Oorlog teen porno

African Satellite Installations (ASI) sê dat ‘n nuwe 24-uur pornografiekanaal van Januarie 2012 in Suid-Afrika beskikbaar gaan wees. Dit sou geskied deur die Franse Porn Satelliete TV (P Sat) en sou beteken dat harde volwasse pornografie vryelik gekyk kan word mits ’n ekstra dekodeerder en slimkaart @ R99 aangeskaf word.

Volgens ASI beeldsend die porno kanaal reeds na Afrika en het ASI nou ’n lisensie bekom om dekodeerders in SA te verkoop wat die kanaal kan opvang.

’n Woordvoerder van die Onafhanklike Kommunikasie-owerheid van SA (Okosa) sê egter dat Okosa nie kennis dra van waar die ASE-dekodeerders kom nie en dat Okosa die invoer van sulke toerusting eers moet goedkeur voordat dit versprei kan word. Daarby het Okosa nie ’n aansoek om ’n lisensie vir die verspreiding van pornografie deur PSat ontvang nie. Omdat kykers moet inteken op die kanaal, is dit onderhewig aan Okosa-goedkeuring.

Intussen het TopTV aansoek gedoen om ’n lisensie by Okosa om pornografie op drie video-kanale uit te saai.

Okosa sê egter ook TopTV se lisensie om pornografie uit te saai, is nog nie toegeken nie.

Hoe dit ookal sy, wetenskaplike ondersoeke het getoon dat pornografie vernietigend op die menslike psige inwerk, uiters verslawend is en verwoestend op morele sedes is. Dit bevorder ook hand oor hand euwels soos dwelmgebruik, alkoholmisbruik, gesinsverbrokkeling, egskeiding en jeugmisdaad.

Hoewel prof. Kobus van Rooyen van die Uitsaaiklagtekommisie van SA, (UKKSA) gesê het alle kanale wat plaaslik uitgesaai word, is onderhewig aan die regsbevoegdheid van die kommissie, sê hy sibskripsiekanale wat regstreeks van die buiteland uitsaai, is nie onderhewig aan streng reëls nie.

Daar is dus ’n kans dat die stroom geestelike riool verhoed kan word en met die oog daarop het Ditsem Vrystaat ’n petisie op sy webwerf geopen waar mense beswaar teen al die beoogde kanale kan aanteken. Die petisie sal dan na beplan word aan Okosa sowel as UKKSA voorgelê word.

Help ons om wal te gooi teen hierdie gemors vir SA en vir ons jeug!

Boweal, maak dit asb. ’n gebedsaak.