► Verskoning gister geen Hooftrekke weens onvoorsiene omstandighede, vandag dubbel ► Afrikaner-gemeenskap ontstoke oor haatspraak van Panyaza Lesufi Gauteng LUR vir Onderwys teen Afrikaans, wat sê dit “gaan sy verstand te bowe dat daar stryd is in skole vir Afrikaans as daar nie meer een universiteit is wat Afrikaans as onderrigmedium het nie” ► In terreuraanval 20 Mei op plaas tussen Fochville en Westonaria deur agt gewapende aanvallers op pa (55) en dogter (17) is dogter herhaaldelik verkrag ► Nog terreuraanvalle op plase: ► 21 Mei by Louis-Trichardt, Limpopo, Annette Kennealy voormalige DA raadslid vermoor in haar plaashuis aangetref ► 19 Mei by Addo, Oos-Kaap, vroulike plaaswerker deur twee gewapende aanvallers met messe gesteek, kontant geroof ► 17 Mei by De Doorns, Wes-Kaap, vyf gewapende aanvallers oorval bejaarde egpaar laataand in hul huis , beroof, geen verder besonderhede tans beskikbaar nie ► 87-jarige man in Tshwane in Distrikhospitaal erg aangerand deur personeel toe hy hulle aanspreek omdat hulle hom in Zoeloe en Tswana spot ► Pretoria Hooggeregshof gee uitspraak dat bevinding van OB Busisiwe Mkhwebane in saak van Estina-suiwelprojek by Vrede in Vrystaat so swak is dat dit tersyde gestel word ► Geweldige uittog van voorste SA rugbyspelers na klubs in die buiteland Engeland, Europa, Japan en VSA, o.a. Bulle-kaptein en Springbok-losskakel Handré Pollard ► Berigte dat hongersnood dreig in Zimbabwe a.g.v. droogte en lae vlak van Karibadam, sowat 3 miljoen mense benodig voedselhulp en beurtkrag word toegepas ►

Afrikaanse flieks floreer


Soos ook ander aspekte van die Afrikaanse kultuurlewe, floreer die Afrikaanse fliekbedryf, ondanks die huidige Afrikaans-onvriendelike atmosfeer in die land. ‘n Stroom nuwe Afrikaanse flieks sien tans die lig.
Enkele van hierdie nuwe flieks is Dis ek, Anna gegrond op die gelyknamige boek van Anchien Troskie en handel oor die molestering waaraan ‘n vrou as kind blootgestel was. Die hoofrol word gespeel deur Charlené Brouwer, terwyl Marius Weyers, Nicola Hanekom en Morné Visser o.a. in die rolverdeling is.
Nog een is Die Ontwaking met Johnny Breedt as skrywer en regisseur en met Gys de Villiers in die hoofrol. Dit handel oor die psige en motivering van ‘n reeksmoordenaar wat ook die eienaar van ‘n galery is en dan die vroulike speurder (vertolk deur Juanita de Villiers) wat die moordenaar aan die man moet bring.
Twee nuwe vrystellings vroeg in 2016 is Alison, ‘n dokumentêr van Alison Botha en Shushh, albei met die internasionale model Christia Visser in die hoofrolle.
Vir die kinders is daar een van die wêreld se bekendste en tydlose feëverhale soos oorspronklik geskryf deur Hans Christian Andersen nou in ‘n 3D stereoskopiese Afrikaanse animasieprent met die titel Die Sneeukoningin. Dit is deur Kobus Geldenhuys in heerlike, lewendige en moderne Afrikaans omgesit.
Hierdie is slegs enkele voorbeelde van ‘n florerende Afrikaanse fliekbedryf.

Gradeer die artikel
(0 stemme)

Lewer kommentaar

Vul al die vereiste velde in (*)

Go to top