As ons nie weet wat om te bid - Kommentaar (1)

As ons nie weet wat om te bid

Kommentaar (1)

“…want ons weet nie reg wat ons moet bid nie…” (Rom. 8:26)
Gebed werk soos die bekende Amerikaanse 911 nooddiens. Al wat jy moet doen, is om die nommer te skakel om oombliklik met 'n operateur verbind te word wat opgelei is om kalm te bly en jou met die nooddiens te verbind wat dadelik vir jou hulp stuur.
Jy kan dalk nie in staat wees om die probleem te verduidelik nie. Miskien kry jou geliefde 'n hartaanval en jy is so ontsteld dat jy net oor die foon skree. Geen probleem nie; die operateur het nie die besonderhede nodig nie. Hy sien op die skerm waarvandaan jy die oproep maak, en hulp is oppad.
Daar kom tye van desperaatheid en pyn waartydens ons 911-gebede bid. Ons is oorstelp; ons het soms nie woorde nie. Maar God hoor. Hy ken ons name en ons omstandighede. Hulp is oppad; Hy bring reeds die geneesmiddel.
En net so kom ook die Gees ons swakhede te hulp, want ons weet nie reg wat ons moet bid nie, maar die Gees self tree vir ons in met onuitspreeklike sugtinge. En Hy wat die harte deursoek, weet wat die bedoeling van die Gees is, omdat Hy ooreenkomstig die wil van God vir die heiliges intree. En ons weet dat vir hulle wat God liefhet, alles ten goede meewerk, vir hulle wat na sy voorneme geroep is. (Rom. 8:26 – 28)