► Kleurling Christelike pastoor eerw. Oscar Bougardt van Kaapstad oor anti-gay retoriek tot 30 dae tronkstraf gevonnis, wat vir vyf jaar opgeskort is; sy grootste teenstander en kritikus is André Gaum, bekende gay-aktivis ► Taiwan besig met hul Han Kuang Exercise 5-daelange reuse militêre maneuvers as voorbereiding vir moontlike aanval deur China ► Opspraak oor nuwe Russiese ondersese Poseidon hommeltuig, wat skynbaar enige hawe in die wêreld kan opblaas – www.thesun.co.uk vir meer inligting ► “This is not about land. It is about the loss of votes by the ANC and its little son, the EFF. It’s an attack on the white citizens of South Africa.” – Moeletsi Mbeki ► Sosiale media op ligter noot: “Royal Family is now Level 2 BEE Compliant” ► Christo du Plooy van Parys Vrydagaand in worsteling met drie rowers in sy huis voor sy gesin doodgeskiet; rowers was swart, “geen rassisme nie” ► Free State Stars van QwaQwa wen nasionale Nedbank Beker met prysgeld van R7 miljoen ná oorwinning 1-0 oor Maritzburg United in eindstryd

Regering keur 27 hernubare projekte goed

Die Kabinet het verlede week i.t.v. die Geïntegreerde Hulpbronplan oftewel IRP 'n totaal van 27 hernubare energieprojekte goedgekeur, nadat die projekte ook deur Eskom ingevolge die energie-aankoopplan die groenlig gegee is. Besonderhede omtrent die 27 projekte is op hierdie stadium nie beskikbaar nie, maar die individuele kontrakte is tans in 'n proses om met die applikante onderteken te word. Die 27 projekte is waarskynlik 'n mengsel van steenkool, son, wind en hidro.

Meer besonderhede word verwag wanneer die amptelike IRP dokument deur die minister van Energie David Mahlobo bekend gemaak word. Die aanduidings is dat hierdie dokument ook vir die hoogs omstrede kernkragprogram voorsiening sal maak. Laasgenoemde is deurgestoomroller voor die ANC-verkiesingskonferensie die komende naweek.

Gradeer die artikel
(0 stemme)

Lewer kommentaar

Vul al die vereiste velde in (*)

VVK2 banier