► Navorsing van Solidariteit toon dat die blanke bevolking van die land van 0-14 jaar met sowat 17 000 toegeneem het en dat totale blanke bevolking sedert verlede jaar met 130 000 mense gegroei het; dus groot behoefte aan werkskepping vir blankes ► Ditsem Nuus skep opwindende digitale markplein, DitsemMarkplein, vir Afrikaanssprekende- en Afrikaner-besighede op Telegram-program vir selfone – om te besoek en in te skakel, volg hierdie skakel ► Solidariteit kondig omvattende wettige belastingprotesveldtog aan, insluitende minstens ses regsaksies, teen staatsondernemings en belastingplunderaars, sê staat kan nie belasting gebruik om te steel nie ► Met ʼn skuld van R441 miljard toon Eskom bedryfsverlies vir 2018/19 finansiële jaar van R20,7 miljard in vergelyking van R2,3 miljard in 2017/18 finansiële jaar, dus styging van 800% in verlies; munisipale skuld by Eskom styg van R13,6 miljard na R19,9 miljard ► Minister van Openbare Ondernemings Pravin Gordhan kondig aan dat huidige voorsitter van raad van Eskom Jabu Mabuza ook aangestel is as waarnemende uitvoerende hoof ► Verslag van Stats SA toon dat werkloosheidskoers in SA van 27,6% in eerste kwartaal gestyg het na 29% in tweede kwartaal, na raming 17 miljoen werkloses in Suid-Afrika; vermoede dat werklike werkloosheid minstens 60% kan wees ► Diensbetogers te Petrus-Steyn brand uit frustrasie huis van ANC burgermeester Mamiki Mokoena van Nketoana Munisipaliteit af; geen drinkwater in die dorp nie ► In Pretoria staak munisipale werkers van SAMWU met looneis van 18% verhoging, terwyl inflasiekoers ongeveer 5% is; staking gepaard met vandalisme van infrastruktuur en intimidasie van publiek – kyk hierdie videogreep ► AfriForum beraadslaag met Marloth Park Belastingbetalersvereniging ten einde vestiging van steenkoolmyn van 18 000 ha op drumpel van Kruger Nasionale wildtuin by Krokodilbrughek teen te staan ► Groot verdeeldheid in ANC oor ʼn voormalige minister Derek Hanekom met Ace Magashule en Jacob Zuma wat sê hy was “apartheidspioen”, terwyl ANC-veterane en andere hom verdedig as gerespekteerde lid van ANC ► Kyk by hierdie videogreep hoe gemeenskapslede te Burgersfort volgens sosiale media SAPD-beamptes behandel ► Volgens Parlementêre antwoord van Minister van Maatskaplike Ontwikkeling Lindiwe Zulu, is pensioentrekkers en ander begunstigdes afgelope jaar uit maatskaplike toelaes van gesamentlik meer as R21 miljoen bedrieg, terwyl staatsamptenare op bedrieglike wyse R5,4 miljoen in sak gesteek het vir onbehoorlike siekte verlof ► Gereelde georganiseerde betogings en nagwake voor SA Hoë Kommissariaat in Ottawa, Kanada, teen geweldsmisdaad in SA insluitende teen boere, asook teen etniese suiwering, rassisme en korrupsie ► Op Vrouedag 9 Augustus Antieke & Versamelaarsmark by Voortrekkersmonument, Pretoria, 09:00 tot 15:00, alle stalletjie volbespreek, toegang R30 per voertuig, geen troeteldiere ►

Comrades: Groot gelykmaker

Op Sondag 4 Junie het die 92ste Comrades Marathon oor sowat 87 km tussen Durban en Pietermaritzburg weer sy kwota drama opgelewer. Daar is iets aan hierdie geleentheid wat dit nie maar net 'n sportgebeurtenis maak nie, maar 'n belewenis – vir deelnemers, toeskouers en wedloopbeamptes. Vir vanjaar se wedloop het meer as 21 000 mense ingeskryf, met die inskrywingsfooi vir Suid-Afrikaners R460, waarvan slegs 17 031 op D-dag by die wegspringpunt opgedaag het. Van dié wat weggespring het, het 13 850 die wedloop binne die maksimum afsnytyd van 12 ure voltooi – sowat 70% hiervan binne die laaste twee ure. Onder die mans was die wenner vanjaar die 33-jarige Bongmusa Mthembu van Pietermaritzburg in 'n tyd van 5:35:34 . Die vrouewenner was Camille Herron (34) van die VSA in 'n tyd van 6:27:35. Albei die wenners het die buitengewone gedoen om elkeen 'n dominerende wedloop te hardloop, d.w.s. vroeg – op sowat 30 km – die voortou te neem en die ander mededingers eenvoudig kis te hardloop. Dit is egter 'n groot waagstuk want veral in die opwedloop soos vanjaar, het al baie deelnemers wat te vinnig begin het, hulself in die tweede helfte uitgebrand. Dan was dit die rustige beginners wat verbykom en sterk eindig. Die Comrades bly 'n groot gelykmaker. Jy moet hom met respek behandel – goed voorberei sonder om dit te oordoen, uitgerus by die eindpunt opdaag, die eerste deel binne jou eie vermoë draf en sorg dat jy vir die laaste deel genoeg “petrol” het.
Gradeer die artikel
(0 stemme)

Lewer kommentaar

Vul al die vereiste velde in (*)

Go to top