► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Daar is aangekondig dat die Zoeloevolk onder koning Goodwill Zwelithini 'n grondeis beplan onder die nuwe oopstelling van grondeise wat groot dele van nie slegs KZN nie, maar ook die aangrensende Oos-Kaap, Mpumalanga en die Oos-Vrystaat insluit. Die eis word behartig deur regter Jerome Ngwenya, die voorsitter van die Ingonyama Trust, namens die Zoeloe-koning.
Die waarde van die eis is miljarde rand en volgens die eisers is hulle van plan om steeds miljarde rand te eis vir enige grond wat i.t.v. die eis moontlik nie aan hulle toegeken gaan word nie. In die Vrystaat val Harrismith, Memel en Vrede binne die Zoeloe-eis.
Inmiddels het die Front-Nasionaal aangekondig dat dit as respondent gaan registreer teen die Zoeloe-eis en in die proses gaan navorsing doen oor geskiedkundige dokumente soos die Retief/Dingaan traktaat, Mpande/Cloete ooreenkoms, die ooreenkoms tussen Mpande en die stigters van die Kliprivier Republiek en die Dinizulu/Botha ooreenkoms oor gronde waarop die Nuwe Republiek later gevestig is.
Wat ook in hierdie verband interessant is, is dat die Openbare Beskermer adv. Thuli Madonsela steeds besig is met 'n ondersoek na 'n staatsbegroting van sowat R2 miljard vir 'n volledige dorp wat gebou staan te word sowat 3 km vanaf die omstrede Nkandla-kompleks van pres. Jacob Zuma. Die beplande dorp, genoem die Umlazi-Nkandla Smart Growth Centre, is geleë op sowat 200 ha en staan kortweg bekend as Zumaville.
Dit word ontwikkel in samewerking met Masibambisane, 'n landelike ontwikkelingsinstansie en nie-regeringsinstansie o.l.v. Sibusiso “Deebo” Mzobe, 'n neef van Zuma.
Masibambisane word verder deur die IDC bestuur in samewerking met die Dept. van Landelike Ontwikkeling en Grondsake, wat in 2011 in 'n verslag oor die haalbaarheid van die projek die volgende begrotingsriglyne gegee het: Veiligheidsentrums R58 m. / Landbou en nywerheidsfasiliteit R146 m. / Kommersiële fasiliteit R68 m. / Onderwysfasiliteit R178 m. / Omgewingsfasiliteit R454 m. / Regering-kompleks R68 m. / Behuising R136 m.
Die Sunday Times berig Zuma het aan sakelui in die omgewing gesê die sentrum sal die eerste dorp wees wat in sy geheel deur swart mense na die “demokratisering” van SA gebou is.
Op die Internet word die Dept van Handel en Nywerheid, die Dept. van Ekonomiese Ontwikkeling, die Dept. van Samewerkende Regering en Tradisionele Sake en die Dept. van Vroue, Kinders en Mense met Gestremdhede as “strategiese vennote” gelys.
As die doel van die projek word gestel om “die primêre dryfkrag van kommersieël-volhoubare nywerheids-ontwikkeling en innovasie tot die voordeel van Suid-Afrika en die res van die vasteland te wees”.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top