Monumentale Erfenis - dr. Jackie Grobler - Kommentaar (0)

Monumentale Erfenis - dr. Jackie Grobler

Kommentaar (0)

As 'n gids-uitgawe tot 50 Afrikaner-gedenkteken deur dr. Jackie Grobler, is hierdie boek 'n besitvereiste en 'n unieke roetegids tot die monumente-erfenis van die Afrikanervolk.
Die intrinsieke waarde van die boek lê in die volgende:
Die verspreiding van monumente / standbeelde word op die volgende roetes uitgestippel: Die N1-roete (Beitbrug – Kaapstad) (26 monumente / standbeelde); N2-roete (Ermelo – Kaapstad) (7); N3-roete (Johannesburg – Durban) (5); N4-roete (Komatipoort – Zeerust) (7) en langs ander roetes (5); vir 'n totaal van 50.
Elke tweede bladsy toon, met 'n foto van die bepaalde monument, die ligging, GPS koördinate, toegang, geriewe, oprigting en inwyding aan, asook voetnotas oor besienswaardighede in die omgewing.
Uitstekende historiese feite m.b.t. elke struktuur stel die besoeker in staat om as deel van reisgenot, sigbare herinneringe aan die geskiedenis te herleef.
'n Informele verwysing na die waardevolle werk van die Erfenisstigting word ook gegee.
Ten slotte: As teenvoeter teen die huidige algemene toestand van verval in die land, het dit noodsaaklik geword dat Afrikaner-volksgenote hul onmisbare kultuur-historiese erfenis opnuut of vir die eerste keer ontdek aan die hand van skitterende gidse soos Monumentale Erfenis.
Die gids kan bestel word by Kontak Uitgewers by tel. (012) 807 0434 of kontak@ananzi.co.za.
  Pieter F. Smith
Bloemfontein