► In Mediumtermynbegroting van Minister van Finansies Tito Mboweni feitlik geen melding van landbou en die geweldige druk op boere oor wydverspreide droogte; op vraag van VF Plus pres. Cyril Ramaphosa ontwykend oor enige bystand aan kommersiële boere ► VF-Plus in Gauteng sê Gauteng Onderwysdepartement moontlik skuldig aan onreëlmatige besteding van R1,2 miljard i.v.m. skoolsvoedingsprojek, dít terwyl die LUR vir Onderwys Panyaza Lesufi Afrikaanse skole vir geringste vermoedelike oortredinge aanspreek ► Dit blyk of dorpe Dewetsdorp, Vanstadensrus en Wepener feitlik geen munisipale dienste ontvang vanaf Mangaung Metro onder wie hulle ingedeel is nie ► Adjunk-pres. David Mabuza op besoek aan China tydens sitting van SA-China Bilaterale Kommissie wys op die talle geïntegreerde tussen die twee lande o.a. dat 65 Chinese maatskappye R116 miljard in SA belê het (hierdie syfer soos genoem, Ditsem Nuus kan nie korrektheid verifieer nie) ► Stad Kaapstad ontvang R300 miljoen van Nederlandse regering om MyCiti snelbusdiens na Khayelitsha en Nyanga uit te brei ► Nederlandse man (35) en vrou (75) in Marlothpark, Komatipoort, vermoor deur versmoring deur hul monde toe te prop, man se vrou en dogter oorleef aanval ► Amerikaanse Huis van Verteenwoordigers stem 232-196 ten gunste van verdere ondersoek of pres. Donald Trump in staat van beskuldiging geplaas moet word oor Oekraïne ► China Mobile in China maak bekend dat sy 5G-tegnologie, 100 keer vinniger as 4G, nou in 50 stede insluitende Beijing en Sjanghai beskikbaar is ►

Treurgrond

Hierdie is ‘n rolprent wat die diepsnydende aspek van plaasmoorde in die Suid-Afrikaanse samelewing suksesvol uitbeeld, veral die trauma wat dit vir die blanke boerderygemeenskap en in besonder die Afrikaner-element, meebring. Volgens die rolprent was daar sedert 1990 in die land 1741 mense op plaase vermoor en die rolprent toon grafies die verreikende en eintlik nimmereindigende implikasies van elke plaasmoord. Die draaiboek is geskryf deur die 23-jarige Tarryn-Tanille Prinsloo, terwyl die bekroonde regisseur Darrell Roodt die regie behartig het. Die storie gaan basies oor die karakter Lukas van Staden wat te midde van die bedreiging van plaasaanvalle, landbou-uitdagings en grondeise probeer voortboer. Daarby is ‘n aantal boeiende sub-intriges ingebind. Wie hoegenaamd nie in die fliek te sien is nie, is die plaasmoordenaars. ‘n Mens sien slegs hulle skrikwekkende handewerk in ontstellende grafiese besonderhede, maar geen karakter waag ’n teorie oor die rede vir hul wreedheid of identiteit nie. In die rolverdeling is o.m. Steve Hofmeyr, Erica Wessels, Boikie Pholo, Richard van der Westhuizen, Vicky Kente, Jana Strydom, Deon Coetzee, André Frauenstein, Barbara Marie Immelman, Marze van den Heever en Jacques Gombalt.
Gradeer die artikel
(0 stemme)

Lewer kommentaar

Vul al die vereiste velde in (*)

Go to top