►Voorspoedige 2020 | Ditsem Nuus kantoor weer oop | Teken in op die DitsemBlits vir daaglikse Nuushooftrekke en weeklikse Nuuskommentaar►

Omstredenheid rondom Brian Molefe

Brian Molefe se huis Brian Molefe se huis

Daar heers groot omstredenheid rondom Brian Molefe wat deur pres. Jacob Zuma na die Parlement ontplooi is, na gespekuleer word om in 'n invloedryke pos t.o.v. die Dept. van Finansies aangestel te word. In die eerste plek het Molefe einde verlede jaar homself genoop gevoel om te bedank as uitvoerende hoof van Eskom nadat die Openbare Beskermer hom met klinkklare bewyse geïmpliseer het as 'n meeloper van die Gupta-familie en hul staatskaping-verbintenis met Zuma.
Tweedens, vóór Eskom was Molefe uitvoerende hoof van Transnet waar hy vyandiggesind was t.o.v. die kontroversiële terughouding van pensioengeld ter waarde van sowat R79 miljard aan 67000 verarmde, afgetrede Transnet werknemers en het Molefe gesê dat hulle begunstigdes van apartheid is wat op geen vergoeding aanspraak kan maak nie. As die pensioenarisse die rewolusie in die strate verder wil voer, moet hulle net so sê. Derdens het Molefe tydens sy termyn by Eskom 'n borgskap van R840 000 skynbaar onregmatig toegeken aan die verbete anti-blanke aktivis Jimmy Manye vir sy sg.
Progressive Professionals Forum, wat aktief 'n stryd voer om van Pravin Gordhan as Minister van Finansies ontslae te raak. Vierdens het dit aan die lig gekom dat Molefe 'n paleis van 'n woning in die luukse landgoed Cornwall Hill in Pretoria, as 'n tweede woning by 'n mede-ANC kader gekoop het vir R10 miljoen, terwyl die markwaardasie van die eiendom op R18 miljoen geraam word.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top