► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Bergfietsry snelgroeiende sport

Bergfietsry is vanweë die uitdaging wat die aktiwiteit bied, asook die feit dat dit deur jonk en oud beoefen kan word, 'n sport wat vinnig toeneem in gewildheid. Dit vereis krag, balans en vaardigheid om met 'n mensaangedrewe masjien allerlei hindernisse in die natuur te oorkom, veral as dit midde in 'n mededingende ren op 'n nou voetpad moet gedoen word.

Veldwedrenne is die algemeenste dissipline van bergfietswedrenne, maar kry minder dekking as bergaf-fietsrenne (downhill cycling) omdat dit sigself nie vir TV-dekking leen nie. Tog is veldwedrenne gewilder en neem meer mense daaraan deel vir ontspanning of in 'n mededingende hoedanigheid. Veldwedrenne word sedert 1996 as Olimpiese sport beoefen as die enigste vorm van bergfietsrenne wat as sulks erken word.

Die XC tipe veldwedrenne het agt formate: XCO = Olimpiese formaat / XCM = Marathonformaat / XCP = Punt-tot-Punt formaat / XCC = Kortbaanformaat / XCE = Eliminasieformaat / XCR = Aflosformaat / XCS = Skofformaat / XCT = Tydtoetsformaat. Die enigste verskil tussen die XCM en XCP formate is dat eersgenoemde by dieselfde punt begin en eindig, terwyl XCP by twee verskillende punte begin en eindig.

Die DH tipe veldwedrenne het twee formate: DHI = Afdraande individuele formaat en DHM = Afdraande massabeginformaat.

In Four Cross, wat afdraande eliminasiewedrenne vervang het, begin 4 bergfietsryers gelyktydig op 'n moeilike afdraande baan en die eerste persoon oor die wenstreep is die wenner. Hierdie formaat van veldrenne het egter nog nie werklik posgevat in Suid-Afrika nie.

Die XCM formaat is ongelooflik gewild in Suid-Afrika, terwyl die XCO formaat die gewildste is in Europa. Die rede vir die gewildheid in SA is die ruimte en sonskynweer daarvoor. Nasionale en provinsiale kampioenskappe word jaarliks gehou vir beide die XCM en XCO formate.

Terwyl daar 'n menigte kompetisies, renne en ligas vir seniors en juniors in die land is, lok bergfietsry in hoërskoolligas in Gauteng tot 350 inskrywings. Die Cape Epic bv. as die wêreld se bekendste XCS-veldwedren oor 8-dae en 700 km trek jaarliks sowat 1 200 inskrywings.

Die sport het ook al in SA sy legendes opgelewer soos bv. wyle Burry Stander, Greg Minnaar, Johann Potgieter en andere. Daarby het die sport ook al hoogs gekommersialiseer geraak wat betref tipe fietse, toerusting, prysgeld vir kompetisies, borgskappe en beroepsjaers.

Daar is natuurlik veel meer oor hierdie groeiende sport te sê, maar hierdie oogopslag is slegs om 'n idee te gee.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top