Oorleef die finansiële storm

Kommentaar (1)

06/09/12

“…het die hoëpriester, Asárja, van die huis Sadok, met hom gespreek en gesê: Vandat hulle die offergawe na die huis van die Here begin bring het, eet ons tot versadiging en hou nog oorvloedig oor; wat die Here het sy volk geseën, sodat ons hierdie menigte oorgehou het.” 2 Kron. 31:10
Dr. Norman Vincent Peale was 'n prediker tydens die Groot Depressie. Sy salaris is twee keer verminder. Hy skryf: “Almal was depressief. Besighede het misluk. Niemand kon geld leen nie. Die druk het toegeneem en ek was beangs. Toe sê ek vir my vrou: 'Ons is in 'n hopelose situasie. Ons kan nie ons rekeninge betaal nie. Wat gaan ons doen?'”
Haar antwoord het my verstom: “Ons gaan tiendes gee!”
Ek het gevra: “Waarmee? Dis onmoontlik.” “Nie onmoontlik nie,” het sy geantwoord, “noodsaaklik. Ons gaan uitkom op 90% van jou salaris. Tiendes is 'n geloofsdaad en met ons geloof so klein soos 'n mosterdsaad, is niks onmoontlik nie.”
Sy was reg, ons het uitgekom. Geld het nie ingestroom nie, maar daar was altyd genoeg. Meer nog, die gee van tiendes het my vrese laat bedaar en my gedagtes gestimuleer. Daar's 'n onsigbare bron van oorvloed wat jy tap as jy aan God se opdrag gehoorsaam is.
Die Bybel sê: “Die seën van die Here maak ryk…” (Spreuke 10:22). God se seëninge hang nie af van die ekonomie nie. As jy Hom eer met jou tiendes en dankseggings, sal Hy “…die vensters van die hemel oopmaak en op julle 'n oorvloedige seën uitstort…” (Maleági 3:10).
In die Ou Testament toe God se volk “offergawes by die huis van die Here laat inkom het, was daar genoeg…en daar bly baie oor.” Hoekom? Want Hy het Sy volk geseën.
Maak jy staat op menslike ekonomie of op God se seën?