► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►
Uit ‘n ontleding van sleutelsyfers oor di bevolkingsamestelling van Suid-Afrika soos gepubliseer deur Statistieke SA, kom die volgende dinamiese tendense na vore: • Daar is tans in SA in die ouderdomskategorie 4-24 jaar 22 557 106 swartes, 2 172 685 kleurlinge, 501 349 Asiate en 1 433 304 blankes wat ‘n persentasieverdeling gee van 84,6% swartes, 8,2% kleurlinge, 1,8% Asiate en 5,4% blankes. • Uit ‘n totale bevolking in SA van 54 miljoen is 80% swart, 9% kleurling, 2,5% Asiaties en 8,5% blank. • Sedert 1990 het die getalle vir swart jeug tussen die ouderdom 0-24 jaar met 11% gegroei, terwyl dié van kleurlinge, Asiate en blankes met onderkseidelik 1%, 9% en 15% gekrimp het. • Gebaseer op hierdie syfers kan aangeneem word dat teen 2030 vir die ouderdomsgroep 0-24 daar 91 swartes, 7 kleurlinge, 1 Asiaat en 1 blanke in elke groep van 100 jeugdiges sal wees. • Dit beteken voorts dat blankes teen 2030 slegs 2% van die totale bevolking sal uitmaak. Daar is tans 4,9 miljoen swart kinders tussen die ouderdomme 0-4, terwyl die totale blanke bevolking 4,5 miljoen is • Indien die werkloosheidskoers vir die ouderdomsgroep 15-24 in Suid-Afrika oor die hele spektrum geneem word op 48% soos wat Stats SA dit gee, dan beteken dit dat uit ‘n totale bevolking van 10,4 miljoen, 5 miljoen werkloos is waarvan 4,2 miljoen swartes is. • Dit op sy beurt beteken dat SA oor die volgende 15 jaar 26 miljoen werksoekers gaan hê, vir wie werksgeleenthede geskep sal moet word en wat in elk geval gevoed, geklee en versorg moet word – iets waaroor die land selfs nou al nie beskik nie. Dit toon die enorme sosio-ekonomiese en politieke uitdagings waarvoor SA staan.
Gradeer die artikel
(0 stemme)

Lewer kommentaar

Vul al die vereiste velde in (*)

Go to top