► Gister 16 Junie is Jeugdag amptelik in SA gevier ter herdenking van die Sharpville-opstand in 1960, maar dit is ook die herdenking van 16 Junie 1900 toe Lord Roberts proklamasie onderteken het vir inwerkingstelling van beleid van verskroeide aarde wat tot die lyding en dood van sowat 30 000 Boervroue, -kinders en bejaarde mans gelei het – kyk hierdie video ► Vir presies hoe die Anglo-Boere-oorlog 1899 – 1902 verloop het en hoe die Britse oormag die lyding van vroue en kinders misbruik het om die Boerekrygers tot oorgawe te dwing, volg hierdie skakel ► Ambassadeur vir SA in Denemarke Zindzi Mandela skel SA blanke burgers op Twitter uit vir “cowards” en “land thieves” en sê dr. Chris Barnard “learned the basics of heart surgery from his black gardener” ► AfriForum vra Minister van Internasionale Betrekkinge en Samewerkinge Naledi Pandor om Zindzi Mandela onmiddellik terug te roep en af te dank ► Furore oor Twitter-geskel van Zindzi Mandela omdat sy veronderstel is om alle Suid-Afrikaners te dien en sy betaal word met belastinggeld van alle Suid-Afrikaners ► Volgens konsepwetgewing tans voor Parlement Broad Based Black Economic Empowerment Amendment Bill word begunstiging van blanke vroue uitgehaal omdat hulle in die praktyk van die sg. benadeelde groepe die vinnigste in die SA ekonomie vorder – volg hierdie skakel vir meer besonderhede ► Met spanning in Midde-Ooste rondom Iran skiet goudprys op na $1 350/ons, hoogste in 14 maande ► Vakunie Association of Mineworkers and Construction Union (AMCU) kondig aan dat dit met onderhandelinge vir lone in platinumbedryf later vandeesmaand gaan vra vir basiese salaris van R17 000; AMCU verteenwoordig sowat 60 000 lede ► Berig dat SABC slegs salarisse betaal en nie meer enige diensteheffings aan Stad van Johannesburg en City Power betaal nie, vraag of SAUK volgende maand nog in bedryf sal wees ► Vragmotorbestuurder Bernard Groenewald wat by Touwsrivier so deur aanvallers met brandbomme bestook is, is in hospitaal aan sy wonde oorlede ► Die Voortrekkers o.l.v. dr. Danie Langner onthul op plaas naby Parys nuwe standbeeld van Die Penkop tesame met twee borde met name van 2 466 seuns tussen ses en 16 jaar wat dié oorlog oorleef het ► EPR veiligheidsbeampte, Christo Myburgh, te Krugersdorp oorval op perseel deur drie gewapende aanvallers vermoedelik zamas zamas en drie keer geskiet ► Vind by hierdie skakel passievolle pleidooi vir moedertaalonderrig, ook in Afrikaans, deur Johnell Pelser op sosiale media ►

Sportflitse

Bokke: Berg te klim vir Erasmus

Met sy aanstelling as nuwe afrigter van die Springbokke tot 2023 ná twee Wêreldbekertoernooie, sê Rassie Erasmus die telbord gaan die arbiter wees. Volgens hom is wen al wat tel en daarmee neem hy die verantwoordelikheid op hom om die geleidelike agteruitgang van Springbokrugby die afgelope drie jaar om te draai.

Erasmus wat as 'n tegniese ghoeroe gereken word as dit by die fyner aspekte van die spel kom, het 'n stewige afrigtingspan aangestel om hom te ondersteun. Vrae word egter gevra oor sy keuse van Mzwandile Stick as agterlynafrigter, iemand met geen erkende baanrekord nie, terwyl die transformasieteiken van 'n Springbokspan volgende jaar van 50% swart en bruin, 'n groot uitdaging stel.

Nog 'n sleutelvraag is, wie gaan hy as kaptein aanwys? Oop hierdie stadium lyk dit of die beproefde Warren Whiteley nie 'n outomatiese keuse is nie

Krieket: Aussies toets staal van Proteas
Nadat die Proteas die neus van Indië in die grond gevryf het in die onlangse meerdagreeks, maar lelik platgeval het in die kortkodes van die spel, word die Proteas nou deeglik getoets teen die Aussies as die wêreldbestes. Die eerste toets was egter rampspoedig vir die Proteas met 'n pak van ..... lopies.

Die reeks is 'n ware toets vir die hele Proteaspan – kolwers, boulers en afrigter Ottis Gibson.

Suid-Afrikaner wêreldkanokoning
Die tienmalige wêreldmarathon-kampioen in kanovaart, Hank McGregor van Pietermaritzburg, is verlede maand in Silkeborg, Denemarke, in die Wêreldroei Toekenningsakademie, die Heldesaal van kanovaart, gehuldig met 'n prys vir die Mees Uitstaande Vertoning in 2017.McGregor het verlede jaar sy negende en tiende wêreldmarathontitels verower.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top