► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Oorlogsverklaring teen blankes in SA

Die opskrif klink kras, maar indien die volgende huidige toepaslike feite bymekaargesit word, dan is die gevolgtrekking nogal logies: • Die staatspresident van die land, Jacob Zuma, sing gereeld in Zoeloe op openbare byeenkomste “Bring my masjiengeweer, dat ons hulle kan skiet”, terwyl hy sê dat “die moeilikheid in SA begin het die dag toe Jan van Riebeeck voet aan wal gesit het” en dat “die mense in suidelike Afrika pret gehad het totdat die ‘ander’ gekom het. Hy sê ook dat blankes die grond van swartes gesteel het. • Die veldtog om grond in blanke besit vir swartes af te neem onder die eufemisme “grondhervorming” word onverbiddelik gedryf, met die doelpale wat telkens verskuif word. Die jongste is die voorstelle vir plaasgrond, wat sonder om die georganiseerde landbou daarin te ken, deur die regering aangekondig is en behels dat grondplafonne vir die landbousektor vasgestel word op klein plase tot ’n maksimum van 1 000 ha, middelslagplase 2 500 ha en groot plase 5 000 ha, asook dat geen plaaseienaarskap 12 000 ha mag oorskry nie, uitgesonderd bosbou, wildplase en hernieubare energieplase. Dat hierdie voorstelle duidelik ongrondwetlik is, word deur die regering geïgnoreer. • ‘n Drakoniese stuk wetgewing wat tans in die Parlement ter tafel is, is die Onteieningswetsontwerp wat grondbesit in Suid-Afrika radikaal kan verander en tewens uiters gevaarlik is vir die hoeksteen van eienaarskap van onroerende bates soos gebaseer op die beginsel van vrywillige koper / vrywillige verkoper. Verder, soos dit tans geformuleer is, gee dit die staat feitlik ‘n vrye hand om nie net vaste eiendom, maar ook enige roerende bates, soos huishoudelike artikels, juweliersware, aandele, vervoermiddels, ens., te vervreem. • Nog ‘n soortgelyke voorgestelde wet is die Wetsontwerp oor die Bevordering en Beskerming van Beleggings wat enersyds daarop gemik is om SA se bilaterale beleggingsverdrae met verskeie Europese state te vervang, maar andersyds veel verder gaan en voorsiening maak vir beslaglegging in gevalle op eiendom van burgers sowel as buitelanders, ten einde dit in “voogdyskap vir benadeeldes” te plaas. • In sport word die skroewe teen vrye blanke deelname al stywer aangedraai. Behalwe dat kwotas geld op alle vlakke vanaf internasionaal tot skole, het die Proteas in die afgelope Krieketwêreldbeker die bus verpas omdat ‘n blanke speler op meriete gekies moes terugstaan vir ‘n speler van kleur. Voorts word verpligte kwotas tans uitgebrei van die hoofsporte in SA (sokker uitgesluit), tot nog 17 van die minder bekende sportkodes. Indien nie aan vasgestelde kwotas voldoen word nie, kan internasionale deelname verbeur word. • Die jongste weergawe van die Industrial Policy Action Plan (IPAP) maak voorsiening vir ‘n fonds van R1 miljard spesifiek vir die bevordering van swart nyweraars in SA. Die dokument konstateer dat in die finansiële jaar 2015/16 ‘n Black Industrialists Development Programme gerugsteun deur R1 miljard aansporingsbefondsing van die Department van Handel en Nywerheid van stapel gestuur sal word. • Meer nog, Minister van Ekonomiese Ontwikkeling Ebrahim Patel het pas aangekondig het dat die Industrial Development Corporation (IDC) aangesê is om ‘n verdere R23 miljard opsy te sit ter ondersteuning van swart nyweraars oor die volgende vyf jaar. Dit vorm deel van R100 miljard pakket wat die IDC moet spandeer ter ondersteuning van nywerheidsontwikkeling teen 2020. • Die Dept van Handel en Nywerheid het onlangs ‘n kennisgewing gepubliseer ingevolge waarvan breë basis swart ekonomiese bemagtiging (BBSEB) en werknemers se aandeelhouding in eienaarskapskemas vanaf 1 Mei 2015 ondergeskik gestel sal word aan persoonlike eienaarskap van aandele op die SEB-telkaart. Dit word beskou as ʼn groot terugslag vir maatskappye wat reeds op hierdie basis ʼn deel van die eienaarskap aan swart werknemers of gemeenskapsinstansies oorgedra het. • Volgens ‘n onlangse verklaring van die Kamer van Mynwese het die mynbedryf, danksy die Mining Charter wat geheel en al ingestel is op swart bemagtiging in mynbou in SA, die afgelope 12 jaar waarde van R159 miljard aan swart bemagtigingsvennote oorgedra. • Die werklike betekenis van sowat 1 800 plaasmoorde in die land die afgelope 25 jaar kan ook hier verreken word. • Die ooglopende veldtog om Afrikaans en die Afrikanerkultuur te marginaliseer, o.a. soos tans op universiteitsvlak, behoef geen verdere uiteensetting nie. Die onderwerp is vanselfsprekend wyd oop vir debat, maar hierdie feite uit die daaglikse nuus spreek vir hulself.
Gradeer die artikel
(0 stemme)

Lewer kommentaar

Vul al die vereiste velde in (*)

Go to top