Van Niekerkshof Kennels

► Roemenië sluit aan by Hongarye, Pole Slowakye en Tsjeggiese Republiek om Moslem-migrante te verbied ► OB Busisiwe Mkhwebane gaan twee top ANC’s en voormalige Vrystaatse politici Ace Magashule en Mosebenzi Zwane ondersoek oor Vrede suiwelskandaal ► Inbraak by Valke-kantoor in Kaapstad – baie vrae daaroor ► Wreedaardige aanval op Mike Bonnette, boer van Chrissiesfontein, Midvaal-distrik – wonderbaarlik oorleef ► Mangaung Metro burgemeester weier openbare vergadering oor waterkrisis in die metro ► Britse regering skenk R858 miljoen aan pres. Cyril Ramaphosa ondanks of danksy sy voorneme om grond in SA te onteien sonder vergoeding ► Minister van Polisie Bheki Cele weier dat spesiale eenhede vir plaasveiligheid ingestel word ► Statebondsberaad in Londen met 53 staatshoofde; Brittanje nuwe bande vir Brexit ► Meer nuus op www.ditsem,net en Ditsem Facebook; teken in op DitsemBlits

burgerlike journalistiek banier  Photo and Frame Banier 2018

Daar word wyd gespekuleer dat Air Namibia op die rand van bankrotskap is en dat dit teen 'n lopende verlies bedryf word. Die lugdiens is die nasionale lugkarweier van Namibië, met die regering van Namibië as enigste aandeelhouer.

Sedert 2000 is al sowat N$6 miljard in staatsubsidies in die lugdiens ingepomp, maar skynbaar tevergeefs om dit swaai na 'n winsgewende onderneming. Die laaste 13 jaar het Air Namibia nog nie 'n finansiële jaarverslag uitgereik nie.

Vir die huidige finansiële jaar beloop die begroting van die lugdiens N$4 miljard, waarvan die Namibiese regering N$486 miljoen bydra. Vir die 2018/19 finansiële jaar is 'n regeringsubsidie begroot ter waarde van N$494 miljoen en vir 2019/20 N$498 miljoen.

Aan die positiewe kant word egter daarop gewys dat Air Namibia betekenisvolle kapitaalbesteding doen in die nasionale ekonomie, terwyl dit 'n sleutelrol speel om buitelandse betrokkenheid in Namibië te bevorder, o.a. sover dit toerisme aangaan. Feit van die saak egter is dat die Namibiese mark relatief klein is en dat Air Namibië sy 12 vliegtuie huur en oor geen bates beskik nie, wat beteken dat dit uiters swak beleggingspotensiaal is.

Wat Suid-Afrika betref, het SAL sopas so 'n swak verslag van die OG ontvang dat hoop laat vaar is dat die lugdiens nog enigsins gered kan word. Die lugdiens is die afgelope ..jaar aan die lewe gehou met staatsubsidies ten totale bedrag van sowat R... miljard. Uit die OG-verslag blyk dit dat wanbestuur en korrupsie eenvoudig feitlik uitsluitlik die twee redes is vir die mislukking van die lugdiens as besigheid is.

Nog slegte nuus is dat Mango lugdiens ook 'n swak OG-verslag ontvang het en dat ook hierdie klein lugdiens sukkel om in die lug te bly.

Solidariteit het ʼn aansoek in die Noord-Gautengse Hooggeregshof gebring teen die SA Polisiediens oor beweerde ongrondwetlike en diskriminerende bevordering van huidige en oud-MK lede en vra daarin dat alle inligting t.o.v. die sg. “Non-Statutory Forces”-projek (NSF) geopenbaar word. Dit volg op ‘n SAPD-proses om sekere militêre veterane selektief onder die NSF-projek te hergradeer en te bevorder.

Volgens Solidariteit ontvang slegs lede wat deel vorm van sg. nie-statutêre magte oftewel “vryheidsvegters” bepaalde pensioenvoordele en bevorderings, terwyl lede wat deel gevorm het van gewone statutêre magte, soos die SA Weermag, nie daarvoor “kwalifiseer” nie. Die projek kom neer op blatante rassisme, was nooit bedoel onder die Grondwet nie en druis in teen verskeie internasionale konvensies waarby SA 'n party is, aldus Solidariteit.
 
Solidariteit sê dat terwyl gesê word dat die projek nog in ʼn onderhandelingsfase is, dit reeds geïmplementeer word en dit sonder dat relevante vakbonde soos Solidariteit gekonsulteer is. “Dit is weereens vir ons duidelik dat die SAPD slegs ʼn uitverkore groep werknemers se belange bevorder ten koste van ander.  Ons dra die belange van alle loopbaangerigte Polisielede op die hart en daarom gaan ons voort om vir ons lede in die SAPD te veg.”

Op ‘n wyer front is daar 'n sterk vermoede dat die NSF-projek 'n onderduimse poging van die ANC is om die SAPD vir sy eie doeleindes te kaap en daarom word die verloop van die hofaansoek met belangstelling gevolg.

In 'n artikel op sosiale media skets bekende ekonoom Mike Schussler aan die hand van statistiek van die General Household Survey 2016 'n verbasende prentjie oor huise in SA en hoe dit moontlik deur onteiening sonder vergoeding geraak kan word. Volgens Schussler besit swartmense 7,66 miljoen huise (slegs eerste huise) en blankes 730 000 huise. Die ander twee bevolkingsgroepe saam besit ook ongeveer 730 000 huise.

Die gevolgtrekking dat met enige onteiening van huise sonder vergoeding sou 10 keer meer huise van swartmense in die slag bly as van blankes. Verder, 56% van die waarde van eerste huise behoort aan swartmense en slegs 33% aan blankes. Daarby besit 22% van swartmense 'n tweede huis, terwyl dit die geval is in slegs 10% van blankes.

Volgens statistiek van die Transvaalse Landbou Unie (TLU) was daar einde Februarie 2018, 42 aanvalle en ses moorde op plase. Op 14 Februarie is Athol Harvey (80) en sy vrou Colleen (78) op hul plaas Weltevrede naby Spitskopdam in die Noord-Kaap aangeval, aangerand en beroof. Drie weke later het Athol aan sy beserings beswyk.

Net in die laaste week van Februarie is twee bejaardes wreed vermoor - die 72-jarige me. Hentie van der Vyver wat in haar plaashuis naby Ermelo oorval en verwurg is en die 68-jarige Hannes Christie van Coligny wat met vermoedelik ʼn byl doodgekap is.

Tot dusver in Maart is die land geruk deur die teregstelling van die 72-jarige Dirk Steenkamp net buite sy plaashuis by Vredefort op Sondagoggend 4 Maart. Steenkamp was 'n gerekende leierboer en gemeenskapsleier.

Verlede jaar was daar 423 plaasaanvalle in SA waarin 82 mense vermoor is en talle in aanvalle ernstig beseer is en 'n aantal vroue verkrag is. Dit kom neer op 35,25 aanvalle per maand – meer as een per dag oftewel elke 4,3 dae 'n plaasmoord.

Aangesien DitsemBlits 'n nuuskommoditeit is wat teen betaling beskikbaar is, word intekenare versoek om uit 'n wetlike en morele oogpunt die nuusbrief nie gratis aan te stuur aan kontakte nie. Vandaar die versoek om hierdie praktyk en beginsel te respekteer en instede van DitsemBlits gratis aan te stuur, eerder te help om nog intekenare te werf.

Sodoende kan Ditsem Nuus ondersteun word om te groei en sterker te word 'n Afrikaanse medium op sy eie wat bona fide die saak van die Afrikaner na beste van vermoë dien.

Soos gesien kan word, bevat DitsemBlits kort berigte en artikels kompak verpak onder die rubrieke Aktueel / Sakenuus / Internasionale Nuus / Redaksionele kommentaar / Skep moed! By die intekenpakket van R240 per jaar is ingesluit ‘n daaglikse elektroniese nuusbrief met net die belangrikste Nuushooftrekke van die dag.

Om in te teken is maklik:

Doen ‘n inbetaling van R240 in die volgende bankrekening:

•         Standard Bank, Brandwag tak

•         Takkode: 05-55-34

•         Rekeningnaam: DitsemBlits

•         Rekeningnommer: 140 320 105 (Spaarrekening)

•         Verwysing: Jou naam en van.

Volg dit asb. op met ‘n epos na //Hierdie e-posadres word van Spambotte beskerm. Jy moet JavaScript ontsper om dit te lees.">Hierdie e-posadres word van Spambotte beskerm. Jy moet JavaScript ontsper om dit te lees. met jou naam en van, die eposadres waarop jy die DitsemBlits wil ontvang, asook  bewys van betaling. By ontvangs van hierdie besonderhede sal ons jou naam / die naam van die intekenaar op die DitsemBlits adreslys plaas vir die volgende 12 x maande.

Ondersteun ons om 'n regsinnige, op die man af en ewewigtige Afrikaner-medium te vestig.

Ditsem Nuus beplan om in die April 2018 uitgawe van die koerant te begin met 'n fokus op ekonomiese bemagtiging van die Afrikaner, met spesifieke verwysing na wedersydse ondersteuning, die bevordering van entrepreneurskap en die handhawing van Afrikaans as besigheidstaal. Gekoppel aan hierdie fokus is die doelwit om 'n databasis van goedgesinde besighede op te bou en hulle te kry om elektronies met mekaar te kommunikeer.

Terselfdertyd is die breër doelwit om 'n kontaklys te vestig van regsinnige en welwillende Afrikaners en wel d.m.v. die uitbreiding van die intekenarelys van DitsemBlits as weeklikse elektroniese nuusbrief met inligting wat saakmaak spesifiek vir die Afrikaner.

Dit is so dat daar reeds georganiseerde pogings bestaan om Afrikaner-sakelui saam te bring op georganiseerde platforms of in sakekamers en die doel van Ditsem Nuus is om op 'n breë front met hierdie persone en instansies saam te werk.

Vir verdere inligting in hierdie verband of vir navrae en voorstelle, kan Johann Dannhauser by Ditsem Nuus geskakel word by 082 773 2150 of Hierdie e-posadres word van Spambotte beskerm. Jy moet JavaScript ontsper om dit te lees..

Die Mangaung Metro wat ageer oor Bloemfontein, Van Stadensrus, Wepener, Dewetsdorp en Soutpan sink al diep in die rooi in en word talle sleuteldienste nie meer gelewer weens 'n gebrek aan finansies. Een van die gevolge is dat raad pas van sy Aansuiweringsbegroting gebruik moes maak om van die tekorte ten bedrae van R48 miljoen aan te vul.   

Terselfdertyd is bepaalde items op die begroting met miljoene rand verhoog, soos Soliede afval onder Vullisverwydering met R11 miljoen, Veiligheid met R28 miljoen, Onderhoud van hysbakke met R9 miljoen en Reproduksie en verspreiding van raadstukke soos agendas en notules met R6 miljoen. Volgens die VF Plus is hierdie aansuiwerings bloot die resultaat van wanbestuur.

Onder sleuteldienste en infrastruktuur wat al ernstig skade gely het a.g.v. die groterwordende negatiewe kontantvloei van die metro, is dat die opgradering van Walter Sisuluweg (voorheen Haldonweg) vir twee jaar halfpad onvoltooid gelaat moes word weens wanbetaling aan die kontrakteurs, vullisverwyderingsvoertuie wat feitlik almal onklaar staan en selfs die paaiemente op die ampsmotor van die uitvoerende burgermeester wat agterstallig geraak het.

Die verteenwoordiger van die EFF in die Metroraad het gesê dat “the metro is being managed like a spaza shop”.

'n Spel-en-Speel-kompetisie vir laerskoolleerders in die Vrystaat word jaarliks deur AfriForum aangebied, met die fokus spesifiek daarop om kinders se lees- en spelvaardighede in hul moedertaal op ’n prettige manier te bevorder. Boonop is groot pryse op die spel.

Vanjaar is die kompetisie in samewerking met die gasheerskool, die Onafhanklike Skool Eduplus, asook Volksblad aangebied. Altesaam 113 leerders van 11 laerskole het deelgeneem in die twee afsonderlike afdelings vir graad 4- tot 7-leerders, naamlik Afrikaans huistaal en Afrikaans addisionele taal.

Die wenners in die onderskeie afdelings is soos volg: Graad 4: Huistaal: Mia Greeff (Laerskool Universitas); Addisionele taal: Neilke Maree (Onafhanklike Skool Eduplus) / Graad 5: Huistaal: Lisa Botha (Laerskool Fichardtpark):                 Addisionele taal: Quistynn Veldschoen (St. Michael’s School for Girls); / Graad 6: Huistaal: Elseri Venter (Laerskool President Brand); Addisionele taal: Jacole Spangenberg (Eunice Primary School) / Graad 7: Huistaal: Clarissa Venter (Onafhanklike Skool Eduplus); Addisionele taal: Alexia Coetzee (Onafhanklike Skool Eduplus).

Die Laerskool Fichardtpark het die prys gewen vir die skool met die meeste huistaalinskrywings, terwyl die Eduplus Onafhanklike Skool en die Laerskool Zastron die prys gedeel het vir die skool met die meeste inskrywings vir addisionele taal.

Later vanjaar bied AfriForum die onvoorbereide Dink-of-Sink-debatkompetisie aan vir hoërskoolleerders. Vir meer inligting hieroor, besoek https://www.afriforum.co.za/dink-sink-2018/U.

As jy in Suid Afrika die VSA se president komplimenteer loop jy die risiko om tegelykertyd geskiedenis te maak en van almal se Krismislysie geskrap te word.

Trump-ondersteuners is berug vir hul swye in geselskap. Dis baie soos om polities-behoudend in Suid Afrika te wees. Jy shut the f*ck up en lees in jou media hoe disfunksioneel jy is.

Nog nooit in die geskiedenis van die demokrasie het 'n demokraties-verkose president meer demokrate so ondemokraties gemaak as die 71-jarige Donald Trump nie.

Ek word gelooi vir my lof vir die windgatste president in menseheugenis. En dit is hy beslis. Hy is bruusk, baldadig en aweregs. Hier egter is my redes hoekom ek aan Trump gehoor gee:

■ Ek en ander wêreldburgers het deur die eeue 'n ysige wantroue ontwikkel vir konvensionele politici, met hul konvensionele beloftes, verpak in konvensionele toesprake, versoet met die nodige diplomasie, deurspek met die ou roetine van fopnuus en heuning, politici wat in hul blouligbrigades voor ons uitskiet om te gaan giggel in die parlement.

■   As Suid Afrikaner het ek 'n behoefte aan 'n president wat praat met gesag in die taal van sekerheid eerder as metaforiese kuisheid. Trump is dalk 'n showman, maar doekies omdraai is nie sy forté nie. Hy sny soos 'n orkaan deur die mure wat ons deur die jare om ons hartjies gebou het om ons gevoelens te beskerm. Want ons gevoelens, en net ons gevoelens, is al wat tel. Ek is volwasse genoeg om die data te verwerk sonder versiersuiker.

■   Ek het nodig om te hoor dat ons politici ons nie dom hou met polities korrekte narratiewe nie. Die waarheid is meer werd en meer omvangryk as dit. Soos zombies drom ons al jare om die ANC beloftes vir 'n beloofde land wat uit die sosialistiese hemele sal stort.

■   Ek benodig 'n president wat spoeg op die Marxistiese lens waardeur ons almal forseer word om te kyk. Sy toewyding aan sy geloof, sy erfenis, sy veterane en sy volkslied vertel my iets van sy toewyding aan sy land.

■   Daarom het ek nodig om te hoor: You are fired, goodbye. In Suid Afrika kry ons al professionele afgedanktes. Die ANC se hoofde van semi-staatsinstellings kry eenvoudig nie tyd om hul goue handdrukke te bestee nie. Nie iets wat Trump sal duld nie.

■   Ek moet kan aanvaar dat ek belas word deur 'n "shithole" staat as my regering eenvoudig nie weet hoe om bo wanprestasie en wanpraktyk uit te styg nie. Toe Donald Trump sulke state "shitholes" noem, het die huigelaars mooi sonsondergangfoto's van hul lande gepubliseer. Nie ek nie. Ek weet presies wat die Don bedoel. En my land is esteties asemrowend.

■   Ek het nodig om te hoor hoe 'n president sy voorgangers kritiseer. Onder 'n ANC eenpartystaat is dit natuurlik taboe. Hulle durf nie.

■     Demokrate en liberaliste, die voormalige pioniers van spraakvryheid, staan vandag bont met die inventaris van onspreekbare woorde, by die poorte van vryspraaksones en vryspraakvrye universiteite. Ek wil weet van 'n leier wat sulke fasciste die middelvinger wys en ek gee nie om wat hy hulle noem nie.

■   Ek het nodig om te weet dat daar 'n president is wat ryk was voor sy politieke loopbaan, nie as gevolg van sy politieke loopbaan nie. Ons parlement bestaan oorwegend uit voormalige terroriste en tronkvoëls, wat heerlik smul aan ons belastingverpligtinge.

■   Ek benodig 'n kapitalis-president wat haat om ander se geld te mors. Hy bevraagteken tenders en snoei ‘n oorgewig administrasie. Ek sou wou stem vir so 'n president, maar Suid Afrika is nie daardie tipe demokrasie nie. Geen ANC ampsdraer, vanaf ministers tot burgemeesters, is voor gestem nie. Dit verduidelik natuurlik alles.

■   Hier rond is 'n enorme aanvraag vir die lae swart werkloosheidsyfer van Trump se eerste jaar in die Withuis. Trump se VSA geniet vandag die laagste swart werkloosheidskoers in 45 jaar (6.8%). Klaarblyklik durf niemand Trump daarvoor prys nie. Daarom weet jy dit nie.

■     Ek het nodig om te hoor dat "ons" en "hulle" wel bestaan. En dat dit goed is so. Dat die Obama-paradys van konsensus 'n klug is en altyd was. Ek eis die reg om dit wat ek geniet, te omhels en dit wat ek minag, "shitholes" te noem. Ek weier om te maak of ek die woord nie ken of nog nooit gebruik het nie.

■     Anders as ander is hier een president wat nie vir een sekonde onder die radar kan uitklim vir respyt (of korrupsie) nie. Sy elke beweging is onder die soeklig van die wat hom verag. En omdat sy beleid nie veel gekritiseer kan word nie, sal jy nooit ophou lees aan kritiek op sy klere, taal, gewig, gesondheid, vrou, kinders, rykdom en twiets nie.

■   Die CNN-gedrewe TDS (Trump Derangement Syndrome) het ons afgestomp vir wat eintlik belangrik is. Kyk wat het die naargeestige Mail & Guardian, Daily Maverick, Time, Huffington Post, Telegraph, Guardian, New York Times, London Evening Standard, SKY, BBC, CBS, ABC, NBC en MSNBC die Clintons en Obamas vir jare mee laat wegkom het. Diversiteit sluit vir hierdie tipe media geensins intellektuele diversiteit in nie. En omdat ook ons media (The New Age, Sunday Times, eNCA, Kyknet, Naspers, Media24, SABC, ens.) sterk links oorhel, leef ons al dekades op 'n dieet van liberale regressiwiteit. Jy voel dit nie, want jy is die padda in die kookwater, soos Cyril Ramaphosa ons noem.

Dink aan daai gelaaide meningspeilings, ons Afrosentriese ontleders, die verloopte Afrikaners en Boerehaters, die Piet Croucamps, Max du Preez's, Rian van Heerdens, die Marxistiese propaganda, linkse sneeuvlokkies en ondemokratiese demokrate. Ek volg vandag @BreitbartNews, @Infowars, @maroelamedia, @RSApolitics, @SABreakingnews, @Praag, @renegade_brigade, @AmRenaissance, @NewRightAmerica, @AtlanticCent @faith_heritage, @zerohedge, @ThaRightStuff. Dit het 'n bekkige Amerikaanse president gevat om my uit my slaapwandeling te ruk.

■     Die allermagtigste linkse media beheer nie meer die agenda nie. Daardie mag MOET weer in die hande van die wyer samelewing wees, wat die reg moet kan geniet om te mag kritiseer en gekritiseer te word. Anders skakel ons met graagte oor na sosiale media. Soos die res van die planeet nou doen. Soos Trump ook doen.

■   Trump "trigger" die narsistiese, meesal histeriese, Social Justice Warriors. Dit kon nie anders nie. Hulle is dan maaksels van die selfie-kultuur. Warhol se “15 minutes of fame” is hulle dryfveer. Is daar iets meer vermaaklik as die selfvernietigende ontbinding van dié neurotiese sneeuvlokkies? Hulle kan geen skade bewys nie, maar wil vergoeding hê daarvoor. Daarom skree hulle hulself maar in 'n staat van post-traumatiese stres in. 'n Vloermoer, soos stout kinders. Jy sal onthou hoe vroue hul broeke afgetrek het om te ontlas op die sypaadjies van Times Square, hoe hulle vaginahoedens gedra het vir genderregte en hoe hulle in sexy, swart rokkies by die Golden Globes verskyn het in 'n veldtog teen die objektifiëring van vroue. Ons het die EFF daarvoor. Hulle vra respek vir hul mense en bestook dan ander met ontlasting, hulle trek hulle broeke af vir internasionale media, hulle vandaliseer, brand, plunder en verwoes.

■   Die grootste Suid Afrikaanse nywerhede het lank reeds hul hoofkwartiere buite SA se grense gevestig om die ANC se wurggreep van regulasie te ontduik. Onder Trump is daar 'n rare ommekeer in markvertroue. Ook die grootste Amerikaanse motorvervaardigers trek weer terug, met enorme gevolge vir indiensneming en die breër belofte om Amerika "great again" te maak.

■   Hou op val daarvoor: Trump sê nie wat hy wil nie. Maar hy huiwer geensins om lande (“shithole countries”) en projekte (NATO, TPP, Paris Accord) te antagoniseer wat te lank reeds 'n finansiële las op Amerika se welwillendheid is nie. As hy jou land 'n "shithole country" noem, is dit 'n geringe belediging in vergelyking met Amerika se opskorting van buitelandse hulp aan dieselfde lande. Meeste lande (en hul diktators) kan nie bekostig om sonder Amerikaanse inspuitings kop bo water te hou nie. Amerika skenk tot $12 miljard aan ontwikkelingshulp in 47 Afrikalande (USAID).

■     Trump is reg. Jy moet die feit/mite/krisis van klimaatsverandering finansier in die mate wat jy daaraan glo. Jy kan dit nie almal se probleem of prioriteit maak nie. Die wêreld maak dit die VSA se probleem. As Afrikaner word jou belasting vandag aangewend vir leerders wat jou kinders se moedertaal van hier af aan sal uitsluit. Dieselfde ding.

■   In SA wag miljoene al dekades lank vir behuising, rykdom, gelykheid, motors, grond en wasmasjiene wat uit die lug sou tuimel. Trump staan by sy verkiesingsbeloftes. En hulle is haalbaar. Die Meksikaanse muur staan dalk nog nie, maar het hy het as president Amerika weer aanloklik gemaak met verrykende belastingvoordele en verligting. Die linkse media moet desnoods swyg hieroor, veral noudat hulle spaarvarkie ook uit sy nate kan bars.

■   'n Roekelose president is hy dalk, maar niemand soek skoor met 'n roekelose president wat 'n armlengte van 'n kernbomknoppie staan nie. Selfs Kim Jung-un wil skielik gesels. Trump het reeds bewys dat hy met 'n ystervuis sal slaan. ISIS was na die bevryding van Raqqa nooit weer dieselfde nie. In Suid Afrika staan ons verlam voor hordes geweldenaars. Ons kon nie eers 'n skermutseling met Lesotho baasraak nie.

■   Trump-haters staar hulle blind teen die ondiplomatiese en soms (ek gee toe) kinderagtige Don. Maar sy heupskoot uitsprake maak hom nie minder gewild nie - sy uitsprake het hom president gemaak! Terwyl ons die president leer ken, is Donald Trump besig om sy mense te leer ken. Hy het homself nie president gemaak nie en hy weet dit.

■   Trump het 'n 70-punt immigrasieplan om die VSA 'n veiliger plek te maak. 70% van die 100 000 onwettige immigrante wat Trump reeds kon vasvat, was kansvatters met kriminele rekords. Die ANC bied ons 'n 1-punt plan vir ons beskerming: Die maak-soos-jy-wil plan.

■     Met die senaat se goedkeuring van Trump se (ongeëwenaarde) 11 appèlregters in 12 maande het die president die regbank vir altyd verander en effektief gemaak vir sy 90 nuwe wette, afgeteken in dieselfde tyd. Daardie vermoë en wil-tot-prestasie is afwesig in Amanzi - waar ons uitstaande hofsake toustaan soos Siriërs in Disneyland.

■     En dan die deel wat sy haters nooit mag erken nie. Geen president kon binne enkele maande robuuste ekonomiese groei beloof en lewer nie. As die Trump administrasie nie dadelik deur Demokrate gestop word nie, sal hy ‘n groter verleentheid vir hulle wees as wat hulle dink. Daarom probeer hulle hom summier stop en sink.

■     Bitter min presidente, wêreldwyd, kon die werkloosheidsyfer so vinnig omkeer. Jy kan hom nie haat daarvoor en die Suid Afrikaanse werkloosheidsyfer betreur nie. Jy sal moet kies. Ons ekonomiese vooruitsigte is benard. Ons grootste droom vir 2018 is 20% werkloosheid, 11 Rand vir 1 Dollar en 'n korter verblyf op rommelstatus se stasie - met 'n nuwe president wat reeds ontman is deur comradeship.

■     Naas Trump se ongekende belastinghervorming ontrafel hy sy voorganger se strawwe handels- en arbeidsregulasie. Ons ideaal vir 'n vrye mark is lank reeds dood gewurg deur Regstellende Aksie, SEB, Rassevoorkeurbehandeling, kwotas en onetiese tenderwerwing. Steeds leer ons nie.

■     Suid Afrika is die ongelukkigste land op vredesindekse en, na alles, meer rassisties en ongelyk as ooit. Na Donald Trump se eerste jaar in die Withuis sit hy met ‘n benydenswaardige probleem: 'n Groeiende ondersteuningsbasis onder swartes, Latino's, wettige immigrante en gays. En dan word sy aansprake nageaap in Europa, waar laasjaar se piepklein konserwatiewe faksies vandag se ontluikende opposisiepartye is.

Dis 'n nuwe wêreld daar buite.

Is Donald Trump die messias?

Beslis nie.

Is hy 'n irriterende swierbol?

Beslis, ja.

Maar onthou al bogenoemde as jy ná die volgende Amerikaanse verkiesing met nog 'n hoofpyn wakker word en Trump bedank Amerika vir sy tweede termyn as president.

Bladsy 1 van 39

VVK2 banier