basiese voorrade soos chemikalieë en veiligheidstoerusting ontbreek, dra by tot die krisis. Reeds vyf werkers het al hul lewens verloor by die aanleg weens blootstelling aan giftige dampe en haglike omstandighede.

Hoe Kimberley as hoofstad van die Noord-Kaap sy eertydse glorie en leefbaarheid kan herwin, is ‘n ope vraag – ʼn vraag wat kiesers op 8 Mei vanjaar by die stembus kan begin om te beantwoord.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top